Rôm 7:14 - Kálar Nzyɛ̌m : Ejwán é Sáá

¹⁴ Mɨná bé lɨ́ egʉ́a gá ó, metié, mé ó sá dí eduho kwá mé Sísǐm mé Nzyɛ̌m yɨ́. Nó ó, twiʼ yâm yɨ́ɛ, yé duho ó, njɨ ɨ́ nkǒ páʼ nyʉ̂l bipúno. Mɨ́ boó dímlě dǐ ótî yâm. Nó ó mé á ka lîʼ e sɔ̂ʼ njɨ dǐ ótúʼǎ lɨ́ esú é mísyóm.

Kálara Zyɛ̌m Edwán é mpʉ̌n

¹⁴ Bɨna bé egʉa ga ó, motie, mé ó sa lé eze bɨna ga e sikʉlʉ ndɨ ejala e Mbɨambɨa Sisim ɨ. No ó, tiʼ yam yɛɛ, yé eduho ó, njɨ é nyʉl bɨpuno. No ó me a ka liʼ e sɔʼɔ ó, njɨ dia olʉa mo Syem.

Rôm 7:14 ပူးပေါင်းရင်းမြစ်များ

Rôm 7:18

Me lɨ́ egʉ́ǎ mbɨ̂mbɨá ó, sá mpâ, yé abe ɨ́ me. (Sá mê gwa lɛ́ɛ́ yɨ́, yé ó: «ɨ́ njwɨr myá wâm tʉ́ŋlʉ̌».) Ebě, sá mé dí ekam yɨ́, yé ó, me gwɨ́mɨɨ bisyɛ́ɛla bimpâ. Tó kœb ó, nkul dí ó, me sâʼ bisyɛ́ɛla byaá nyɨ́, nyé akúnwo e me.

Éfɛsɔs 3:8

Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.

Mataos 5:28

Nó mɛ̌m lɛ́ɛ́ bɨ́n ó: mʉrʉ̂m nyɨnyɛ̂h dwɛ́ʼ mʉ́má nye onkán le egwɨ̂m nyé ɨ́ léme tʉ́ŋlʉ̌ nyá, nye mû náǎ ó, sí sâ médyɛ̂n e né ɨ́ lémé wé ó nɨ̌.

Mataos 5:22

Nó mɛ̌m lɛ́ɛ́ bɨ́n ó: mʉr nyɨnyɛ̂h dí elɛ̂ʼle mɨ́ɔɔ́ wé nkpaa nyé nyá, ótóŋɔɔ e yé ɨ́ mpáh milɔ̌b. Mʉ̂r lwɨ́ɨ́ mɨ́ɔɔ́ nó, nye ótóŋɔɔ e yé ɨ́ bʉ̌m nɨ́nɨ́ɨ́. Mʉ̂r lɛ́ɛ́ e mɨ́ɔɔ́ ó, nye ó gʉ̌ nó, nye ótóŋɔɔ e yé Gehên, bɨ́ siʼe dí adímedime yɨ́.

Lʉkas 7:6

Yésʉs, bé e boo nɔ́ɔ́, ntɔ̂ʼ tô mbɛ̌r mʉ̂r waá. Bé mû bǎʼ e mbɛ̌r waá nɛ́ɛ: kapitɛ̂n waá ntɔ̂ʼ lómo ósó bé ó, bé tôʼ lɛ́ɛ e Yésʉs ó: «Dâ ɛ̌, ayɨ́ ntɨ̂ʼ nyʉ̂l nyǒ dwêh. Mbi bɨ́bla mʉ̂r mé dí wɨ́, yé ajala ó, go níʼee ɨ́ mbɛ̌r wâm.

Lʉkas 5:8

Jɔ̌ʼ Simon Pétrus á bee syɛ́ɛla yaá yɨ́, nye ntɔ̂ʼ bɨʼ mébóó sí ɨ́ mpǒm mé Yésʉs. Nye e né ó: «Dâ ɛ̌, ayɨ́ di bǎʼ e me, ebě, me ó mʉrʉ̂m dí syɛ̂l misyóm nyá.»

Mataos 18:25

Mpʉ nyé á be abe e sá nyé jánaa yɨ́, sɔ́ŋ wé ntɔ̂ʼ dwe twíí ó, bé bɛ́maa nye, le mʉmá wé, le bwán bé ti e bisá bíbyɛ̂h nyé á be e byé bí, ó nye jánaa mpʉ́lá nyé.

Mataos 16:23

Yésʉs nzě dwira, le elɛ́ɛ e Pétrus ó: «Sátan, duhaa mé ɨ́ mîh. Go ó ebɔ̌ʼ e dí e nkul ebɨma mé ɨ́ léme lɨ́. Mipahlá myô, myé abe myaá mé Nzyɛ̌m, njɨ myaá mi bʉ̂r.»

Ebrœ̂ 4:12

Lwǐb mé Nzyɛ̌m, yé ó sá dí kublakúbla yɨ́. Yé e nkul! Yé ntémé, yé ɨ́ bábla, laa pâsoŋ dí njebá myoo mipáʼ mímbá yɨ́. Ɨ́ jɔ̌ʼ Nzyɛ̌m dí elwib yɨ́, lwǐb yé, yé lɨ́ ekʉ́ bánǎ syɛ̂h bípúno, tó kumo ɨ́ mebɨ̌l, ntɔ̂ʼ pin bítíl bí nyʉ̂l ɨ́ mebʉó. Yé lɨ́ ekpâhlǎ gúmó léme ndu e sísǐm dí edira yɨ́. Yé lɨ́ epahle le egbâ mbɔ́ʼ ɨ́ miléme ndu e bijwɨʼ gá bíná.

Rôm 3:9

Mɨná bé ólɛ́ɛ gá nyá? Nzê bɨ̌h oYúden ó dí elaa bʉ́ʉ́ bʉ̂r ɛ̌? Heʼé, yé abá be nó. Me bé ó sí lɛ̂ʼle ɨ́ kpɛŋlɛm ó, oYúden ti e bʉr o dí abe óYúden bá, bé e mebě. Syóm, wé ó dí ejwɨ́ɨ bɨ́bɛ̂h.

Rôm 6:6

Mɨná bé lɨ́ egʉ́a gá ó, ɨ́ jɔʼ bé á jʉ̂ Yésʉs-Krîst, lɨ́ ebomlo nyé e binzâŋ, le ebɨ́nɔɔ nyé ɨ́ kolôs kʉ́ yɨ́, Nzyɛ̌m á si bomlo metum me myâ gá mɨ́ná tɨ̂ʼ ntémé ɨ́ kolôs gwár yaá. Nye á sâ nó ó lɨ́ esú lé éteʼle nyʉ̂l dí egwɨ̂m mísyóm nyɨ́, le ntémé ó, mɨná ayɨ́ kǎ báʼǎ di gá bitúʼǎ lɨ́ esâ mísyóm myaá.

Galásia 4:3

Jwɨʼ gwár e gwár yaá ntémé, mɨná bé á be gá ó mpʉ bítúʼǎ, agʉ́a bísá bímpâ. Mɨná bé á nî gá lɨ́ otúʼǎ waá ó, mɨná dúʼoo gá milɛ́ʼlá bʉ̂r ó sí yɨ̂ʼ dí ekûhlo mí.