Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Rôm 6:13 - Kálar Nzyɛ̌m : Ejwán é Sáá

13 Abîr gá bitíl ményʉ́l bín ó, byé díʼee bisá bɨ́n ósâ syóm e tɨ̂ʼ bí. Syóm, wé ámû jaá nʉa bítíl ményʉ́l bín byaá, wê nzě sâ mísyóm e tɨ̂. Bɨ̌n bé ó bʉr o b'á nyɛɛ dwe, nzě kǎ pah bá. Tímláá gá Nzyɛ̌m bɨ̌n bʉr o tɨ̂, ti e bitíl ményʉ́l bín. Byé díʼee bɨ̌n bisá bɨ́n ótó sâ ótîtyěl o bísyɛ́ɛla e byé bí.

အခန်းကိုကြည့်ပါ။ ကော်ပီ

Kálara Zyɛ̌m Edwán é mpʉ̌n

13 Abɨlan ga e bɨfum bɨ nyʉl bin ó, byé dɨʼe sea Syem syɛɛ. Syem, wé amu jaa nʉa bye, ze sa bɨsyɛɛla bɨ ozyɛhozyɛh bye e tɨ. Bɨn bɨ dwihɔ é l'odwè, ntɔʼ dweŋɔ tiʼ molu mo mpoʼ mɨmɛh. Timla ga Zyɛm bɨn bʉr o tɨ, ndwe e bɨfum bɨ nyʉl bin, bɨsa nye óbɨlan e bye, ka to le esa mɨmpaŋ bɨsyɛɛla bye e tɨʼ ɨ!

အခန်းကိုကြည့်ပါ။ ကော်ပီ




Rôm 6:13
39 ပူးပေါင်းရင်းမြစ်များ  

Nó, bɨ́ɔɔ́ bâm ɛ̌, me lɨ́ ejɨʼla e bɨ̌n ɨ́ nkoó Nzyɛ̌m á jɨ̂ʼ gá mɨná nyɨ́, ó bɨ̌n tímlaa nye menyʉ́l mɨ́n ntinɨ̂ e ntinɨ̂, ebě, menyʉ́l mɨ́n, mé ɨ́ jala le esûʼla ó, mikublakúbla míndwéá mi dí ti ɨ́ míh mé Nzyɛ̌m mí. Nye óbee bícwiʼ bín byaá mbɨ̂mbɨá. Yé ntémé ó dí mpǎŋ ndwéá kûm dí ejala e misísǐm mín wɨ́.


Bɨ̌n bé lɨ́ egʉ́ǎ mbɨ̂mbɨá ó, bɨ́n séá e mʉr, sâ nyé mejóʼo nó, bɨ̌n mû ó bitúʼǎ ɨ́ páʼ njwɨ́ɨ bɨ́n sɨ́sá méjóʼo nyá. Bɨ́n ósâ mâ twíí misyóm mejóʼo nó, lɛ́ɛ́, bɨ̌n mû ó sí dâʼre éswie ɨ́ menyʉ́l mɨ́n ó tɨ̂ʼ yɨ́. Bɨ́n sí sâ ó, bɨ̌n sá ó Nzyɛ̌m mejóʼo nó, lɛ́ɛ́, bɨ̌n bé óláŋɔɔ ɨ́ sɔ́má ótîtyěl o bʉ̂r.


Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.


Sá dí ɨ́ bɨ̌n, yaá dí eduho ɨ́ sí yɨ̂ʼ yɨ́, jʉ́ʼóó gá yê. Yé ó dí: bimolá, bisyɛ́ɛla bi dí edulo mpîr ɨ́ nyʉ̂l bí, gwɨ́má ékœkœb bʉ́bá, gwɨ́má ésâ bísâ bi dí ɨ́ bébe bí, le nzɔ́ɔ́ bísâ. Ebě, mʉr dí e yé nyá, nye ó jwɨʼ gwár e gwár e waá dí edwě yɨŋayɨ̌ nzyɛ̌m kûm nyá.


