Rôm 5:5 - Kálar Nzyɛ̌m : Ejwán é Sáá

⁵ Lémé mʉ̂r, wé óbe, wé mû sí lóno ɨ́ mpûʼla nó, mʉr waá, nye ájóʼo bá sôn ɨ́ lɔ̌b mpûʼla nyé, ebě, Nzyɛ̌m á si lɛ̂ʼle mɨná gá mpʉ nyé dí ekpɛl mɨ́ná gá kpɛ̌l ápurapúra yɨ́. Nye á lɛ̂ʼle mɨná gá nó ó e nzɨ̌ Sísǐm wé, nyé á ntɨh mɨná gá wɨ́.

Kálara Zyɛ̌m Edwán é mpʉ̌n

⁵ ǃƗ mbɛla si loŋlo mʉr é leme nɛʼɛ, mʉr waa, nye aŋa ka bil fwon, ebe, Zyɛm, nyi lɛʼle bɨna ga mpʉ nye lé ekpɛl bɨna ga ɛ. Nye a lɛʼle bɨna ga no ó, é zi Mbɨambɨa Sisim, waa nye a ntɨh bɨna ga ɛ.

Rôm 5:5 ပူးပေါင်းရင်းမြစ်များ

Galásia 4:6

Nzyɛ̌m á ntɨh mɨná gá Sísǐm Mwân wé ó, ebe bɨ́n dí nye bwân. Nye mû ó sí nî ɨ́ milémé gá míná. Nye ó dí etitíne mɨ́ná gá ó, mɨná jɨ̂ʼlaa gá e Nzyɛ̌m, le elɛ́ɛ ó: «Abba, Dâ!»

Filipi 1:20

Mě e mpûʼla ɨ́ léme ó, me ákóʼó sɔ́ma bá ɨ́ yʉ́ʉ́ syɛ́ɛla yâm e yʉ́ʉ́. Me ntémé, mě e mpûʼla ó, me ótô le edû kʉ̌ tyen mpâ ɨ́ hwɨ́m, abáawǒ sɔ̂ʼ mpʉ mé á boo sɨsâ yɨ́, lɨ́ esú ó, bʉr tôʼ dóló le egúmlǒ Krîst. Mě damá tiʼe, nkʉ̂ ntémé dwe, bé ótô le egúmlǒ Krîst ɨ́ lɔ̌b wâm.

2 Timotɛ 1:12

Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.

2 Korɛnt 1:22

Nye ntémé, nyɨ́ gbâ sitâm yé ɨ́ mɨná gâ. Nye á nyɛɛ ntɨh mɨná gá Sísǐm wé, dil wé ɨ́ milémé gá míná ó, mpʉ̌ jwɨʼ dí elɛ̂ʼlě mbɨambɨa metʉ́m nyé dí ekomo mɨ́ná gá má yɨ́.

1 Yʉanes 4:19

Nó ó, mɨná gá bɨɛ mû ó lɨ́ ekpɛla gá ó, ebě, nye á si nyɛɛ kpɛl mɨná gâ.

Éfɛsɔs 1:13

Bɨ̌n ntémé, táare ɨ́ jɔʼ bɨ́n á túnɔɔ lɔ́ɔ dí tyeetye wɨ́ yɨ́, bɨ̌n nzě táare ébûʼla wê, kumǒ kumáa mûh, gʉ́a ntémé ó, wé ó Mbɨambɨa Lɔ́ɔ dí etiʼ bɨ́n wɨ́. Le bɨ́n á bûʼla Mbɨambɨa Lɔ́ɔ waá, lě Nzyɛ̌m ntɔ̂ʼ á ntɨh bɨ̌n Sísǐm wé nyé á boo kɛʼ wɨ́. Sísǐm wé waá ó dí dweʼle kwá nyɨ́n, sá dí elɛ̂ʼle ó, bɨ̌n bé ó bʉr bé, ánta nye yɨ́.

Mɨlʉmlʉ 2:33

Nye á si bére, tó di sí ɨ́ mbó éjʉ́m mé Nzyɛ̌m. Nye ó b'á ntɨh bɨ̌h Sísǐm Nzyɛ̌m Sɔ́ŋ á kɛʼ bɨ̌h wɨ́. Sâ gwár e gwár yaá ó bɨ́n mû lɨ́ ebee le ejóʼo yɨ́.

Éfɛsɔs 4:30

Mʉr agbâ gá Sísǐm mé Nzyɛ̌m ebúʼ ɨ́ léme. Sísǐm waá, wé ó mpʉ̌ jwɨʼ nyé á gbâ ɨ́ bɨ̌n yɨ́. Nzyɛ̌m á gbâ bɨ̌n jwɨʼ yaá ó, bɨ̌n nkʉ̂ gʉ́a tɨ̂ʼ ó, nye ótáǎ góo, le edwih bɨ́n ɨ́ mpila ébébe, pɛʼ bɨ́n ɨ́ fá.

