Rôm 6:2 - Kálar Nzyɛ̌m : Ejwán é Sáá

² Yé abá be nó! Mɨná gá bé ó bʉr o b'á dwe ɨ́ nkǒ páʼ mísyóm bá. Yé ngá kǎ sâ ó, mɨná tôʼ le esâ gá syóm dóló?

Kálara Zyɛ̌m Edwán é mpʉ̌n

² Hɨʼɨ, yé abe ba no! Bɨna bɨ dwè ga é nko paʼ mo Syem. Ebe no, abe e sa yé ósa ó, bɨna toʼ ga dolo le esa mɨsyem.

Rôm 6:2 ပူးပေါင်းရင်းမြစ်များ

1 Yʉanes 3:9

Mʉr nyɨnyɛ̂h mû sí byɛ̂l ɨ́ nkul mé Nzyɛ̌m nyá, nyé atô dóló le esâ syóm, ebě, twiʼ dí eduho kwá mé Nzyɛ̌m yɨ́, yé ó ɨ́ nye tʉ́ŋlʉ̌. Nyé abe e nkul etô dóló le esâ syóm, ebě, nye á byɛ̂l ó ɨ́ nzɨ̌ twiʼ mé Nzyɛ̌m.

Kolosi 3:3

Ebě, bɨ̌n bɨ́ dwe. Twiʼ yɨ́n mû ó lɨ́ esǒ kwá mé Krîst. Sá tɨ̂ʼ ó bícwiʼ bín e Nzyɛ̌m mû mpúhlá yɨ́.

Rôm 7:4

Bɨ́ɔɔ́ bâm! Okɛ́l bâm! Bɨ̌n ntémé, bé ó nó. Bɨ̌n bé á si dwe, ntɔ̂ʼ duho ɨ́ mpila métié. Yé á syɛ́ɛ nó ó, ɨ́ jɔʼ bɨ́n á pûhla e Krîst, le ɨ́ jɔʼ nyé á dwe ɨ́ páʼ bípúno yɨ́. Bɨ̌n bé á dwe ó, bɨ̌n nkʉ̂ gúmo e Krîst, mʉ̌r Nzyɛ̌m á pɛh, dwih lɨ́ odwe ó, mɨná nkʉ̂ gúmo gá mpumó lɨ́ esú mé Nzyɛ̌m nyá.

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Galásia 2:19

Ɨ́ páʼ métié maá, me ó múu tɨ̂. Metié maá, mé ó b'á jʉ̂ me, ó twiʼ yâm, yé jaá di, njɨ lɨ́ esú lé éséǎ Nzyɛ̌m syɛ́ɛ́. Ɨ́ jɔʼ bé á jʉ̂ Yésʉs-Krîst lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ yɨ́, me ntémé á si bomlɔɔ tɨ̂, bɨ̌h e nɔ́ɔ́.

Rôm 7:6

Ɨ́ mimbú mí píhe, mɨná bé á be gá ó, ɨ́ mpila métié. Nó ó, ɨ́ báánâ, mɨná mû ó, sí dwe gá ɨ́ nkǒ páʼ métié maá. Mɨná bɨ́ duho gá ɨ́ mpila métié mé á nyɛɛ mɨmɛ̂r mɨná gá lɨ́ okómó wɔ́ɔ́ má. Yé á syɛ́ɛ nó ó, mɨná nkʉ̂ séa gá Nzyɛ̌m syɛ́ɛ́ ɨ́ nzɨ̌ dwân, nyaá Sísǐm mé Nzyɛ̌m mû sí kar mɨ́ná gá nyɨ́. Mɨná bé akǎ dû gá nzɨ̌ myâ, nyaá mícɛmá myé, myé á nyɛɛ tɨtɨ́e nyɨ́.

1 Pyɛr 1:14

Mpʉ bɨ́n dí eboó sɨsâ Nzyɛ̌m mejóʼo yɨ́, akǎ dû gá bigwɨ́má bɨ́n á nyɛɛ bɨbe e byé, bɨ̌n dína bigʉʼlʉgʉ́ bí.

Kolosi 2:20

Bɨ̌n e Krîst, bé á si dwe eswie empwár. Sá tɨ̂ʼ ó mílɛ́ʼlá bʉ̂r ó sí yɨ̂ʼ dí ekûhlo mí, dí abe lɨ́ ekǎ jwɨ́ɨ bɨ́n yɨ́. Ɨ́ tɨ̂ʼ, mʉ̌r sá akǎ dû mémpéné mé dí eduho ɨ́ milɛ́ʼlá myaá má, nkʉ̂ báʼǎ tiʼě mpʉ̌ sá lɛ́ɛ́, bɨ̌n gúmó ó e sí yɨ̂.

Galásia 6:14

Yé sá abá kúnwo ɨ́ páʼ wâm ó, me nkʉ́naa ɨ́ sâ swîh. Me nkʉ́naa ɨ́ sɔ̂ʼ njɨ mbi éswie Tî gá wɨ́ná, Yésʉs-Krîst á dwe ɨ́ kolôs kʉ́ wɨ́. Eswie lé laá, lé ó b'á sâ ó, bisá bí sí yɨ̂, byé ayɨ́ kǎ be mé e nyɔm. Lɨ́ sâ ntémé ó, bʉr ó sí yɨ̂, bé ayɨ́ kǎ nʉa mé, gbâ ɨ́ nkɔb.

Rôm 5:11

Yé abě njɨ nó, yé omér: mɨná mû nkʉ́na gá ntémé ɨ́ míh mé Nzyɛ̌m ó, ɨ́ lɔ̌b mé Tî gá wɨ́ná, Yésʉs-Krîst. Nye ó b'á sâ saá ɨ́ jɔʼ yɨ̂, páʼ gá nyɨ́ná e Nzyɛ̌m.

Lʉkas 20:16

Mɛ̌m bee ó, nye ónzě jʉ̂ bílóbila byaá bíbyɛ̂h, nzě pɛ̂h bʉ̂r oswîh, nzě kǎ tímle bé pemé yaá.» Jɔʼ bʉ̂r bé á jóʼo nó yɨ́, bé ó: «Heʼé, yʉ́ʉ́ sɔ̂ʼ, yé ákóʼó syɛ́ɛ bá nó!»

Rôm 6:15

Mɨná bé akǎ be gá ɨ́ mpila métié yaá tʉ́ŋlʉ̌, yé abe nó? Mɨná mû gá ó, bʉr o dí elɛ̂ʼlɔɔ mpâm mé Nzyɛ̌m bá. Mpʉ yé dí nó yɨ́, nzê mɨná bé ɨ́ jala le esɨ̂sa gá misyóm ɛ́? Heʼé, yé abá be nó.