Rôm 6:21 - Kálar Nzyɛ̌m : Ejwán é Sáá

²¹ Wáǎ nyɔm bɨ́n á bi, duho ɨ́ misyóm bɨ́n á sɨsâ mí? Bɨ̌n mû ɨ́ báánâʼ ó, lɨ́ ejóʼo sôn lɨ́ esímsa bísyɛ́ɛla bí ébébe byaá. Ndumló bísyɛ́ɛla byaá wɨ́ɛ, wé ó eswie.

Kálara Zyɛ̌m Edwán é mpʉ̌n

²¹ Wáa nyɔm bɨn bé a dira e mɨsyem bɨn bé a sa ɛ? Banana, bɨn mu ó lé ejoʼo fwon lé etoŋlo bɨsyɛɛla bɨ ebebe byaa. Byé ó ndɨ eto e bʉr nko efie.

Rôm 6:21 ပူးပေါင်းရင်းမြစ်များ

Rôm 1:32

Damá jóʼǒ mpʉ bʉ̂r baá, bé lɨ́ egʉ́a ó, Nzyɛ̌m á lɛ́ɛ ó, baá bɨ́bɛ̂h dí esâ mímbi mí ébébe myaá bá, bé dáʼré ó, eswie ɨ́ menyʉ́l mɔ́ɔ́ yɨ́, bɨ́ɛ, bé ó njɨ lɨ́ etô dóló le esɨsâ bísyɛ́ɛla byaá. Yé abě njɨ nó yé omér. Jɔʼ bé dí ebee bʉ́ʉ́ bʉ̂r lɨ́ esâ syóm yɨ́, bé e bisʉhʉʉ ɨ́ miléme. Bé e bé ó: «Sɨ́sáʼ gá njɨ mpʉ́nʉ̌.»

Rôm 7:5

Jɔʼ yɨ́yɛ̂h mɨ́ná bé á dû gá njwɨr myâ wɨ́ná yɨ́, metié mé Nzyɛ̌m, mé á si dwe bibɨ́bla bígwɨ́má bíná nkul, byé ntɔ̂ʼ sâ ó, bisyɛ́ɛla mɨ́ná bé á tʉtô le esâ gá bí, byé dâʼraa eswie ɨ́ menyʉ́l gá mɨ́ná.

Rôm 6:23

Myɛ́na mé syɛ̂l misyóm, mé ó njɨ eswie. Tó kœb ó, ndwéá Nzyɛ̌m á dwe bʉr edwɛ́na wɨ́, wé ó twǐʼ njʉ̌m dǐ ɨ́ mpúhlá gá nyɨ́ná e Tî Yésʉs-Krîst.

1 Yʉanes 2:28

Nó ó, bwán bâm, diʼee gá ɨ́ mpúhlá e Krîst, mbi dí ó, jɔʼ nyé óbáʼǎ nyɨ̂n yɨ́, mɨná nkʉ̂ nʉa gá pîm ɨ́ búʼó. Mɨná nkʉ̂ be gá asɔ́ma ɨ́ míh mé, ɨ́ jɔʼ nyé óbáʼǎ nze yɨ́.

Ebrœ̂ 6:8

Yé sí kǎ be yɨ́ɛ ó, pemé yaá, yé páh ó, mbɨ́ biká mpʉ míndwínɨ́nɨ́ le ntʉ̌msakpɛl nó, go ó, pemé yaá, yé abe e nyɔm. Yé ókǎ lîʼ ó, tyé médwíne mé nyâ ó, nye syɛ́mɨɨ yê. Bé ójaá kǎ dîʼ yé ó, díʼɨ́ɨ.

Rôm 8:13

Bɨ́n dú njwɨr myâ gá wɨ́ná nó, go ó, eswie, lé ójala e bɨ̌n. Bɨ́n lélé nkûl e nzɨ̌ Sísǐm mé Nzyɛ̌m, ntɔ̂ʼ jʉ̂ bísyɛ́ɛla bi nyʉ̂l bipúno nó, lɛ́ɛ́, bɨ̌n bɨ́ tiʼe!

