Rôm 6:12 - Kálar Nzyɛ̌m : Ejwán é Sáá

¹² Mpʉ yé dí nó yɨ́, ayɨ́ kǎ kam gá ó, syóm, wé báʼa jwɨ́ɨ bɨ́n. Wé ayɨ́ kǎ nʉǎ jwɨ́ɨ ɨ́ nkǒ páʼ ményʉ́l mɨ́n, maá me dí edwe má. Ayɨ́ kǎ bîr gá ó, syóm, wé ntáŋaa bɨ̌n ɨ́ nkul, ó bɨ̌n sâʼ wé mejóʼo, nkʉ̂ dû bíbɨ́bla bígwɨ́má byé.

Kálara Zyɛ̌m Edwán é mpʉ̌n

¹² É mpʉ yé ndɨ no e, daʼ mɛʼle ga ó, Syem, wé bâʼla mɛr bɨn, dil bɨn é dia olʉa. Wé l'ayi jwɨ̀ʼ bɨn é nko paʼ nyʉl ndɨ edwè e. Daʼ bir ga ó, Syem, wé ntaŋa bɨn é nkul, ó bɨn saʼ we mojoʼo, nkʉ du bɨgwɨma bye.

Rôm 6:12 ပူးပေါင်းရင်းမြစ်များ

Galásia 5:16

Sá tɨ̂ʼ ó mé dí elɛ́ɛ bɨ́n ó, dúʼóó gá nzɨ̌ Sísǐm mé Nzyɛ̌m dí etɨ́e bɨ́n nyɨ́ yɨ́. Bɨ́n sí sâ nó nɛ́ɛ: bɨ̌n bé ákǎ lóŋlo bígwɨ́má bí njwɨr myâ gá wɨ́ná.

Rôm 6:16

Bɨ̌n bé lɨ́ egʉ́ǎ mbɨ̂mbɨá ó, bɨ́n séá e mʉr, sâ nyé mejóʼo nó, bɨ̌n mû ó bitúʼǎ ɨ́ páʼ njwɨ́ɨ bɨ́n sɨ́sá méjóʼo nyá. Bɨ́n ósâ mâ twíí misyóm mejóʼo nó, lɛ́ɛ́, bɨ̌n mû ó sí dâʼre éswie ɨ́ menyʉ́l mɨ́n ó tɨ̂ʼ yɨ́. Bɨ́n sí sâ ó, bɨ̌n sá ó Nzyɛ̌m mejóʼo nó, lɛ́ɛ́, bɨ̌n bé óláŋɔɔ ɨ́ sɔ́má ótîtyěl o bʉ̂r.

Rôm 8:13

Bɨ́n dú njwɨr myâ gá wɨ́ná nó, go ó, eswie, lé ójala e bɨ̌n. Bɨ́n lélé nkûl e nzɨ̌ Sísǐm mé Nzyɛ̌m, ntɔ̂ʼ jʉ̂ bísyɛ́ɛla bi nyʉ̂l bipúno nó, lɛ́ɛ́, bɨ̌n bɨ́ tiʼe!

Galásia 5:24

Bʉr o dí egúmo e Krîst bá, bé á si jʉ̂ njwɨr myâ gá wɨ́ná. Bisyɛ́ɛla bí ébébe wé á gwɨ̂gwɨm bí, byé akǎ báʼǎ be. Bé ó mpʉ̌ sá lɛ́ɛ́, bɨ́ jʉ̂ njwɨr waá, lɨ́ ebomlo wé e binzâŋ, bɨ́nɔɔ byé ɨ́ kolôs kʉ́.

2 Korɛnt 4:11

Bɨ̌h damá be míkublakúbla, bɨ̌h bê ɨ́ jɔʼ yɨ́yɛ̂h ó, ɨ́ ka sóo, ɨ́ lɔ̌b búʼó dí edumo e Yésʉs yɨ́, lɨ́ esú ó, twiʼ yé, yé nyɨ́nɨɨ ɨ́ menyʉ́l mɨ́h, maá me dí elaǎ mpʉ̌ ngúl mpáá má.

