Rôm 5:17 - Kálar Nzyɛ̌m : Ejwán é Sáá

¹⁷ Mʉr ngwár pǎ nyɛɛ́ sâ syóm, eswie ntɔ̂ʼ jwɨ́ɨ bʉ̂r bɨ́bɛ̂h, tɨ̂ ɨ́ mʉr ngwár waá, á dwɛʼra e syɛ́ɛla nyʉ́ʉ́ mʉ̂r ngwár, Yésʉs-Krîst, á sâ yɨ́! Syɛ́ɛla yé yaá ó dí esâ ó, Nzyɛ̌m lɛ̂ʼlaa bʉr mpam, le edwe bé nkam edwɛ́na yɨ́. Bʉr o dí edweŋɔɔ nkâm ɨ́ nzɨ̌ nyé bá, bé lɨ́ ebi ntémé ó, twǐʼ njʉ̌m dǐ, ndu e l'edilɔɔ ɨ́ mecwɨ́ɨ́ mé jwɨ́ɨ́ yɔ́ɔ́.

Kálara Zyɛ̌m Edwán é mpʉ̌n

¹⁷ No, yé ó, é jɔʼ mʉr ngwar nɨ a ntaa etie mo Zyɛm ɨ, Efie, lé a be ó si taare lé ejwɨʼ bʉr bɨbɛh é lɔb mʉr ngwar waa. Sa gwar, Zyɛm, nyi bul lɛʼle bʉr ncwɨncwɨa, laa naa. Bɨna mu ó si bi ga mokebe é mih me, ajɛna sɔʼɔ, le ebi nteme tiʼ molu mo mpoʼ mɨmɛh. Bɨna mu ó lé ecyɛb ga é nkʉʼʉ, apɨŋla é tiʼ yaa, dumo e mʉr ngwar, Yesʉs-Krɨst.

Rôm 5:17 ပူးပေါင်းရင်းမြစ်များ

Rôm 5:12

Nó ó, syóm, wé á nze ɨ́ sí yɨ̂ʼ ó, tɨ̂ ɨ́ mʉr ngwár. Syóm waá nzě dulo éswie ɨ́ bʉr. Eswie laá ntɔ̂ʼ mɛ̂r bʉ̂r bɨ́bɛ̂h, ebě, bʉr bɨ́bɛ̂h, bé á si sâ misyóm.

1 Korɛnt 15:49

Mpʉ mɨ́ná bé á nyɛɛ nwɨɨla gá e mʉr á sáŋɔɔ e bibwǎh nyá yɨ́, jwɨʼ gwár yaá ntémé ó, mɨ́ná ngá nwɨɨla gá e mʉr á duho ɨ́ jʉ́o kʉ́ nyá yɨ́.

Yʉanes 10:10

Ndíblʉ̌ nzé ó, lɨ́ enzě díbe, le ejʉ̂, le egbah. Mɛm á nze ó, bʉr bíʼee twiʼ. Bé bíʼee yé ɨ́ buo buo.

2 Timotɛ 2:12

Mɨ́ná dúhwó gá mitúú nó, mɨná gá le onɔ́ɔ́ di ntémé ojwɨ́ɨ. Mɨ́ná kɛ́lá gá nye nó, nye ntémé kɛ́la mɨ́ná gâ.

Mɨngwiha 22:5

Pum, wé ákǎ dwíne gʉ̂. Nó ntémé, meláma ndu e dʉ́o, byé ákǎ jɨŋɔɔ gʉ̂, ebě, Dâ Nzyɛ̌m mʉr tɨ̂ʼ ópǎn myɛ́n. Bé e boo Nzyɛ̌m, bé ójwɨ́ɨ̌ njʉ̌m dǐ e njʉ̌m dǐ.

Mɨngwiha 20:6

Metyɛʼ me mpóm, mé óbuú buo ó e bʉr o ngá nyɛɛ́ pah bá. Bé gúmó ó e Nzyɛ̌m nye omér. Bé ádwe éswie embá. Bé óbe ó opara o dí eséa ɨ́ míh mé Nzyɛ̌m, bé e Yésʉs-Krîst bá. Bé e Yésʉs-Krîst, bé ójwɨ́ɨ tâŋ mimbû tɔ́ɔ́sin.

Mɨngwiha 20:4

Píe tɨ̂, me á si bee mecwɨ́ɨ́ mé ójwɨ́ɨ, le bʉr o b'á be tɨ̂ʼ mindîndǐl bá. Nzyɛ̌m á si dwe bé nkul etíʼe bʉ̂r milɔ̌b. Me á si bee ntémé misísǐm mi bʉ̂r. Bé á tíʼɔɔ milʉ̂ ó, ɨ́ lɔ̌b mboʼlá dí edumo e Yésʉs wɨ́, ti e lɔ́ɔ́ mé Nzyɛ̌m. Bɨ́ɛ á bé adwe tír waá, bé e kpɛʼkpɛ̂ʼ mveʼle yé bɨ́bɛ̂h kûm. Bé á bé acɛmǎ jwɨʼ yé ɨ́ mempǒm mɔ́ɔ́ ti e lɨ́ koo ékœ̂h. Me á bee bé ó, bé osí pah. Bé e Yésʉs-Krîst, bé á si njwɨ́ɨbʉr ó sí tɔ́ɔ́sin mimbû.

