Rôm 7:23 - Kálar Nzyɛ̌m : Ejwán é Sáá

²³ Tó kœb ó, mě beé ɨ́ nyʉ̂l nyǎm ó, yé e lʉ́ʉ́ étié e dí elwímla le etié e dí eduho ɨ́ bijwɨʼ bí lémé wâm lɨ́. Nkul syóm dí ɨ́ me wɨ́, wé ó dí entaa ócwóó wâm, nzě liŋ mé túʼǎ syóm dí me ɨ́ nyʉ̂l wɨ́.

Kálara Zyɛ̌m Edwán é mpʉ̌n

²³ To kœb ó, me ebee é bɨpeh bɨ nyʉl wam ó, yé e lʉʉ etie lé elwimla e l'etie lé eduho é mɨpɛhla mɨ leme wam ɨ. Syem ndɨ é me e, wé ó lé entaa ocyoo wam, me ntɔʼ lihba elʉa mo Syem ndɨ me é bɨfum bɨ nyʉl ɨ.

Rôm 7:23 ပူးပေါင်းရင်းမြစ်များ

Galásia 5:17

Ebě, njwɨr myâ gá wɨ́ná, wé jaá gwɨgwɨ̂m ó, njɨ bisyɛ́ɛlǎ Sísǐm mé Nzyɛ̌m dí ebene bí. Sísǐm mé Nzyɛ̌m wɨ́ɛ, wé jaá kpɛl ó, njɨ byaá njwɨr myâ gá wɨ́ná dí ebene bí. Bigwɨ́má mé Nzyɛ̌m le byaá bí njwɨr myâ gá wɨ́ná, byé lɨ́ elwímla páʼ nyɔ́ɔ́. Tɨ̂ʼ ó bɨ́n dí abe e nkul esâ syɛ́ɛla dí epɨ̂palwo bɨ́n ɨ́ miléme yɨ́.

Jacques 4:1

Bitɔm e melwímla dí esyɛ́ɛlɨ páʼ nyɨ́n bí, byé duhǒ nkoó? Byé duho ó, ɨ́ bigwɨ́má bɨ́n dí e byé jɔʼ yɨ́yɛ̂h ɨ́ menyʉ́l mɨ́n bí.

Rôm 8:2

Me á nyɛɛ be ó túʼǎ ɨ́ lɔ̌b tíná mé Syóm, bé le eswie. Me á be ó, ɨ́ mpila yɔ́ɔ́. Sísǐm mé Nzyɛ̌m nzě tíne mé ó, me bíʼee twiʼ ɨ́ mpúhlá nyɨ́h e Yésʉs-Krîst. Nye ó b'á dwih me ɨ́ mpila yaá, pɛʼ mé tɨ̂ʼ ɨ́ fá.

Rôm 6:19

Mě lwib ó, ɨ́ mpʉ mínzɨnzɨ mi bʉ̂r dí epǎ lwib yɨ́. Mě sá nó ó, ɨ́ mpʉ bɨ́n dí e metyɛʼ ɨ́ misísǐm mín yɨ́. Bɨ̌n bé á bɨbe ɨ́ jɔʼ myâ ó, sí kam ó, bɨ̌n díʼee bitúʼǎ. Bɨ̌n bé á sâ bisyɛ́ɛla ɨ́ jɔʼ yaá ó, njɨ byaá dí edulo mpîr ɨ́ nyʉ̂l bí le byaá dí egbah mémpéné bí. Bɨ̌n bé á didi ó, lɨ́ onzǎmnzǎm. Nó ó, ɨ́ báánâ, tímláá gá Nzyɛ̌m bitíl ményʉ́l bín. Byé séaa e né syɛ́ɛ́ ótîtyěl, bɨ̌n nkʉ̂ gúmo njɨ e né.

