Rôm 7:15 - Kálar Nzyɛ̌m : Ejwán é Sáá

¹⁵ Mé apʉgʉ́ gʉ́ǎ sá dí etíne ó, me sâʼ bisyɛ́ɛla mé dí esâ bí yɨ́. Mé abe lɨ́ esâ bísyɛ́ɛla byaá ɨ́ lɔ̌b kpɛ̌l yâm. Bisyɛ́ɛla mé dí ebuú bene bí ó mé dí ebuú sâ bí.

Kálara Zyɛ̌m Edwán é mpʉ̌n

¹⁵ Me apa kʉ gʉa sa lé eyɨm me ó, me saʼ bɨsyɛɛla me lé esa ɛ. Me abe lé esa bye ebe kpɛl yam. Bɨsyɛɛla me lé ebul nwim ɨ, byé ó me lé esa.

Rôm 7:15 ပူးပေါင်းရင်းမြစ်များ

Galásia 5:17

Ebě, njwɨr myâ gá wɨ́ná, wé jaá gwɨgwɨ̂m ó, njɨ bisyɛ́ɛlǎ Sísǐm mé Nzyɛ̌m dí ebene bí. Sísǐm mé Nzyɛ̌m wɨ́ɛ, wé jaá kpɛl ó, njɨ byaá njwɨr myâ gá wɨ́ná dí ebene bí. Bigwɨ́má mé Nzyɛ̌m le byaá bí njwɨr myâ gá wɨ́ná, byé lɨ́ elwímla páʼ nyɔ́ɔ́. Tɨ̂ʼ ó bɨ́n dí abe e nkul esâ syɛ́ɛla dí epɨ̂palwo bɨ́n ɨ́ miléme yɨ́.

Jacques 3:2

Mɨná gá óbɛ̂h, bé lɨ́ esâ gá mebébe, mimbi mímyɛ̂h. Yé bé nyʉ́ʉ́ mʉ̂r, nye lɨ́ eboó lwib ɨ́ lwib lwib, sîl, asâ ébébe nó, lɛ́ɛ́, mʉr waá, nyɨ́ pʉʼa lɨ́ ontwǒm, tô lɨ́ obwam. Mʉr waá, nyě e nkul ekamle nyʉ̂l nyé nyɨnyɛ̂h lɨ́ esâ ébébe.

Rôm 12:9

Kpɛ̌l, yé díʼee abe e mikóo. Nwimɨɨ gá sá yɨ́yɛ̂h dí ɨ́ bébe yɨ́. Kpɛlɨɨ gá sɔ̂ʼ njɨ yaá dí ɨ́ mbɨa yɨ́.

Yʉ̂d 1:23

Tiʼɨɨ gá baá mû sí lʉ́ŋa ɨ́ siʼe bá. Syɛbɨɨ gá bé ɨ́ siʼe yaá. Jɨ́ʼɨ́ɨ́ gá bʉr nkoó. Milémé mín jɨ́ʼɨɨ bé nkoó, lɨ́ ekɛ̂n bɨ́n dí ejóʼo ɨ́ bisyɛ́ɛla byɔ́ɔ́ lɨ́. Benaa gá syɛ́ɛla ébébe yɔ́ɔ́ yɨ́yɛ̂h, kumǒ kumáa e mikán bé á bubwâr ɨ́ menyʉ́l mɔ́ɔ́ mí, ebě, myé mû ó sí bil mpîr.

Rôm 14:22

Sá gó mû sí bûʼla yɨ́, baʼlaa yé ɨ́ lémé gô tʉ́ŋlʉ̌. Bɨ̌n e Nzyɛ̌m obá nkʉ̂ gʉ́a yê. Nzyɛ̌m ósʉ métyɛʼ me mpóm mé ó, ɨ́ mʉr dí edû kʉ̌ tyen mʉ̂r tɨ̂ʼ á pa kam wɨ́ nyá. Mʉr waá, nye ábeě sá nyé ójʉba e tɨ̂ʼ ɨ́ kʉ̌ tyen wé waá.

2 Timotɛ 2:19

Damá jóʼo nó, nkǎn Nzyɛ̌m á tyêl nyɨ́, nye dína ó, lɨ́ etyɛ̂b ɨ́ sɨŋ. Mekǎn nyé á cɛma, dumo e nkan nyaá má ó mâ: Nzyɛ̌m, nye lɨ́ egʉ́ǎ baá o dí egúmo e né bá. Mʉ́ʉ́ mé tɨ̂, mé ó: Mʉr dí ekɛn díé mé Tî gá wɨ́ná nyá, nye ɨ́ jala le esyɛ̂hle ébébe!

Ebrœ̂ 1:9

Gǒ kpɛl ó, sá dí tîtyěl yɨ́, bene yaá dí onzyɛ́h ónzyɛ́h yɨ́. Sɨ́ǎ yaá ó dí ó, Nzyɛ̌m ɛ̌! Nzyɛ̌m gǒ á si lœm go múló mé jwɨ́ɨ, lɨ́ edwe gó nkul jwɨ́ɨ, le elóŋlǒ lémé gô e bisʉhʉʉ, laa bʉ̂r ó njoo yô.

Rôm 7:16

Mé sá bísyɛ́ɛla mé dí akpɛl ésâ bí nó, nó yé lɛ́ɛ́ ó, mɨ́ kam ó, metié, mé ɨ́ mbɨa.

Lʉkas 11:48

Mpʉ bɨ́n dí ekɔ̂n mésoo mɔ́ɔ́ nó yɨ́, bɨ̌n bé lɨ́ eboʼlo tɨ̂ʼ lɨ́ otyeetye ó, osɔ́ŋ bɨ́n ó dí e mpono meswie mɔ́ɔ́. Osɔ́ŋ bɨ́n ó b'á jʉ̂ ogwíha o mílɔ̌b; bɨ̌n bɨɛ kǎ kɔ̂n mésoo mɔ́ɔ́.

Yʉanes 15:15

Me ákǎ jébe bɨ́n “osyɛ̂l o mésâ bâm”, ebě, syɛ̂l, nyé agʉ́ǎ sá njwɨ́ɨ wé dí esâ yɨ́. Me ókǎ jɨjébe bɨ́n ó, “osó bâm”, ebě, mɨ́ lɛ́ɛ bɨ́n sá yɨ́yɛ̂h mé á jóʼo kwá mé Sɔ́ŋ wǎm yɨ́, ó bɨ̌n nkʉ̂ gʉ́a yê.