Rôm 7:25 - Kálar Nzyɛ̌m : Ejwán é Sáá

²⁵ Mɨná dwêʼ gá Nzyɛ̌m nzyǒo ɨ́ nzɨ̌ mé Yésʉs-Krîst, Tî gá wɨ́ná. Yé ó mpʉ mé dí e nkul elɛ́ɛ ó: bijwɨʼ bí lémé wâm, byé kpɛl éséǎ syɛ́ɛ́ ó, yaá métié mé Nzyɛ̌m dí etɨ́e yɨ́. Njwɨr myâ wâm wɨ́ɛ jaá kam ó, njɨ me jóʼaa mpʉ̌ syóm dí ekpɛl ó, me sâʼ misyóm yɨ́.

Kálara Zyɛ̌m Edwán é mpʉ̌n

²⁵ Bɨna dweʼ ga Zyɛm ekiba é zyɛŋa ga wina boo Tî ga wina Yesʉs-Krɨst! Yé ó mpʉ me ndɨ e nkul elɛɛ ó, mɨpɛhla mɨ leme wam, myé egwɨm sea syɛɛ ó, yaa motie mo Zyɛm ndɨ etɨe e. Nyʉl bɨpuno wam nyɛɛ, nye ekʉ ka kpɛl ó njɨ me diʼe elʉa mo Syem, le edu mɨnjwɨr mye.

Rôm 7:25 ပူးပေါင်းရင်းမြစ်များ

Kolosi 3:17

Sá yɨ́yɛ̂h bɨ́n dí esâ, nkʉ̂ lɛ́ɛ yɨ́, yé díʼee pɨrá e díé mé Tî Yésʉs. Dwéʼ gá Nzyɛ̌m Sɔ́ŋ nzyǒo ɨ́ díé lé.

1 Pyɛr 2:5

Kamaa gá ó, Nzyɛ̌m súmaa mbɛ̌r Sísǐm wé ngá di tɨ̂ʼ wɨ́. Diʼee gá mekóʼ me dí kublakúbla má, maá ngá kɛlɔɔ tɨ̂ʼ ɨ́ nzumó nyaá má. Bɨ̌n bé ósûʼla bʉ̂r o dí tí, baá o dí ɨ́ sɔ́má ópara bé bá. Mindwéá bɨ́n ngá dwidwě Nzyɛ̌m e nzɨ̌ Sísǐm wé mí, Nzyɛ̌m óbee myé mbɨ̂mbɨá ó, lɨ́ esú mé Yésʉs-Krîst.

1 Korɛnt 15:57

Nzyǒo e Nzyɛ̌m nyɨɛ, mʉr dí edwe mɨ́ná gá nkul entaa ɨ́ nzɨ̌ Tî gá wɨ́ná, Yésʉs-Krîst nyá!

Rôm 6:17

Mɨná dwêʼ gá Nzyɛ̌m nzyǒo. Bɨ̌n bʉr o b'á nyɛɛ be bitúʼǎ bí syóm bá, bɨ̌n mû ɨ́ báánâʼ ó, sí sâ méjóʼo e milémé mín mímyɛ̂h, lɨ́ edû mbi mílɛ́ʼlá mû lɨ́ ebaʼle bɨ́n mí.

Rôm 6:14

Ebě, syóm, wé ajala le ekǎ jwɨ́ɨ bɨ́n, ebě, bɨ̌n bé akǎ be bʉ̂r o dí ɨ́ mpila métié tʉ́ŋlʉ̌ bá. Ɨ́ báánâ, bɨ̌n mû ó baá Nzyɛ̌m mû sí lɛ̂ʼle mpâm bá.

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

Filipi 3:3

Mɨná gá bɨɛ ó dí e mpǎŋ tíʼá mpʉ́n, waá Nzyɛ̌m mʉr tɨ̂ʼ dí etíʼe wɨ́. Mɨná gá ó dí edwě Nzyɛ̌m kûm ɨ́ Sísǐm wé tʉ́ŋlʉ̌. Mɨná jaá nkʉ́na gá ó, njɨ ɨ́ Yésʉs-Krîst. Mɨná bé adyɛ̂ʼwo gá e bisyɛ́ɛla bi bʉ̂r ó sí yɨ̂.

2 Korɛnt 9:15

Mɨná dwêʼ gá Nzyɛ̌m nzyǒo ɨ́ lɔ̌b étʉ́m nyé á lómlo mɨná gá lɨ́. Membɨa me dí tɨ̂ʼ má, mé abe e tólɔ́ɔ.

Mataos 1:21

Nye óbyâ mâ mʉrʉ̂m. Go ójwɨr nyé “Yésʉs”, ebě, nye ó ngá tǐʼ kúl yé, lɨ́ etáǎ góo, le edwih yé ɨ́ mpila mísyóm, pɛʼ yé ɨ́ fá.»

Filipi 4:6

Asyɛl gá bá ɨ́ yʉ́ʉ́ sɔ̂ʼ. Jɨʼlaa gá e Nzyɛ̌m ɨ́ bijɔʼ bíbyɛ̂h, ɨ́ bisá bíbyɛ̂h bɨ́n dí ejɨ bí. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí edwe bɨ́n bí.

Éfɛsɔs 5:20

Ɨ́ jɔʼ yɨ́yɛ̂h, dwéʼ gá Nzyɛ̌m Sɔ́ŋ nzyǒo ɨ́ sá yɨ́yɛ̂h, le epɨr e díé mé Tî gá wɨ́ná, Yésʉs-Krîst.

Rôm 8:2

Me á nyɛɛ be ó túʼǎ ɨ́ lɔ̌b tíná mé Syóm, bé le eswie. Me á be ó, ɨ́ mpila yɔ́ɔ́. Sísǐm mé Nzyɛ̌m nzě tíne mé ó, me bíʼee twiʼ ɨ́ mpúhlá nyɨ́h e Yésʉs-Krîst. Nye ó b'á dwih me ɨ́ mpila yaá, pɛʼ mé tɨ̂ʼ ɨ́ fá.