2 Timotɛ 2:22

Diʼeě e mpaŋ ncɛ́rá e bigwɨ́má bí óntwǒm. Dúʼóó njɨ bisâ bi dí tîtyěl bí. Dyɛ́ʼwáá e Nzyɛ̌m. Sáʼ bʉ̂r mpam. Sáʼ ó, bʉr bíʼee mepyɛbla. Sɨ́sáʼ nó, bɨ̌n e bʉr bɨ́bɛ̂h o dí ejɨʼla e Nzyɛ̌m e miléme ɨ́ sɔ́ɔ́ɔ́ bá.

Éfɛsɔs 4:22

Bɨ̌n e túmó koo e kʉ̌ tyen myâ wɨ́n, myǎh njʉ̌m nyʉ̂l bɨ́n á nyɛɛ be e né nyɨ́. Bigwɨ́má bí njʉ̌m nyʉ̂l nyaá, byé lɨ́ edímle bʉ̂r ɨ́ nzɨ̌ mikóo myɔ́ɔ́, tyen bé lɨ́ eswie.

Rôm 2:8

Bʉ́ʉ́ bʉ̂r, bé lɨ́ epɨra páʼ nyɔ́ɔ́. Bé akam ótyeetye. Bé jaá dû ó, njɨ kʉ̌ tyen ónzyɛ́h ónzyɛ́h. Bɨ́haá, bé ó baá Nzyɛ̌m óbuú lɛ̂ʼle nkpáa nyé bá.

1 Pyɛr 2:11

Mě jɨʼlá e bɨ̌n, osó bâm ó, bɨ̌n díʼee mpʉ̌ sá lɛ́ɛ́, bɨ̌n bé ó milaa-nkpǎʼ, nkʉ̂ mpʉ ójwóo dí ɨ́ mesí mé sí yɨ̂ʼ bá. Ɨ́ nzɨ̌ nyaá ó bɨ́n ngá tí bísá bʉ̂r ó sí yɨ̂ʼ dí egwɨ̂m bí yɨ́. Bisâ byaá ó dí elwímla e misísǐm mín.

Títos 2:12

Mpam mé Nzyɛ̌m nyaá ó dí etɨ́e mɨ́ná nzɨ̌ ó, mɨná bírɨɨ gá twiʼ dí ɨ́ bébe yɨ́, ti e bigwɨ́má bí sí yɨ̂, lɨ́ esú lé étíʼě twiʼ pɔ̂hlʉ milɔ̌b. Twiʼ yaá ó dí tîtyěl, yaá dí edû mpʉ̌ Nzyɛ̌m dí ekpɛl yɨ́.

Éfɛsɔs 2:3

Mɨná bɨ́bɛ̂h, bé á nyɛɛ dudû gá ó, kʉ̌ tyen ngwár e ngwár waá. Mɨná bé á jaa gwɨgwɨ̂m gá ó, njɨ elóŋlo bísyɛ́ɛla njwɨr myâ gá wɨ́ná, wé á kʉ bu gwɨ̂m ó, mɨná sâʼ bí. Bigwɨ́má byaá ó b'á jaa bu pɨpálwo mɨná gá ɨ́ miléme. Sá yé á kʉ jala e bɨ̌h oYúden yɨ́, yé á be ó, bɨ̌h jâʼraa e nkpaa mé Nzyɛ̌m, jwɨʼ gwár e gwár e mpʉ bʉ̂r o dí abe óYúden bá, bé á jala le ejaʼra e nye yɨ́.

Yʉ̂d 1:18

Bé á lɛ́ɛ bɨ̌n ó, mbi wɨ̂: «Ɨ́ melú mé ósûʼla má, yé óbe ó e bʉr ó kpêʼle ngá dû mpʉ bígwɨ́má byɔ́ɔ́ dí etíne bé yɨ́ bá. Bigwɨ́má byɔ́ɔ́, byé kʉ́ lɛ̂ʼle ó, bé lɨ́ ejéʼě Nzyɛ̌m.»

