Rôm 5:18 - Kálar Nzyɛ̌m : Ejwán é Sáá

¹⁸ Mpʉ bʉ̂r bɨ́bɛ̂h, bé á dweŋɔɔ mebě, tɨ̂ e misyóm mí mʉ̂r ngwár yɨ́, jwɨʼ gwár e gwár yaá ntémé ó, syɛ́ɛla mpâ mʉ̂r ngwár á sâ yɨ́, ngá sâ ó, bʉr bíʼee nkam yɨ́. Bé ónî ɨ́ twiʼ.

Kálara Zyɛ̌m Edwán é mpʉ̌n

¹⁸ Jwɨʼ gwar e gwar mpʉ bʉr bɨbɛh, bé a dweŋɔ mobe, duho é mʉr ngwar a ntaa etie e, no nteme ó, mpaŋ syɛɛla mʉr ngwar a sa ɛ, yé ópɛʼ bʉr bɨbɛh é nkar ɨ. Bé ósɔba é feerɨ, ze bi tiʼ molu mo mpoʼ mɨmɛh.

Rôm 5:18 ပူးပေါင်းရင်းမြစ်များ

1 Korɛnt 15:22

Jwɨʼ gwár mpʉ bʉ̂r dí edwe ɨ́ mpúhlá nyɔ́ɔ́ le Ádam yɨ́, nó ntémé ó, Nzyɛ̌m ópɛh bɨ́bɛ̂h ɨ́ mpúhlá nyɔ́ɔ́ e Krîst.

Rôm 5:12

Nó ó, syóm, wé á nze ɨ́ sí yɨ̂ʼ ó, tɨ̂ ɨ́ mʉr ngwár. Syóm waá nzě dulo éswie ɨ́ bʉr. Eswie laá ntɔ̂ʼ mɛ̂r bʉ̂r bɨ́bɛ̂h, ebě, bʉr bɨ́bɛ̂h, bé á si sâ misyóm.

Rôm 5:15

Sâ gwár, syɛ́ɛla ébébe mé Ádam yaá, yé abě mpʉ̌ ndwéá Nzyɛ̌m dí edwe bʉ̂r edwɛ́na wɨ́. Bébebébe syɛ́ɛla mʉ̂r ngwár á sâ yɨ́, yé á si sâ ó, bʉr dwêʼ ɨ́ buo buo. Syɛ́ɛla mé Ádam pǎ nyɛɛ́ céne bʉ̂r ɨ́ buo buo, á dwɛʼra e yaá nyʉ́ʉ́ mʉ̂r ngwár, Yésʉs-Krîst, á sâ yɨ́! Nye á si cwɨ́a e bʉr ɨ́ buo buo. Nye mû ó waá dí elɛ̂ʼle mɨ́ná gá mpam mé Nzyɛ̌m, waá dí entɨh mɨ́ná gá ndwéá wé nyá.

Rôm 5:19

Jwɨʼ gwár mpʉ mʉ̂r ngwár á sâ ebɨ̌h, Nzyɛ̌m ntɔ̂ʼ láa ó, bʉr ɨ́ buo buo, bé mû ó osyɛ̂l o mísyóm yɨ́, jwɨʼ gwár e gwár yaá ntémé ó, mʉ̂r ngwár á sâ Nzyɛ̌m mejóʼo, Nzyɛ̌m ntɔ̂ʼ láa ó, bʉr ɨ́ buo buo, bé ó otîtyěl o bʉ̂r yɨ́.

Mɨlʉmlʉ 13:39

Bʉr bɨ́bɛ̂h ngá dyêʼ koo e né bá, bé óbi nkâm ɨ́ nzɨ̌ nyé. Bé ódweŋɔɔ nkâm ɨ́ mimbi mílɔ̌b mímyɛ̂h. Bé á bé agwá bi nkâm ɨ́ nzɨ̌ metié mé Moyɨ̂z.

Ebrœ̂ 2:9

Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.

Rôm 4:25

Yésʉs waá, bʉr, bé á si bɛ́ma nye. Nye nzě búra e misyóm gá míná. Píe tɨ̂, Nzyɛ̌m nzě pɛh nyé ó, nye dwêʼ mɨná gá nkam ɨ́ nzɨ̌ nyé.

Yʉanes 1:7

Nye á nze ó, lɨ́ enzě boʼlo ɨ́ lɔ̌b njʉl waá. Nye á nze ó, bʉr bɨ́bɛ̂h, bé dyɛ̂ʼwaa e Nzyɛ̌m ɨ́ lɔ̌b mboʼlá wé waá.

Yʉanes 12:32

Nó ɨ́ jɔʼ mé óduhǒ sí yɨ̂, bɨ́nɔɔ kʉ́ yɨ́, me ódulo bʉ̂r bɨ́bɛ̂h nko mé óbe yɨ́.»

1 Yʉanes 2:20

Ɨ́ wɨ́n pâʼ, Mʉr mé Nzyɛ̌m dí tí nyá á si lœm bɨ̌n, lɨ́ entɨh bɨ́n Sísǐm mé Nzyɛ̌m. Bɨ̌n bɨ́bɛ̂h, bɨ̌n bé lɨ́ egʉ́a ótyeetye.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

Yʉanes 3:26

Bê nzě tô nkǒ Yʉánɛs á be yɨ́. Bé e né ó: «Lɛ̂ʼla, ɨ́ sɔ́má bʉ̂r bɨ́n le onɔ́ɔ́ bé á be ɨ́ pɨ̌n díbé Yɔrdên kɔ́m nkɛ́ɛ́ bá, nzê go lɨ́ ekǎ símsa mʉ̂r gó á sêʼle nyá ɛ́? Ɨ́ báánâ, nyɨɛ ntémé mû ó lɨ́ edu bʉ̂r. Ntémé, bʉr bɨ́bɛ̂h mû jaá tô ó, njɨ kwá nyé.»

Rôm 3:25

Nzyɛ̌m á ntɨh nye ó, nye ntáa dwe, búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé. Nye á dwe ó, nye nkʉ̂ kɛm bʉ̂r o dí ebúʼlǎ ndwéá métié waá bá. Ɨ́ nzéá Yésʉs-Krîst á nze wɨ́, Nzyɛ̌m á si lɛ̂ʼle mpʉ nyé dí tîtyěl yɨ́. Misyóm bʉ̂r bé á boo sɨ̂sa mí, Nzyɛ̌m á si bu dûhwo myê, kʉ́ lɛŋ myé ɨ́ buo buo, alwib.

Rôm 6:14

Ebě, syóm, wé ajala le ekǎ jwɨ́ɨ bɨ́n, ebě, bɨ̌n bé akǎ be bʉ̂r o dí ɨ́ mpila métié tʉ́ŋlʉ̌ bá. Ɨ́ báánâ, bɨ̌n mû ó baá Nzyɛ̌m mû sí lɛ̂ʼle mpâm bá.