Mɨngwiha 3:21

“Mʉr óntaa, búla le onkɔ́ɔ́ nyá, me ódwe nyé nkul ó, bɨ̌h e nɔ́ɔ́ díʼee diá gwár ɨ́ mecwɨ́ɨ́ mé jwɨ́ɨ́ yâm, ebě, mɛm ntémé, me á si ntaa, búla e wâm ónkɔ́ɔ́. Me á si di sí bǎʼ e Sɔ́ŋ wǎm ɨ́ mecwɨ́ɨ́ mé jwɨ́ɨ́ yé.”

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

Filipi 3:9

Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

1 Timotɛ 1:14

Sá tɨ̂ʼ ó Dâ á sʉ me metyɛʼ me mpóm ɨ́ nkalá nkalá yɨ́. Nye á si gbâ me ntémé búʼó ti e kpɛ̌l ɨ́ léme, ɨ́ nzɨ̌ mé Yésʉs-Krîst.

Jacques 2:5

Bɨ́ɔɔ́ bâm! Okɛ́l bâm! Bʉr mé dí ekpɛl bá! Jóʼláá gâ: Nzyɛ̌m á si twâr baántéʼenteʼe o bʉ̂r ó sí yɨ̂ʼ lɨ́ esú ó, nye gbâʼ bé buobuo búʼó ɨ́ miléme. Nzyɛ̌m á si kɛʼ bʉr o dí ekpɛl nyé bá ó, nye ódwe bé mimbɨambɨa bísâ ɨ́ Mpóʼo nyé. Ntʉ báántéʼenteʼe o bʉ̂r ó sí yɨ̂ʼ ó ngá lîʼ e bisá nyé á kɛʼ bí ɛ́?

Mɨngwiha 1:6

Nye ó b'á liŋ mɨná gá bʉr o Mpóʼo nyé, le esâ ó, mɨná díʼee gá opara dí eséa e waá dí Nzyɛ̌m wé, waá dí ntémé Sɔ́ŋ wé nyá bá. Kûm e nkul, byé díʼee e né njʉ̌m dǐ e njʉ̌m dǐ. Amɛn.

1 Korɛnt 4:8

Bɨ̌n mû ó e sá yɨ́yɛ̂h bɨ́n á gwɨgwɨ̂m yɨ́. Bɨ̌n mû ó ɨ́ diá mépwaʼ. Bɨ̌n mû ó sí tyélɔɔ ɨ́ dǐ mínjwɨ́ɨbʉr, bɨ̌h bɨɛ l'apǎ be myê. Á dǐ bee ó, bɨ̌n mû ó sí dwira mínjwɨ́ɨbʉr mimpâ, mɨná gá óbɛ̂h nkʉ̂ di gá myé ɛ̌!

Rôm 6:23

Myɛ́na mé syɛ̂l misyóm, mé ó njɨ eswie. Tó kœb ó, ndwéá Nzyɛ̌m á dwe bʉr edwɛ́na wɨ́, wé ó twǐʼ njʉ̌m dǐ ɨ́ mpúhlá gá nyɨ́ná e Tî Yésʉs-Krîst.

Rôm 5:20

Nzyɛ̌m á tyêl bʉr metié ó, lɨ́ esú ó, syóm, wé myɛ́maa. Syóm dí e bʉr wɨ́, wê nzě tô le emyaŋla. Damá be ó yé á si syɛ́ɛlɨ nó, ɨ́ jɔʼ gwár e gwár yaá ntémé ó Nzyɛ̌m á bu lɛ̂ʼle bʉr mpam nyé yɨ́.

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

Rôm 8:39

damá be bísâ bi dí ɨ́ jʉ́o kʉ́, nkʉ̂ byaá bi dí ɨ́ sí tʉ́ŋlʉ̌ bí, damá be wáǎ mbǐ sɔ̂ʼ Nzyɛ̌m á komlo yɨ́, tó tôʼ. Sâ gwár dí ɨ́ sɔ́má yaá yɨ́, yé ákóʼó bɛ̂ʼ páʼ gá nyɨ́ná e Nzyɛ̌m, mʉr dí elɛ̂ʼlě kpɛ̌l yé ɨ́ nzɨ̌ mé Yésʉs-Krîst, Tî gá wɨ́ná nyá.

Rôm 5:15

Sâ gwár, syɛ́ɛla ébébe mé Ádam yaá, yé abě mpʉ̌ ndwéá Nzyɛ̌m dí edwe bʉ̂r edwɛ́na wɨ́. Bébebébe syɛ́ɛla mʉ̂r ngwár á sâ yɨ́, yé á si sâ ó, bʉr dwêʼ ɨ́ buo buo. Syɛ́ɛla mé Ádam pǎ nyɛɛ́ céne bʉ̂r ɨ́ buo buo, á dwɛʼra e yaá nyʉ́ʉ́ mʉ̂r ngwár, Yésʉs-Krîst, á sâ yɨ́! Nye á si cwɨ́a e bʉr ɨ́ buo buo. Nye mû ó waá dí elɛ̂ʼle mɨ́ná gá mpam mé Nzyɛ̌m, waá dí entɨh mɨ́ná gá ndwéá wé nyá.

Rôm 6:14

Ebě, syóm, wé ajala le ekǎ jwɨ́ɨ bɨ́n, ebě, bɨ̌n bé akǎ be bʉ̂r o dí ɨ́ mpila métié tʉ́ŋlʉ̌ bá. Ɨ́ báánâ, bɨ̌n mû ó baá Nzyɛ̌m mû sí lɛ̂ʼle mpâm bá.