1 Pyɛr 1:14

Mpʉ bɨ́n dí eboó sɨsâ Nzyɛ̌m mejóʼo yɨ́, akǎ dû gá bigwɨ́má bɨ́n á nyɛɛ bɨbe e byé, bɨ̌n dína bigʉʼlʉgʉ́ bí.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

1 Tesalonika 4:5

Njʉ̂m nyɨɛ díʼee e mʉmá wé waá, abe ɨ́ tíná bígwɨ́má mébomo mpʉ mínjéʼe-Nzyɛ̌m dí esɨsâ yɨ́.

Rôm 13:14

Diʼee gá ɨ́ mpúhlá le Tî Yésʉs-Krîst. Bwáráá gá nye mpʉ̌ kán. Atoŋlo gá mpʉ bɨ́n dí e nkul elóŋlo bísyɛ́ɛla bí njwɨr myâ wɨ́ná yɨ́.

Rôm 8:11

Nó ntémé, Sísǐm mé Nzyɛ̌m, mʉr á pɛh Yésʉs, dwih nyé lɨ́ odwe nyá, dí ɨ́ bɨ̌n nó, go ó, Nzyɛ̌m ópɛh ményʉ́l mɨ́n, maá me dí elaǎ mpʉ̌ ngúl mpáá má. Nye ódwe mé twiʼ ó e nzɨ̌ Sísǐm wé dí ɨ́ menyʉ́l mɨ́n maá wɨ́.

Rôm 6:14

Ebě, syóm, wé ajala le ekǎ jwɨ́ɨ bɨ́n, ebě, bɨ̌n bé akǎ be bʉ̂r o dí ɨ́ mpila métié tʉ́ŋlʉ̌ bá. Ɨ́ báánâ, bɨ̌n mû ó baá Nzyɛ̌m mû sí lɛ̂ʼle mpâm bá.

Rôm 5:21

Jwɨʼ gwár mpʉ̌ syóm, wé á njwɨ́ɨbʉr, ntɔ̂ʼ jʉ̂ bé yɨ́, jwɨʼ gwár yaá ntémé ó mpam mé Nzyɛ̌m dí ejwɨ́ɨ mɨ́ná gá yɨ́. Nye lɨ́ edwe mɨ́ná gá nkam ɨ́ míh mé Nzyɛ̌m, le ekɛl mɨ́ná gá twǐʼ njʉ̌m dǐ ɨ́ lɔ̌b Yésʉs-Krîst, Tî gá wɨ́ná.

Yʉ̂d 1:16

Bʉr baá, bê ɨ́ jɔʼ yɨ́yɛ̂h ó, lɨ́ elwib ɨ́ bébe bébe dumo e Nzyɛ̌m. Bê ɨ́ jɔʼ yɨ́yɛ̂h ó, lɨ́ etítíne nkɔ̂b nyé dwídwé bé nyɨ́. Bé jaá dû ó, njɨ bigwɨ́má byɔ́ɔ́. Bé lɨ́ elwib bílwǐb bí jáálé. Bé lɨ́ edwáawo bʉ̂r mempǒm, bɨ́ɛ lɨ́ egʉ́a ó, bé e nkul edira wɔ́ɔ́ nyɔm tɨ̂.

2 Korɛnt 5:4

Ebě, mɨná gá bɨɛ, bʉr o dína lɨ́ eswab ɨ́ bisaʼ bîʼ tʉ́ŋlʉ̌ bá, mɨná bé lɨ́ ekʉ́ jóno gâ. Yé aduho yɨ́ɛ e gwɨ́má épɛʼ nyʉ̂l bipúno nyɨ̂. Yê njɨ ó, mɨná bé lɨ́ ekpɛl éswam gá nyʉ̂l dwân. Nó ó, sá dí e nkul edwe yɨ́, twiʼ, yé ókʉ́ mine yé ɨ́ wʉlʉm.