Rôm 5:15 - Kálar Nzyɛ̌m : Ejwán é Sáá

¹⁵ Sâ gwár, syɛ́ɛla ébébe mé Ádam yaá, yé abě mpʉ̌ ndwéá Nzyɛ̌m dí edwe bʉ̂r edwɛ́na wɨ́. Bébebébe syɛ́ɛla mʉ̂r ngwár á sâ yɨ́, yé á si sâ ó, bʉr dwêʼ ɨ́ buo buo. Syɛ́ɛla mé Ádam pǎ nyɛɛ́ céne bʉ̂r ɨ́ buo buo, á dwɛʼra e yaá nyʉ́ʉ́ mʉ̂r ngwár, Yésʉs-Krîst, á sâ yɨ́! Nye á si cwɨ́a e bʉr ɨ́ buo buo. Nye mû ó waá dí elɛ̂ʼle mɨ́ná gá mpam mé Nzyɛ̌m, waá dí entɨh mɨ́ná gá ndwéá wé nyá.

Kálara Zyɛ̌m Edwán é mpʉ̌n

¹⁵ Sa gwar, ntaŋa etie mo Adam nɨ, wé abe mpʉ ndwɛa Zyɛm lé edwe bʉr edwɛna ɛ. Ntaŋa motie mo mʉr ngwar, wé a be ó si sa ó, bʉr dwèʼ é buobuo. To kœb ó, syɛɛla ncwɨncwɨa mo nuu mʉr ngwar, yé ó b'a bul dime sɔʼɔ. Ncwɨncwɨa mo Zyɛm ndwe e pɛʼa bɨbaa bɨ ebebe, bi pyal é bʉr, laa naa, lé ecwɨɨ e nuu mʉr ngwar, Yesʉs-Krɨst.

Rôm 5:15 ပူးပေါင်းရင်းမြစ်များ

Rôm 6:23

Myɛ́na mé syɛ̂l misyóm, mé ó njɨ eswie. Tó kœb ó, ndwéá Nzyɛ̌m á dwe bʉr edwɛ́na wɨ́, wé ó twǐʼ njʉ̌m dǐ ɨ́ mpúhlá gá nyɨ́ná e Tî Yésʉs-Krîst.

Éfɛsɔs 2:8

Ebě, mpam mé Nzyɛ̌m ó b'á tiʼ bɨ̌n, lɨ́ nzɨ̌ búʼó. Twiʼ yaá, yé aduho kwá nyɨ́n, bɨ̌n bʉr o tɨ̂. Yé ó ndwéá mé Nzyɛ̌m.

Rôm 5:12

Nó ó, syóm, wé á nze ɨ́ sí yɨ̂ʼ ó, tɨ̂ ɨ́ mʉr ngwár. Syóm waá nzě dulo éswie ɨ́ bʉr. Eswie laá ntɔ̂ʼ mɛ̂r bʉ̂r bɨ́bɛ̂h, ebě, bʉr bɨ́bɛ̂h, bé á si sâ misyóm.

1 Yʉanes 5:11

Mboʼlá mé Nzyɛ̌m waá, wé ó wɨ̂: Nzyɛ̌m á be ɨ́ dwe mɨ́ná gá twǐʼ njʉ̌m dǐ. Twiʼ yaá, yé di ó, ɨ́ Mwân wé.

2 Korɛnt 9:15

Mɨná dwêʼ gá Nzyɛ̌m nzyǒo ɨ́ lɔ̌b étʉ́m nyé á lómlo mɨná gá lɨ́. Membɨa me dí tɨ̂ʼ má, mé abe e tólɔ́ɔ.

1 Yʉanes 2:2

Ebě, Yésʉs-Krîst, nye ó mʉr á búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé nyá. Abě njɨ myaá gá míná, myé omér. Nye á dwe twiʼ ó, lɨ́ esú é bʉ̂r ó sí yɨ́yɛ̂h.

Ebrœ̂ 2:9

Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.

Yʉanes 4:10

Yésʉs ntɔ̂ʼ lɛ́ɛ e né ó: «Yé bé go bé ɨ́ gʉ́a étʉ́m mé Nzyɛ̌m ti e mʉr gwám gó medíbé nyá nó, lɛ́ɛ́, go ô gwám nyé medíbé mé twiʼ, nye ntɔ̂ʼ gwá dwe gó mǎ.»

Yʉanes 3:16

Ebě, kpɛ̌l Nzyɛ̌m á bu kpɛl bʉr ó sí yɨ̂ʼ yɨ́, nye á be ɨ́ dwe Étíʼé é Mwân lé ó, ɨ́ sɔ́má bʉ̂r bɨ́bɛ̂h, mʉr ngá dyɛ̂ʼwo e né nyá, nye ádîm ɨ́ nkɔb bʉr, ebě, nye mû ó e twǐʼ njʉ̌m dǐ.

Mataos 26:28

Ebě, metié mâm ó mâ, metié mû lɨ́ eswɨɨ lɨ́ esú ó, Nzyɛ̌m tyélɨɨ saá páʼ nyɔ́ɔ́ le bʉr ɨ́ buo buo má. Nyě tyél nyé ó, nye nkʉ̂ pɛʼ bé bibaa bí ébébe byɔ́ɔ́.

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

Mɨlʉmlʉ 15:11

Ɨ́ mpʉ mɨ́ná dí ebúʼla gá ó, mɨná bé á bi gá twiʼ ó, njɨ e nzɨ̌ mpam mé Tî Yésʉs yɨ́, jwɨʼ gwár yaá ntémé ó bɨ́ɛ bé á bi twiʼ yɨ́.»

2 Korɛnt 5:14

Sá dí etíne bɨ́h, ó bɨ̌h túnaa Mbɨambɨa Lɔ́ɔ́ mé Nzyɛ̌m yɨ́, yé ó kpɛ̌l Krîst á gbâ bɨ̌h ɨ́ miléme yɨ́. Mbeá wɨ́h, wé ó, mpʉ mʉ̂r ngwár á dwe lɨ́ ebúra e bʉr bɨ́bɛ̂h yɨ́, yé lɛ́ʼlé mɨ́ná gá ó, bʉr bɨ́bɛ̂h, bé á si dwe.