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,

Mɨlʉmlʉ 2:17

“Nzyɛ̌m á lɛ́ɛ ó: Ɨ́ melú mé ósûʼla má, me óntɨh bʉ̂r bɨ́bɛ̂h Sísǐm wâm. Bwá ó bʉbá, le bwá ó bʉrʉ̂m bɨ́n, bé ógwîh mílɔ̌b myâm. Biloʼo bín, byé óbee mísolá bísɔ̂ʼ. Minjʉ̌m mín, myé ójɨm bílíma bi dí edumo e bisá ngá syɛ́ɛ bí.

2 Tesalonika 2:16

Nó ó, Tî gá wɨ́ná Yésʉs-Krîst mʉr tɨ̂, ti e Nzyɛ̌m Sɔ́ŋ gá wɨ́ná, waá á lɛ̂ʼle mɨ́ná gá kpɛ̌l nyá, waá dí egbâ mɨ́ná gá nkul ɨ́ miléme, nyaá dí asíesie nyɨ́, waá dí elɛ̂ʼle mɨ́ná gá mpam, le egbâ mɨ́ná gá mpûʼla ɨ́ miléme nyá, nye gbâʼ bɨ̌n nkul ɨ́ miléme. Nye gbâʼ bɨ̌n pîm ɨ́ búʼó. Nye tyɛ́bɨɨ bɨ̌n ɨ́ miléme, ó bɨ̌n sâʼ bisyɛ́ɛla bimpâ, le elɛ́ɛ mílɔ́ɔ́ mímpâ, mimbi mímyɛ̂h.

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

Rôm 8:28

Mɨná bé lɨ́ egʉ́a gá ó, Nzyɛ̌m, nye lɨ́ eboó komlo bísá bíbyɛ̂h ó, byé díʼee e nyɔm lɨ́ esú é bʉ̂r o dí ekpɛl nyé, baá nyé á jébe ɨ́ mitíʼá mí lémé wé bá.

1 Korɛnt 8:3

Mʉr kpɛ́l Nzyɛ̌m nyá nyɨɛ ó dí waá Nzyɛ̌m dí egʉ́a nyá.

2 Korɛnt 3:18

Nó ó, kán mpʉ́ʉ waá, wɨ́ pʉʼa ɨ́ mpǒm gá nyɨ́ná. Sá tɨ̂ʼ ó mɨ́ná mû lɨ́ ekʉ́ bee gá kûm mé Tî Yésʉs ɨ́ sɔ́ɔ́ɔ́ yɨ́, mentyɛnwa me tɨ̂ʼ lɨ́ ekʉ́ pân ntémé, duho ɨ́ mɨná gâ. Mɨná mû ó lɨ́ edwirɔɔ gá lɨ́ esú ó, mɨná nkʉ̂ gʉ́a lɛ̂ʼle bʉ̂r kûm nyé. Dâ ó dí edwir mɨ́ná gá nó, nyɨɛ mʉr pǎ dí Sísǐm nyá.

Mɨlʉmlʉ 10:45

Obûʼla bé e boo Pétrus bé á nze, baá bé á tíʼɔɔ mpʉ́n bá, bé á si bu kâm lɨ́ ebánǎ beě Sísǐm mé Nzyɛ̌m lɨ́ edweŋɔɔ ntémé bʉr o b'á be abyɛ̂l oYúden bá.

Rôm 1:7

Mě cɛmá ó, bʉr bɨ́bɛ̂h o dí Rôm, baá Nzyɛ̌m á kpɛl, le etwâr ó, bé díʼee mitwárá mí bʉ̂r myé bá. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

Rôm 9:33

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Jwɛ́ʼɛ́ɛ́ gâ! Ɨ́ Síon, mɨ́ gbâ ébɔ̌ʼ ɨ́ nzɨ̌. Bʉr o ngá bɨm ébɔ̌ʼ laá bá, bé ócwe. Tó kœb ó, mʉr nyɨnyɛ̂h ngá dyêʼ koo le ekóʼ laá nyá, lé ákóʼó sâ ó, nye bíʼee esɔ́m tɨ̂.

2 Korɛnt 13:14

Ncwɨ́ncwɨ́a mé Tî Yésʉs-Krîst, le kpɛ̌l mé Nzyɛ̌m Sɔ́ŋ ti e mpúhlá mé Sísǐm mé Nzyɛ̌m, byé díʼee e bɨ̌n óbɛ̂h.

1 Tesalonika 4:8

Nó ó, baá o dí epyêh métwɨ́ɨ́ mâʼ ɨ́ lɔ̌b nɨ̌ bá, bé apyêh mʉ̂r. Bé pyéh ó Nzyɛ̌m, waá dí entɨh bɨ́n Sísǐm wé nyá.