Rôm 7:18 - Kálar Nzyɛ̌m : Ejwán é Sáá

¹⁸ Me lɨ́ egʉ́ǎ mbɨ̂mbɨá ó, sá mpâ, yé abe ɨ́ me. (Sá mê gwa lɛ́ɛ́ yɨ́, yé ó: «ɨ́ njwɨr myá wâm tʉ́ŋlʉ̌».) Ebě, sá mé dí ekam yɨ́, yé ó, me gwɨ́mɨɨ bisyɛ́ɛla bimpâ. Tó kœb ó, nkul dí ó, me sâʼ bisyɛ́ɛla byaá nyɨ́, nyé akúnwo e me.

Kálara Zyɛ̌m Edwán é mpʉ̌n

¹⁸ Ebe no, me egʉa mbɨmbɨa ó, sa mpa, yé abe é me. (Me si jala le etile yɛɛ ó: «é nyʉl bɨpuno wam tʉŋlʉ».) Ebe sa lé ekunbo e me e, yé ó, me gwɨmɨ mɨmpaŋ bɨsyɛɛla. To kœb ó, nkul ndɨ ó, me saʼ bɨsyɛɛla byaa ɛ, nye akunbo e me.

Rôm 7:18 ပူးပေါင်းရင်းမြစ်များ

Yʉanes 3:6

Sá dí ebyɛ̂l mbyɛ́lá bípúno yɨ́, yé ó bipúno. Yaá dí ebyɛ̂l e nzɨ̌ Sísǐm mé Nzyɛ̌m yɨ́, yé ó sísǐm.

Galásia 5:17

Ebě, njwɨr myâ gá wɨ́ná, wé jaá gwɨgwɨ̂m ó, njɨ bisyɛ́ɛlǎ Sísǐm mé Nzyɛ̌m dí ebene bí. Sísǐm mé Nzyɛ̌m wɨ́ɛ, wé jaá kpɛl ó, njɨ byaá njwɨr myâ gá wɨ́ná dí ebene bí. Bigwɨ́má mé Nzyɛ̌m le byaá bí njwɨr myâ gá wɨ́ná, byé lɨ́ elwímla páʼ nyɔ́ɔ́. Tɨ̂ʼ ó bɨ́n dí abe e nkul esâ syɛ́ɛla dí epɨ̂palwo bɨ́n ɨ́ miléme yɨ́.

Rôm 7:25

Mɨná dwêʼ gá Nzyɛ̌m nzyǒo ɨ́ nzɨ̌ mé Yésʉs-Krîst, Tî gá wɨ́ná. Yé ó mpʉ mé dí e nkul elɛ́ɛ ó: bijwɨʼ bí lémé wâm, byé kpɛl éséǎ syɛ́ɛ́ ó, yaá métié mé Nzyɛ̌m dí etɨ́e yɨ́. Njwɨr myâ wâm wɨ́ɛ jaá kam ó, njɨ me jóʼaa mpʉ̌ syóm dí ekpɛl ó, me sâʼ misyóm yɨ́.

Galásia 5:24

Bʉr o dí egúmo e Krîst bá, bé á si jʉ̂ njwɨr myâ gá wɨ́ná. Bisyɛ́ɛla bí ébébe wé á gwɨ̂gwɨm bí, byé akǎ báʼǎ be. Bé ó mpʉ̌ sá lɛ́ɛ́, bɨ́ jʉ̂ njwɨr waá, lɨ́ ebomlo wé e binzâŋ, bɨ́nɔɔ byé ɨ́ kolôs kʉ́.

Filipi 2:13

Ebě, Nzyɛ̌m ó dí edwe bɨ́n gwɨ́má édû nzɨ́ mpâ nyaá. Nye ntémé ó dí edwe bɨ́n nkul ó, bɨ̌n jánaa tɨ̂ʼ mbɨ̂mbɨá.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Rôm 7:19

Embɨa mé dí ekpɛl ésâ lɨ́, ntʉ lé mé dí esâ. Mě jaá sâ ó, njɨ misyóm mé dí akpɛl ésâ mí.

Rôm 7:15

Mé apʉgʉ́ gʉ́ǎ sá dí etíne ó, me sâʼ bisyɛ́ɛla mé dí esâ bí yɨ́. Mé abe lɨ́ esâ bísyɛ́ɛla byaá ɨ́ lɔ̌b kpɛ̌l yâm. Bisyɛ́ɛla mé dí ebuú bene bí ó mé dí ebuú sâ bí.

Mataos 15:19

Ebě, bibɨ́bla bíjwɨʼ bíbyɛ̂h, byé duho ó ɨ́ léme. Byé ó dí: ejwɨ́ɨ́ é bʉ̂r, medyɛ̂n, bimolá, díbe, eyalǎ lɔ̌b mɨ́ɔɔ́ gǒ mʉr lɨ́ onzyɛ́h ónzyɛ́h, le melwɨ́ɨ.

1 Pyɛr 4:2

Mbi mʉ̂r waá ókǎ títíʼe ɨ́ sí yɨ̂ʼ ó, njɨ lɨ́ elóŋlǒ gwɨ́má mé Nzyɛ̌m. Ɨ́ jɔʼ nyé óbe, nye dína ɨ́ nyʉ̂l bipúno yɨ́, nye ósyɛ̂hle bísyɛ́ɛla bi dí eduho ɨ́ bigwɨ́má bí bʉ̂r bí.

Filipi 3:12

Mé apǎ be e nkul elɛ́ɛ ó, me mû ó sí swim, pyâl lɨ́ odumo. Sâ gwár, me lɨ́ etô dóló le egbâ nkûl ó, me nkʉ̂ jala le myɛ́na mé kám, ebě, Yésʉs Krîst mû ó sí boó mɛ̂r mê.

Lʉkas 11:13

Bibɨ́bla bi bʉ̂r bɨ́n dí nɨ̌, bɨ̌n pǎ nyɛɛ́ dwe bwán bɨ́n bisá bímpâ, á dwɛʼra e Sɔ́ŋ wɨ́n! Nye óntɨ̌h Sísǐm wé, duho ɨ́ jʉ́o kʉ́, dwe wé bʉr o dí egwâm nyé wǎ bá.»

Rôm 13:14

Diʼee gá ɨ́ mpúhlá le Tî Yésʉs-Krîst. Bwáráá gá nye mpʉ̌ kán. Atoŋlo gá mpʉ bɨ́n dí e nkul elóŋlo bísyɛ́ɛla bí njwɨr myâ wɨ́ná yɨ́.

Rôm 7:5

Jɔʼ yɨ́yɛ̂h mɨ́ná bé á dû gá njwɨr myâ wɨ́ná yɨ́, metié mé Nzyɛ̌m, mé á si dwe bibɨ́bla bígwɨ́má bíná nkul, byé ntɔ̂ʼ sâ ó, bisyɛ́ɛla mɨ́ná bé á tʉtô le esâ gá bí, byé dâʼraa eswie ɨ́ menyʉ́l gá mɨ́ná.