Jɔʼ yɨ́yɛ̂h mɨ́ná bé á dû gá njwɨr myâ wɨ́ná yɨ́, metié mé Nzyɛ̌m, mé á si dwe bibɨ́bla bígwɨ́má bíná nkul, byé ntɔ̂ʼ sâ ó, bisyɛ́ɛla mɨ́ná bé á tʉtô le esâ gá bí, byé dâʼraa eswie ɨ́ menyʉ́l gá mɨ́ná.


Mbi mʉ̂r waá ókǎ títíʼe ɨ́ sí yɨ̂ʼ ó, njɨ lɨ́ elóŋlǒ gwɨ́má mé Nzyɛ̌m. Ɨ́ jɔʼ nyé óbe, nye dína ɨ́ nyʉ̂l bipúno yɨ́, nye ósyɛ̂hle bísyɛ́ɛla bi dí eduho ɨ́ bigwɨ́má bí bʉ̂r bí.


Ɨ́ mimbú mí píhe, bɨ̌n bé á be ó odwe nkǒ páʼ sísǐm, tɨ̂ ɨ́ misyóm mín, le mpʉ bɨ́n á be apǎ teʼle nkûl njwɨr myâ gá wɨ́ná yɨ́. Nó ó, ɨ́ báánâ, Nzyɛ̌m, nyɨ́ sâ ó, bɨ̌n e boo Krîst, bé níʼee ɨ́ twiʼ mpâ sɔ́má gwár. Nzyɛ̌m, nyɨ́ pɛʼ bíbaa bí ébébe bíbyɛ̂h nyé á niʼe mɨná ɨ́ lɔ̌b mísyóm gá míná mímyɛ̂h.


ebě, Nzyɛ̌m á si jána myɛ́na ɨ́ bwaʼ bwaʼ ɨ́ jɔʼ nyé á sâ ó, bɨ̌n gúmaa e né yɨ́. Nó, dwéʼ gá Nzyɛ̌m kûm, lɨ́ ebaʼle ményʉ́l mɨ́n ti.


Sâ gwár, mɨ́ná gwíh gá misyóm gá mɨ́ná nó, Nzyɛ̌m ópɛʼ bíbaa bí ébébe nyé á niʼe mɨná gá bí, le epubo mɨ́ná gâ, le epɛʼ mɨ́ná gá mebyaʼ gá mɨ́ná mɨ́mɛ̂h. Nye ósâ nó ó, ebě, nye ó tîtyěl mʉr jálá le ebúʼlɔɔ nyá.


Nzê bɨ̌n dína apǎ gʉ́a ó, menyʉ́l mɨ́n, mé ó bitíl bí nyʉ̂l mé Krîst? Nzê me óbánǎ nʉǎ tíl nyʉ̂l mé Krîst, tó pûhla yé e bitíl bí nyʉ̂l sadága mʉ́má ɛ́? Yé sá abá kúnwo ɨ́ páʼ wâm ó, me sâʼ nó!


Mɨná bé á si gbah gá metié mé Nzyɛ̌m, ntɔ̂ʼ dwe lɨ́ ejala e syóm waá. Damá jóʼo nó, nye á si bana tiʼ mɨná gá ɨ́ lɔ̌b mpúhlá gá nyɨ́ná e Krîst. (Bɨ̌n bé á bi twiʼ ó e nzɨ̌ ncwɨ́ncwɨ́ǎ Nzyɛ̌m á lɛ̂ʼle bɨ̌n nyɨ́.)


Mě e mpûʼla ɨ́ léme ó, me ákóʼó sɔ́ma bá ɨ́ yʉ́ʉ́ syɛ́ɛla yâm e yʉ́ʉ́. Me ntémé, mě e mpûʼla ó, me ótô le edû kʉ̌ tyen mpâ ɨ́ hwɨ́m, abáawǒ sɔ̂ʼ mpʉ mé á boo sɨsâ yɨ́, lɨ́ esú ó, bʉr tôʼ dóló le egúmlǒ Krîst. Mě damá tiʼe, nkʉ̂ ntémé dwe, bé ótô le egúmlǒ Krîst ɨ́ lɔ̌b wâm.