Rôm 7:25

Mɨná dwêʼ gá Nzyɛ̌m nzyǒo ɨ́ nzɨ̌ mé Yésʉs-Krîst, Tî gá wɨ́ná. Yé ó mpʉ mé dí e nkul elɛ́ɛ ó: bijwɨʼ bí lémé wâm, byé kpɛl éséǎ syɛ́ɛ́ ó, yaá métié mé Nzyɛ̌m dí etɨ́e yɨ́. Njwɨr myâ wâm wɨ́ɛ jaá kam ó, njɨ me jóʼaa mpʉ̌ syóm dí ekpɛl ó, me sâʼ misyóm yɨ́.

1 Pyɛr 2:11

Mě jɨʼlá e bɨ̌n, osó bâm ó, bɨ̌n díʼee mpʉ̌ sá lɛ́ɛ́, bɨ̌n bé ó milaa-nkpǎʼ, nkʉ̂ mpʉ ójwóo dí ɨ́ mesí mé sí yɨ̂ʼ bá. Ɨ́ nzɨ̌ nyaá ó bɨ́n ngá tí bísá bʉ̂r ó sí yɨ̂ʼ dí egwɨ̂m bí yɨ́. Bisâ byaá ó dí elwímla e misísǐm mín.

Ebrœ̂ 12:4

Mpʉ bɨ́n dí elwímla e njwɨr ébébe wɨ́n yɨ́, bɨ̌n bé apǎ gwá lwímla e wé mbɨ̂mbɨá. Sá tɨ̂ʼ ó étó é métié lɨ́n, dína apǎ tɔ́ba sí yɨ́.

Rôm 7:21

Nó ó, sá mé dí ebee ɨ́ jɔʼ yɨ́yɛ̂h ó yɨ̂: jɔʼ mé gwɨ́m ésâ émbɨa yɨ́, misyóm míɛ ó mé dí ekǎ koʼo ésâ.

Rôm 7:5

Jɔʼ yɨ́yɛ̂h mɨ́ná bé á dû gá njwɨr myâ wɨ́ná yɨ́, metié mé Nzyɛ̌m, mé á si dwe bibɨ́bla bígwɨ́má bíná nkul, byé ntɔ̂ʼ sâ ó, bisyɛ́ɛla mɨ́ná bé á tʉtô le esâ gá bí, byé dâʼraa eswie ɨ́ menyʉ́l gá mɨ́ná.

Rôm 6:13

Abîr gá bitíl ményʉ́l bín ó, byé díʼee bisá bɨ́n ósâ syóm e tɨ̂ʼ bí. Syóm, wé ámû jaá nʉa bítíl ményʉ́l bín byaá, wê nzě sâ mísyóm e tɨ̂. Bɨ̌n bé ó bʉr o b'á nyɛɛ dwe, nzě kǎ pah bá. Tímláá gá Nzyɛ̌m bɨ̌n bʉr o tɨ̂, ti e bitíl ményʉ́l bín. Byé díʼee bɨ̌n bisá bɨ́n ótó sâ ótîtyěl o bísyɛ́ɛla e byé bí.

Rôm 7:14

Mɨná bé lɨ́ egʉ́a gá ó, metié, mé ó sá dí eduho kwá mé Sísǐm mé Nzyɛ̌m yɨ́. Nó ó, twiʼ yâm yɨ́ɛ, yé duho ó, njɨ ɨ́ nkǒ páʼ nyʉ̂l bipúno. Mɨ́ boó dímlě dǐ ótî yâm. Nó ó mé á ka lîʼ e sɔ̂ʼ njɨ dǐ ótúʼǎ lɨ́ esú é mísyóm.

Jacques 3:2

Mɨná gá óbɛ̂h, bé lɨ́ esâ gá mebébe, mimbi mímyɛ̂h. Yé bé nyʉ́ʉ́ mʉ̂r, nye lɨ́ eboó lwib ɨ́ lwib lwib, sîl, asâ ébébe nó, lɛ́ɛ́, mʉr waá, nyɨ́ pʉʼa lɨ́ ontwǒm, tô lɨ́ obwam. Mʉr waá, nyě e nkul ekamle nyʉ̂l nyé nyɨnyɛ̂h lɨ́ esâ ébébe.