Rôm 8:6

Yé bé njwɨr myâ gá wɨ́ná, wé lɨ́ epalwo mʉ̂r ɨ́ léme nó, eswie ó ngá jala e mʉr waá. Ɨ́ jɔ̌ʼ Sísǐm mé Nzyɛ̌m dí edi mʉ̂r ɨ́ léme yɨ́, mʉr waá óbǐ mpǎŋ twiʼ. Lémé wé, wé ólóno ɨ́ mepyɛbla.

Mɨngwiha 20:14

Píe tɨ̂, eswie bé e kwár odwe, byé ntɔ̂ʼ guhɔɔ ɨ́ bɨ́ siʼe. Bɨ́ siʼe yaá ó dí gúmó bʉ̂r dí edwe éswie embá yɨ́.

Mɨngwiha 16:6

ebě, bé á si kʉ jʉ̂ bʉr o gó á twâr bá, bé le ogwíha o mílɔ̌b bô. Metié mɔ́ɔ́, mɨ́ buú swɨɨ sí. Nó ntémé ó gó á lɛ́ɛ ojʉ̂l o bʉ̂r baá ó, bé bɛ́blaa metié yɨ́. Sá dí ejala e bé yɨ́ ó nɨ̌!»

1 Pyɛr 4:17

Etíʼ é mílɔ̌b gá lɨ́ná, lɨ́ pyâl. Nzyɛ̌m nyɛl élwib mílɔ̌b ó, myaá mi bʉ̂r ó Mbɛ̌r-Nzyɛ̌m. Tíʼá mílɔ̌b waá pǎ nyɛɛ́ nyan kwá gá nyɨ́ná, bʉr bé, á dwɛʼra e bʉr o dí abûʼlǎ Mbɨambɨa Lɔ́ɔ́ mé Nzyɛ̌m bá! Ndumló syɛ́ɛla yɔ́ɔ́ yaá, wé óbe yé?

Jacques 5:20

gʉ́ŋáá gá ó, mʉr waá dí epɛʼ syɛ̂l misyóm ɨ́ nzɨ̌ misyóm myé, tyêl nyé ɨ́ nzɨ̌ mpâ nyá, nyɨ́ tǐʼ sísǐm me syɛ̂l misyóm waá. Nyɨ́ sâ ó, Nzyɛ̌m pɛ́ʼɛɛ nye bibaa bí ébébe ɨ́ buo buo.

Jacques 1:15

Bigwɨ́má mû lɨ́ etíʼe ɨ́ léme tʉ́ŋlʉ̌ bí, byé súʼlá ó, byâ mwân. Mwân waá, nye ó misyóm mɨ́ná dí esâ gá mí. Jɔʼ mísyóm gá míná, myé óbe, myé mû sí bwaʼ yɨ́, míɛ, myé okǎ byâ wé mwân: eswie.

Ebrœ̂ 10:29

Bʉr pǎ nyɛɛ́ jʉ́ŋɔɔ ɨ́ lɔ̌b ébɨ̌h bé sá métié mé Moyɨ̂z lɨ́, á dwɛʼra e mʉr dí etyéele Mwân mé Nzyɛ̌m sí mebo mé nyá! Nye ókʉ́ jala e bibɨ́bla bíntɨ́ʼá, laa náǎ, ɨ́ lɔ̌b jwɨʼ yé yɨ̂: metié Krîst á pyêl, lɨ́ esâ édwán é sáá e mé má, mé mû nye ó tʉ̂toʼó, nyɨɛ yɨ́ɛ sí pǎ pubɔɔ e tɨ̂! Bɨ̌n jwɨʼ nyá ɨ́ lɔ̌b mʉ̂r á pya Sísǐm mé Nzyɛ̌m wé á nyɛɛ sâ nye mpam wɨ́ nyá? Mʉr tɨ̂ʼ ókǎ sáŋɔɔ nyá ɛ́?

