Rôm 7:1 - Kálar Nzyɛ̌m : Ejwán é Sáá

¹ Bɨ́ɔɔ́ bâm! Okɛ́l bâm! Bɨ̌n bé ó bʉr o dí ekʉ́ gwá gʉ́a métié mé Nzyɛ̌m bá. Bɨ̌n bé lɨ́ egʉ́a ó, etié, lé jaá jwɨ́ɨ ó, njɨ mʉr dína lɨ́ etiʼe nyá.

Kálara Zyɛ̌m Edwán é mpʉ̌n

¹ Obɨɔ ga bam aa! Bɨn bé ekʉ gʉa motie mo Moyiz. Bɨn bé egʉa ó, etie, lé ejwɨʼ mʉr ó, njɨ é jɔʼ nye dina kʉ ɨ.

Rôm 7:1 ပူးပေါင်းရင်းမြစ်များ

Rôm 6:14

Ebě, syóm, wé ajala le ekǎ jwɨ́ɨ bɨ́n, ebě, bɨ̌n bé akǎ be bʉ̂r o dí ɨ́ mpila métié tʉ́ŋlʉ̌ bá. Ɨ́ báánâ, bɨ̌n mû ó baá Nzyɛ̌m mû sí lɛ̂ʼle mpâm bá.

Rôm 7:6

Ɨ́ mimbú mí píhe, mɨná bé á be gá ó, ɨ́ mpila métié. Nó ó, ɨ́ báánâ, mɨná mû ó, sí dwe gá ɨ́ nkǒ páʼ métié maá. Mɨná bɨ́ duho gá ɨ́ mpila métié mé á nyɛɛ mɨmɛ̂r mɨná gá lɨ́ okómó wɔ́ɔ́ má. Yé á syɛ́ɛ nó ó, mɨná nkʉ̂ séa gá Nzyɛ̌m syɛ́ɛ́ ɨ́ nzɨ̌ dwân, nyaá Sísǐm mé Nzyɛ̌m mû sí kar mɨ́ná gá nyɨ́. Mɨná bé akǎ dû gá nzɨ̌ myâ, nyaá mícɛmá myé, myé á nyɛɛ tɨtɨ́e nyɨ́.

Rôm 6:3

Nzê bɨ̌n bé agʉ́a ó, ɨ́ jɔʼ mɨ́ná bé á duŋɔɔ gá yɨ́, mɨná bɨ́bɛ̂h, bé á si pûhla gá e Yésʉs-Krîst ɛ̌? Ɨ́ ndubó waá, mɨná bé á dwe gá e Yésʉs ó sɔ́má.

Rôm 10:1

Bɨ́ɔɔ́ bâm! Okɛ́l bâm! Lémé wâm, wé lɨ́ ekʉ́ gwɨ̂m; me ntémé, me lɨ́ ejɨʼla e Nzyɛ̌m lɨ́ esú ó, oYúden ntáa bǐ twǐʼ njʉ̌m dǐ.

Galásia 4:21

Jóʼláá gâ, bɨ̌n bʉr o dí elɛ́ɛ ó, bɨ̌n kpɛl édi ɨ́ mpila métié tʉ́ŋlʉ̌ bá. Lɛ́yɨ́ɨ́ gá me sá yɨ̂: nzê bɨ̌n bé ajóʼǒ sá métié maá dí elɛ́ɛ yɨ́ ɛ́?

Rôm 9:3

Wé kpaa mé nó ó, ebe bɨ́ɔɔ́ bâm, bʉr o bɨ́h le onɔ́ɔ́ bé á byɛ̂l bá, dí e meswomlʉ. Yé bé Nzyɛ̌m á bě sí kam nó, lɛ́ɛ́, mɨ́ kam ó, nye dwíhɨɨ bé meswomlʉ mé, nye syɛ́mɨɨ me, damá jóʼo ó mpʉ bɨ́h e Krîst, bé óbɔ́ʼa mpɔ́ʼá mpá yɨ́.

1 Korɛnt 9:8

Ajwɨʼ gá ó, minkar myâm jaá bɔma ó, njɨ e myaá mi bʉ̂r, ebě, minkar myaá, myé lɨ́ ebɔma e sá dí cɛmá ɨ́ metié mé Moyɨ̂z yɨ́.

Rôm 1:13

Bɨ́ɔɔ́ bâm! Okɛ́l bâm! Mě kpɛl ó, bɨ̌n gʉ́ŋaa ó, ɨ́ bijɔʼ ɨ́ buo buo, me á be ó le jwɨʼ ó, me ónzě bee bɨ́n. Me á jaa bʉbɔma sɔ̂ʼ ó, njɨ e mingamla. Sâ gwár, me ónze yɨ́ɛ lɨ́ esú lé énzě séǎ Nzyɛ̌m syɛ́ɛ́ ɨ́ sɔ́má yɨ́n. Me á gwɨ̂m ó, syɛ́ɛ́ yâm, yé gúmaa ntémé mpumó kwá nyɨ́n ɨ́ mpʉ yé á gúmo mpumó ɨ́ mʉ́ʉ́ mésí méswîh yɨ́.

Rôm 10:4

Mě lwib nó ó, ebě, Krîst á si gbâ nkǎ-ti ɨ́ nzɨ̌ metié, lɨ́ ekamle bʉ̂r lɨ́ ebáʼǎ cɨɨ tɨ̂. Nye á sâ nó ó, lɨ́ esú é bʉ̂r o ngá bi nkâm ɨ́ míh mé Nzyɛ̌m bá, bé díʼee baá bɨ́bɛ̂h dí edyɛ̂ʼwo e né bá.