Rôm 5:4 - Kálar Nzyɛ̌m : Ejwán é Sáá

⁴ Jɔʼ mɨ́ná ódi gá e bíhwó nyaá ɨ́ di di di yɨ́, mɨná bé otyɛ̂b gá ɨ́ píʼi ɨ́ mebʉ́blá. Mɨ́ná óbóblɔɔ gá, aduma nó, miléme gá míná, myé ólóno ɨ́ mpûʼla.

Kálara Zyɛ̌m Edwán é mpʉ̌n

⁴ É jɔʼ bɨna bé óbe si di ga e bihbe waa ɛ, bɨna bé ócyɛb ga é nkʉʼʉ é mobʉbla. ǃBɨna si cyɛb ga é mobʉbla nɛʼɛ, mbɛla, wé óloŋlo mɨleme ga mina é tur.

Rôm 5:4 ပူးပေါင်းရင်းမြစ်များ

1 Pyɛr 5:10

Nzyɛ̌m ó dí mʉr dí elɛ̂ʼle mɨ́ná gá mpam ɨ́ bijɔʼ bíbyɛ̂h nyá. Nye ntémé ó b'á jébe mɨná gá ó, mɨná tô di gá ɨ́ mentyɛnwa mé ɨ́ nzɨ̌ mé Yésʉs-Krîst. Mentyɛnwa maá, mé ódi ó, njʉ̌m dǐ e njʉ̌m dǐ. Bɨ́n óbe, sí sia e mitúú, tâŋ bá mâ jɔʼ nó, Nzyɛ̌m, nyé obáʼǎ komlo bɨ́n, pɨr bɨ́n mekʉ̌ sí ɨ́ sɨ́ŋ. Nyé obáʼǎ gbâ bɨ́n nkul ɨ́ menyʉ̂l, sumo bɨ́n sí ɨ́ píʼi.

Jacques 1:12

Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.

Rôm 15:4

Yé á cɛmɔɔ nó ó, lɨ́ esú lé écɨ̂l mɨ́ná gâ, jwɨʼ gwár e gwár e mpʉ̌ sá yɨ́yɛ̂h, yé á cɛmɔɔ ɨ́ Mekaná mé Nzyɛ̌m yɨ́. Mekaná mé, mé lɨ́ ecɨ̂l mɨ́ná gâ, ó milémé gá míná nkʉ̂ lóno ɨ́ mpûʼla. Myé lʉ́lónó ɨ́ mpûʼla ó, ɨ́ lɔ̌b nkûl mékaná mé dí egbâ mɨ́ná gá ɨ́ miléme nyɨ́, le bíhwó mɨ́ná dí esâ gá nyɨ́.

Lʉkas 21:19

Tiʼɨɨ gá menyʉ́l mɨ́n ɨ́ nzɨ̌ bíhwó nyɨ́n!»

Filipi 2:22

Bɨ̌n bʉr o tɨ̂, bé lɨ́ egʉ́ǎ mbɨambɨa kʉ̌ tyěn Timotɛ̂ á dû wɨ́ le mpʉ nyé dí me mpʉ mwân yɨ́, ebě, nyɨ́ dûhwǒ syɛ́ɛ́ bɨ́h e né dí eséa lɨ́ etúnǒ Mbɨambɨa Lɔ́ɔ yɨ́.

Ebrœ̂ 6:19

Mpûʼla nyaá, nye lɨ́ esúʼo míléme gá míná e nkul. Nyé abá tyɛ̂b. Nyě súʼó mílémé gá míná ó, ɨ́ kpɨ́ɨ́ɨ́ mpʉ̌ kǒl dí emɛ̂r byɛ̂l ɨ́ sʉ̌m díbé wɨ́. Mpûʼla nyaá, nye ó mpʉ̌ kǒl dí entaǎ kán ébê dí tyelá ɨ́ mpáh Nzyɛ̌m wɨ́. Wɨ̂ʼ ódumo ó kǒl waá, wê tyeelá ó, ɨ́ mɨná gâ. Gúú ódumo wɨ́ɛ, wé ó ɨ́ gúmó dí tí yɨ́, ɨ́ mpáh Nzyɛ̌m tʉ́ŋlʉ̌.