Rôm 6:10 - Kálar Nzyɛ̌m : Ejwán é Sáá

¹⁰ Jɔʼ nyé á dwe yɨ́, nye á dwe ó, esaŋ egwár lɨ́ esú lé ébúra e misyóm mí bʉ̂r. Ɨ́ báánâ, nye mû kǎ tiʼe ó, njɨ lɨ́ esú mé Nzyɛ̌m.

Kálara Zyɛ̌m Edwán é mpʉ̌n

¹⁰ É jɔʼ nye a dwè e, nye a dwè ó, é jɔʼ gwar é bɨjɔʼ bibyɛh, é lɔb ejala e mɨsyem mɨ bʉr. Banana, nye mu kʉ ka tiʼe ó njɨ é l'efu mo Zyɛm.

Rôm 6:10 ပူးပေါင်းရင်းမြစ်များ

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

1 Pyɛr 4:6

Nó ntémé ó Mbɨambɨa Lɔ́ɔ wé á túnɔɔ kwá odwe yɨ́. Wé á túnɔɔ gʉ̂ʼ ó, Nzyɛ̌m nkʉ̂ dwe bʉ̂r o tɨ̂ʼ mebě, duho ɨ́ bisyɛ́ɛla ményʉ́l mɔ́ɔ́. Bé e bʉr bɨ́bɛ̂h oswîh, bé ódweŋɔɔ mébě jwɨʼ gwár e gwár. Bé okǎ tíʼe píe tɨ̂ʼ ɨ́ nkǒ páʼ mísísǐm mi dí mikublakúbla, nwɨɨla e Nzyɛ̌m mí.

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

2 Korɛnt 5:15

Nye á si búra e bʉr bɨ́bɛ̂h lɨ́ esú ó, bɨ́bɛ̂h tíʼaa. Tyé yɨ́yɛ̂h bé dína ɨ́ twiʼ yɨ́, bicwiʼ byɔ́ɔ́, byé ɨ́ jala le ebe e nyɔm ó, lɨ́ esú é mʉ̂r á pa búra e bé, ntɔ̂ʼ pah nyá. Bé akǎ jala le esáa myɔ́ɔ́ mínyɔm.

Rôm 8:3

Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

Rôm 6:11

Sɨ́sáʼ gá ntémé nó. Sísímsáá gá ó, bɨ̌n bé ó bʉr o b'á dwe nkǒ páʼ mísyóm bá. Símsáá gá ó, bɨ̌n mû tiʼe ó, ɨ́ páʼ mé Nzyɛ̌m ɨ́ mpúhlá nyɨ́n e Yésʉs-Krîst.

Lʉkas 20:38

Nó ó yé lɨ́ elɛ̂ʼle ó, Nzyɛ̌m, nyé abe waá odwe. Nye ó Nzyɛ̌m mikublakúbla mi bʉ̂r, ebě, bʉr bɨ́bɛ̂h, bé ó le twiʼ ɨ́ mpǒm nyé.»

Rôm 6:9

Mpʉ mɨ́ná bé lɨ́ egʉ́a gá ó, Yésʉs-Krîst á si pah ɨ́ soo yɨ́, nó yé lɛ́ʼlé ó, nye ákǎ báʼǎ dwe ó tɨ̂ʼ yɨ́. Eswie, lé akǎ jwɨ́ɨ nyê.