Bɨ̌n bé lɨ́ egʉ́ǎ tyeetye ó, osyɛ̂l o mísyóm, bé ákóʼó nʉǎ diá ɨ́ Mpóʼo mé Nzyɛ̌m, jala e nkɔb líʼe nyɔ́ɔ́. Mʉ̌r sá ajéʼě sɨ̂: ntʉ mʉ̂r nyɨnyɛ̂h dí e nkɔb ɨ́ Mpóʼo mé Nzyɛ̌m. Bʉr o sâ bímolá bá, baá o dí edwe bíkpɛʼkpɛ̂ʼ bí ónzyɛ̌m kûm bá, osyɛ̂l o médyɛ̂n, otɛba o bʉ́rʉ̂m, bʉrʉ̂m bé dí etɛb bá,


Mě lwib ó, ɨ́ mpʉ mínzɨnzɨ mi bʉ̂r dí epǎ lwib yɨ́. Mě sá nó ó, ɨ́ mpʉ bɨ́n dí e metyɛʼ ɨ́ misísǐm mín yɨ́. Bɨ̌n bé á bɨbe ɨ́ jɔʼ myâ ó, sí kam ó, bɨ̌n díʼee bitúʼǎ. Bɨ̌n bé á sâ bisyɛ́ɛla ɨ́ jɔʼ yaá ó, njɨ byaá dí edulo mpîr ɨ́ nyʉ̂l bí le byaá dí egbah mémpéné bí. Bɨ̌n bé á didi ó, lɨ́ onzǎmnzǎm. Nó ó, ɨ́ báánâ, tímláá gá Nzyɛ̌m bitíl ményʉ́l bín. Byé séaa e né syɛ́ɛ́ ótîtyěl, bɨ̌n nkʉ̂ gúmo njɨ e né.


Ebě, bisá bí dɔ̂m gá bíná, byé abe míkwɨmlá e nkul dí eduho ɨ́ bipúno nyɨ́. Nkul dí ɨ́ bisá bí dɔ̂m gá bíná nyɨ́, nyě duhó ó kwá mé Nzyɛ̌m. Nkul nyaá ó dí esâ ó, mɨná búʼaa gá mikóʼ mí dɔ̂m.


Sɨ́sáʼ gá ntémé nó. Sísímsáá gá ó, bɨ̌n bé ó bʉr o b'á dwe nkǒ páʼ mísyóm bá. Símsáá gá ó, bɨ̌n mû tiʼe ó, ɨ́ páʼ mé Nzyɛ̌m ɨ́ mpúhlá nyɨ́n e Yésʉs-Krîst.


Ebě, sá yɨ́yɛ̂h njʉl dí ekʉn yɨ́, yé mû ó lɨ́ epan mímbah. Sá tɨ̂ʼ ó bé dí elɛ́ɛ ó: «Gua mʉr dí ɨ́ jô nyá, jɨmáa. Duhaa ɨ́ sɔ́má ódwe. Krîst pánaa go mimbah, tyen gó ɨ́ myɛ́n» yɨ́.


Bé á sâ syɛ́ɛlǎ nɨ̌ ó, laǎ mpʉ bɨ́h á gwa bûʼla ó, bé e nkul esâ yɨ́. Sá ésôʼ bé á sâ yɨ́, yé á be ó, etímle bé bʉr o tɨ̂ʼ ɨ́ mebó mé Tî Yésʉs. Píe tɨ̂ʼ ó bé á ka tímle bé bʉr o tɨ̂ʼ bɨ̌h, lɨ́ esú lé édû mítíʼá mé Nzyɛ̌m yɨ́.


Nye á si búra e bʉr bɨ́bɛ̂h lɨ́ esú ó, bɨ́bɛ̂h tíʼaa. Tyé yɨ́yɛ̂h bé dína ɨ́ twiʼ yɨ́, bicwiʼ byɔ́ɔ́, byé ɨ́ jala le ebe e nyɔm ó, lɨ́ esú é mʉ̂r á pa búra e bé, ntɔ̂ʼ pah nyá. Bé akǎ jala le esáa myɔ́ɔ́ mínyɔm.