2 Korɛnt 7:11

Jwɛ́ʼɛ́ɛ́ gá sɔ̂ʼ njɨ sá Nzyɛ̌m á gbâ bɨ̌n ɨ́ miléme yɨ́. Ebúʼ e dí esâ ó, mʉr jʉ́baa, duho ɨ́ bisyɛ́ɛla byé lɨ́, lé á be ɨ́ sâ ó: bɨ̌n díʼee e léme ngwár ɨ́ báná báná ó, bɨ̌n sâʼ embɨa, bɨ̌n sáŋaa nzɨ̌ dí ó, me tɨ́ʼee bibaa bí ébébe mé á niʼe bɨ̌n bí, bɨ̌n bíʼee túú le bʉ́á ɨ́ miléme, bɨ̌n bíʼee mimpaŋ bígwɨ́má, bɨ̌n díʼee e sɨ́n ɨ́ miléme, bɨ̌n dwêʼ nye bintɨ́ʼá ɨ́ lɔ̌b wé. Ɨ́ menzɨ̌ maá mɨ́mɛ̂h, bɨ̌n bé á lɛ̂ʼle ó, bɨ̌n bé á be ó otîtyěl, abe e mebě ɨ́ lɔ̌b waá.

Filipi 3:19

Bɨ́haá, ndumló wɔ́ɔ́, wé ó edîm tyeetye. Bé lɨ́ ejaá gʉ́ǎ njɨ nzyɛ̌m ngwár ɨ́ sí yɨ̂: mimo myɔ́ɔ́. Bé gúgúmló ó, bisâ bi dí ɨ́ buú sámle bé bí. Sâ gwár dí etirwo bé ɨ́ miléme yɨ́, yé ó njɨ bisá bí sí yɨ̂.

Rôm 5:12

Nó ó, syóm, wé á nze ɨ́ sí yɨ̂ʼ ó, tɨ̂ ɨ́ mʉr ngwár. Syóm waá nzě dulo éswie ɨ́ bʉr. Eswie laá ntɔ̂ʼ mɛ̂r bʉ̂r bɨ́bɛ̂h, ebě, bʉr bɨ́bɛ̂h, bé á si sâ misyóm.

Rôm 6:16

Bɨ̌n bé lɨ́ egʉ́ǎ mbɨ̂mbɨá ó, bɨ́n séá e mʉr, sâ nyé mejóʼo nó, bɨ̌n mû ó bitúʼǎ ɨ́ páʼ njwɨ́ɨ bɨ́n sɨ́sá méjóʼo nyá. Bɨ́n ósâ mâ twíí misyóm mejóʼo nó, lɛ́ɛ́, bɨ̌n mû ó sí dâʼre éswie ɨ́ menyʉ́l mɨ́n ó tɨ̂ʼ yɨ́. Bɨ́n sí sâ ó, bɨ̌n sá ó Nzyɛ̌m mejóʼo nó, lɛ́ɛ́, bɨ̌n bé óláŋɔɔ ɨ́ sɔ́má ótîtyěl o bʉ̂r.

2 Korɛnt 4:2

Bɨ̌h bé asâ bísyɛ́ɛla mésǒ bi dí edulo sôn bí. Bɨ̌h bé acéně sɔ̂ʼ ɨ́ milɔ̌b mé Nzyɛ̌m bɨ́h dí elɛ̂ʼle mí. Bɨ̌h jaá dwe ó, njɨ mpǎŋ lɛ́ʼlá dí tyeetye wɨ́. Ɨ́ mbi waá ó bɨ́h dí esâ ó, mʉr nyɨnyɛ̂h béyɨɨ bɨ̌h mbɨ̂mbɨá yɨ́. Bɨ̌h sá nó ó, ɨ́ míh mé Nzyɛ̌m.