Rôm 7:21 - Kálar Nzyɛ̌m : Ejwán é Sáá

²¹ Nó ó, sá mé dí ebee ɨ́ jɔʼ yɨ́yɛ̂h ó yɨ̂: jɔʼ mé gwɨ́m ésâ émbɨa yɨ́, misyóm míɛ ó mé dí ekǎ koʼo ésâ.

Kálara Zyɛ̌m Edwán é mpʉ̌n

²¹ No ó, sa me lé ebee é jɔʼ yiyɛh ó yi: é jɔʼ me lé egwɨm sa embɨa ɛ, ebebe lɛɛ ó me lé eka koʼo lé esa ɛ.

Rôm 7:21 ပူးပေါင်းရင်းမြစ်များ

Rôm 7:23

Tó kœb ó, mě beé ɨ́ nyʉ̂l nyǎm ó, yé e lʉ́ʉ́ étié e dí elwímla le etié e dí eduho ɨ́ bijwɨʼ bí lémé wâm lɨ́. Nkul syóm dí ɨ́ me wɨ́, wé ó dí entaa ócwóó wâm, nzě liŋ mé túʼǎ syóm dí me ɨ́ nyʉ̂l wɨ́.

Ebrœ̂ 2:17

Sá tɨ̂ʼ ó yé á jala ó, nye díʼee kwahaá mpʉ bɨ́ɔɔ́ bé, ɨ́ mipáʼ mímyɛ̂h yɨ́. Nye á nwɨɨla e mɨná gá ó, lɨ́ esú ó, nye nkʉ̂ cwɨ́a e mɨná gá, le edi njwɨ́ɨ opara mɨ́ná ókʉ́ bûʼla gá nyá. Nye ó jálá le eséa ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr á dwe, búra le misyóm mí bʉ̂r bé, le eleʼě Nzyɛ̌m ɨ́ nkpaa nyé nyá.

Rôm 8:2

Me á nyɛɛ be ó túʼǎ ɨ́ lɔ̌b tíná mé Syóm, bé le eswie. Me á be ó, ɨ́ mpila yɔ́ɔ́. Sísǐm mé Nzyɛ̌m nzě tíne mé ó, me bíʼee twiʼ ɨ́ mpúhlá nyɨ́h e Yésʉs-Krîst. Nye ó b'á dwih me ɨ́ mpila yaá, pɛʼ mé tɨ̂ʼ ɨ́ fá.

Rôm 6:14

Ebě, syóm, wé ajala le ekǎ jwɨ́ɨ bɨ́n, ebě, bɨ̌n bé akǎ be bʉ̂r o dí ɨ́ mpila métié tʉ́ŋlʉ̌ bá. Ɨ́ báánâ, bɨ̌n mû ó baá Nzyɛ̌m mû sí lɛ̂ʼle mpâm bá.

Rôm 6:12

Mpʉ yé dí nó yɨ́, ayɨ́ kǎ kam gá ó, syóm, wé báʼa jwɨ́ɨ bɨ́n. Wé ayɨ́ kǎ nʉǎ jwɨ́ɨ ɨ́ nkǒ páʼ ményʉ́l mɨ́n, maá me dí edwe má. Ayɨ́ kǎ bîr gá ó, syóm, wé ntáŋaa bɨ̌n ɨ́ nkul, ó bɨ̌n sâʼ wé mejóʼo, nkʉ̂ dû bíbɨ́bla bígwɨ́má byé.

2 Pyɛr 2:19

Bé kɛʼ bé ó, bé ópɛʼ bé lɨ́ otúʼǎ, dil bé ɨ́ dǐ ónzyɛh o bʉ̂r. Tó kœb ó, bé bʉr o tɨ̂ʼ, bé ó mpǎŋ bitúʼǎ, lɨ́ edû métum me dí etyen mʉ̂r lɨ́ eswie má, ebě, sá yɨ́yɛ̂h dí ejwɨ́ɨ mʉ̂r yɨ́, mʉr waá, nye ó túʼǎ sâ yaá.

Ebrœ̂ 4:15

Ebě, njwɨ́ɨ opara gá wɨ́ná, nye ó waá dí e nkul ejɨ̂ʼ nkóó e mɨná gá ɨ́ jɔʼ nyé dí ebee étyɛʼ gá lɨ́ná yɨ́ nyá. Nye á si bóblɔɔ mimbi mímyɛ̂h, jwɨʼ gwár e gwár e mɨná gâ; sâ gwár, nyɨɛ l'aduma, nkʉ̂ sâ syóm.

Yʉanes 8:34

Yésʉs, nye e bé ó: «Mě lɛ́ɛ́ bɨ́n lɨ́ otyeetye ó, mʉr nyɨnyɛ̂h dí esâ syóm nyá, nye ó túʼǎ mísyóm.

Lʉkas 4:1

Yésʉs mû lwɨ́ŋlá e Sísǐm mé Nzyɛ̌m nɛ́ɛ: nye ntɔ̂ʼ duhǒ díbé Yɔrdên. Bé e Sísǐm mé Nzyɛ̌m ó b'á be ɨ́ lʉá.

Rôm 7:25

Mɨná dwêʼ gá Nzyɛ̌m nzyǒo ɨ́ nzɨ̌ mé Yésʉs-Krîst, Tî gá wɨ́ná. Yé ó mpʉ mé dí e nkul elɛ́ɛ ó: bijwɨʼ bí lémé wâm, byé kpɛl éséǎ syɛ́ɛ́ ó, yaá métié mé Nzyɛ̌m dí etɨ́e yɨ́. Njwɨr myâ wâm wɨ́ɛ jaá kam ó, njɨ me jóʼaa mpʉ̌ syóm dí ekpɛl ó, me sâʼ misyóm yɨ́.