Tó kœb ó, mě beé ɨ́ nyʉ̂l nyǎm ó, yé e lʉ́ʉ́ étié e dí elwímla le etié e dí eduho ɨ́ bijwɨʼ bí lémé wâm lɨ́. Nkul syóm dí ɨ́ me wɨ́, wé ó dí entaa ócwóó wâm, nzě liŋ mé túʼǎ syóm dí me ɨ́ nyʉ̂l wɨ́.


Sâ gwár, yê kʉ jalá ó, mɨná tyélɨɨ gá nzɔɔ bisʉhʉʉ, ebě, ntwómô á pa be ndwe nyá, nyɨ́ pah. Nye á si boo dîm. Nyɨ́ kǎ beɔɔ.”»


Bitɔm e melwímla dí esyɛ́ɛlɨ páʼ nyɨ́n bí, byé duhǒ nkoó? Byé duho ó, ɨ́ bigwɨ́má bɨ́n dí e byé jɔʼ yɨ́yɛ̂h ɨ́ menyʉ́l mɨ́n bí.


Bé lɨ́ eswâhle bísyɛ́ɛla bíbyɛ̂h bi dí egbah métié bí. Byé ó dí: jélé, gwɨ́má bísá byé onkán, ebébe é léme, nzwíí, ntaa sʉ́ŋa, ejwɨ́ɨ́ é bʉ̂r, gwɨ́má égœ́a e bʉr, mikóo, sɛ́á mépɨʼ mé ébébe, mesyɛ́ɛla.


«Mě lɛ́ɛ́ bɨ́n lɨ́ otyeetye ó, mʉr ngá jôʼlǒ lwǐb yâm le edyɛ̂ʼwo e mʉr á ntɨh me nyá, nyɨ́ bǐ twǐʼ njʉ̌m dǐ. Nye ákǎ tíʼɔɔ mílɔ̌b. Nyɨ́ boó duho lɨ́ eswie, ntaa ɨ́ twǐʼ njʉ̌m dǐ.


ebě, mwân wǎm nyâʼ á be ó mpʉ ndwê. Nó nyɨ́ báʼǎ tiʼe. Nye á si boo dîm kɔ́m. Nó mɨ́ báʼǎ bee nyê!” Bé ntɔ̂ʼ nyɛl nzɔ́ɔ e bisʉhʉʉ ɨ́ buo buo.


Nó ó, bʉr o dí ebene ótyeetye, jaá kpɨkpɛ̌l njɨ bisyɛ́ɛla bi dí egbah métié bí bá, bɨ́bɛ̂h, bé ónʉa mébě tɨ̂.


Sá dí etíne bɨ́h, ó bɨ̌h túnaa Mbɨambɨa Lɔ́ɔ́ mé Nzyɛ̌m yɨ́, yé ó kpɛ̌l Krîst á gbâ bɨ̌h ɨ́ miléme yɨ́. Mbeá wɨ́h, wé ó, mpʉ mʉ̂r ngwár á dwe lɨ́ ebúra e bʉr bɨ́bɛ̂h yɨ́, yé lɛ́ʼlé mɨ́ná gá ó, bʉr bɨ́bɛ̂h, bé á si dwe.


Léme díʼee go ɨ́ báná báná ó, go ódǐ mbi mʉ̂r Nzyɛ̌m óbóblo, ntɔ̂ʼ bee ó, wé e nyɔm wɨ́. Sáŋáá ó, go díʼee syɛ̂l mesâ dí abi ésɔ́m ɨ́ syɛ́ɛ́ yé nyá. Jɔʼ gó ólwilwib e bʉr ɨ́ sá dí edumo le otyeetye mé Nzyɛ̌m yɨ́, dúʼóó ntɨ̂n. Go e syɛ́hlé mímbóó.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