Rôm 5:11 - Kálar Nzyɛ̌m : Ejwán é Sáá

¹¹ Yé abě njɨ nó, yé omér: mɨná mû nkʉ́na gá ntémé ɨ́ míh mé Nzyɛ̌m ó, ɨ́ lɔ̌b mé Tî gá wɨ́ná, Yésʉs-Krîst. Nye ó b'á sâ saá ɨ́ jɔʼ yɨ̂, páʼ gá nyɨ́ná e Nzyɛ̌m.

Kálara Zyɛ̌m Edwán é mpʉ̌n

¹¹ Yé abe njɨ no, yé ome: bɨna mu lé emɨɨla ga nteme ó, dumo e Tî ga wina Yesʉs-Krɨst, é zyɛŋa ga wina boo Zyɛm. Nye ó b'a sa sàa paʼra ga wina boo Zyɛm é jɔʼ yi.

Rôm 5:11 ပူးပေါင်းရင်းမြစ်များ

Rôm 5:10

Jɔʼ mɨ́ná bé á be gá ontɨ̂m le obɨn mé Nzyɛ̌m yɨ́, Mwân mé Nzyɛ̌m á si dwe lɨ́ esú gá lɨ́ná, lɨ́ esâ sáá páʼ gá nyɨ́ná e Nzyɛ̌m Sɔ́ŋ. Krîst pǎ nyɛɛ́ cwɨ́a le ontɨ̂m le obɨn bé, á dwɛʼra e mɨná gâ, bʉr o sáá nyaá! Nzyɛ̌m ókʉ́ tiʼ mɨ́ná gá e nzɨ̌ twiʼ mé Yésʉs-Krîst, Mwân wé.

Filipi 4:4

Diʼee gá jɔʼ yɨ́yɛ̂h ɨ́ bisʉhʉʉ ɨ́ mpúhlá nyɨ́n e Tî Yésʉs. Me lɨ́ ebáʼǎ lɛ́ɛ ó, sohaa gâ.

Galásia 4:9

Damá jóʼo nó, ɨ́ báánâ, bɨ̌n bɨ́ gʉ́ǎ Nzyɛ̌m mpâ. (Me bé lɨ́ edǐ lɛ́ɛ ó, Nzyɛ̌m, nyɨ́ gʉ́a bɨ́n mpʉ bwán bé.) Bɨ̌n bé lɨ́ ebáʼǎ dû mílɛ́ʼlá bʉ̂r ó sí yɨ̂ʼ dí ekûhlo, myaá dí abe e nkul mí ɨ́ yé? Bɨ̌n bé lɨ́ ebáʼǎ kpɛl édi bítúʼǎ byɔ́ɔ́ ɨ́ yé?

1 Pyɛr 1:8

Bɨ̌n bé lɨ́ ekpɛl nyé, bɨ̌n l'apǎ bee yɨ́ɛ nye. Bɨ̌n bé lɨ́ edyɛ̂ʼwo e né, damá be ó bɨ̌n dína ó, apǎ bee nyê, nzě pyâl ɨ́ báánâ. Ɨ́ tɨ̂, diʼee gá lwɨ́ŋlá e bisʉhʉʉ. Sohaa gá ɨ́ mbi mʉ̂r dí abe e nkul ejwɨʼ, nkʉ̂ lɛ́ɛ byé wɨ́. Kûm, nyě e bɨ̌n tɨ̂.

Kolosi 2:6

Mpʉ yê tyeetye ó, bɨ̌n bé á si bi Yésʉs-Krîst tâŋ Njwɨ́ɨ wɨ́n yɨ́, diʼee gá ɨ́ mpúhlá e né.

Filipi 3:3

Mɨná gá bɨɛ ó dí e mpǎŋ tíʼá mpʉ́n, waá Nzyɛ̌m mʉr tɨ̂ʼ dí etíʼe wɨ́. Mɨná gá ó dí edwě Nzyɛ̌m kûm ɨ́ Sísǐm wé tʉ́ŋlʉ̌. Mɨná jaá nkʉ́na gá ó, njɨ ɨ́ Yésʉs-Krîst. Mɨná bé adyɛ̂ʼwo gá e bisyɛ́ɛla bi bʉ̂r ó sí yɨ̂.

Filipi 3:1

Bɨ́ɔɔ́ bâm! Okɛ́l bâm! Me lɨ́ esûʼlǎ lɛ́ɛ bɨ́n ó, sohaa gá ɨ́ mpúhlá nyɨ́n e Tî Yésʉs. Yé akɔbla mé ó, me báʼa cɛmǎ sá mê nyɛɛ cɛmá bɨ́n yɨ́. Yé ntémé ó mé múo nzě sâ lɨ́ esú é nyɔm wɨ́n yɨ́.

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,

1 Korɛnt 10:16

Bélé ményoʼ gá yɨ́ná, yê nyá? Yê mɨná gá ó nzɨ̌ Nzyɛ̌m dí esʉ mɨ́ná gá metyɛʼ me mpóm mé e tɨ̂ʼ nyɨ́. Mɨná bé lɨ́ edwe gá nye nzyǒo ɨ́ lɔ̌b béle yaá. Ɨ́ jɔʼ mɨ́ná dí ede gá menyoʼ me tɨ̂ʼ yɨ́, mɨná bé lɨ́ esyɛŋa gá lɨ́ enʉa nkɔ̂b ɨ́ metié mé Krîst. Blêr mɨ́ná dí epɛ̂ʼla gá ɨ́ jɔʼ mɨ́ná dí ede gá yɨ́, tɨ̂ʼ ó mɨ́ná dí esyɛŋa gá lɨ́ enʉa nkɔ̂b ɨ́ nyʉ̂l mé Krîst yɨ́.

Rôm 11:15

Nzyɛ̌m pǎ nyɛɛ́ sâ sáá e bʉr ó sí yɨ̂ʼ ɨ́ jɔʼ nyé á bene oYúden yɨ́, á dwɛʼra le embɨa nyé ósâ bé le onɔ́ɔ́ ɨ́ jɔʼ nyé óbáʼǎ nʉa bé yɨ́! Yé ónwɨɨla ó e pahá sóo. Bé óbe ó mpʉ ódwe o dí epah bá.

Rôm 2:17

Yê nyá, gua, mʉr dí ejébɔɔ Yúden nyá? Gǒ dídyɛ́ʼwó ó e metié. Gǒ jaá nkʉ́nǎ njɨ ó, go ó dí mʉr mé Nzyɛ̌m.

Yʉanes 1:12

Damá jóʼo nó, bím bʉ̂r o b'á nʉa nye, dyɛ̂ʼwɔɔ ntémé e né bá, bé ó nyé á dwe nkul etyélɔɔ bwán mé Nzyɛ̌m.

Lʉkas 1:46

Nó Maria á nze lɛ́ɛ ó: «Lémé wâm, wé lɨ́ edwě Dâ Nzyɛ̌m kûm.

Rôm 5:1

Nzyɛ̌m á be ɨ́ dwe mɨ́ná gá nkam ɨ́ lɔ̌b búʼó gá yɨ́ná. Sá tɨ̂ʼ ó mɨ́ná gá e Nzyɛ̌m mû mbɨ̂mbɨá ɨ́ nzɨ̌ Tî gá wɨ́ná, Yésʉs-Krîst yɨ́.

Rôm 5:3

Damá jóʼo mítúú mɨ́ná dí esia gá e myé mí, mɨná bé lɨ́ ekʉ́ bánǎ nkʉ́na gâ, ebě, mɨná bé lɨ́ egʉ́a gá ó, baá o dí esia e mitúú bá, bé ójɨ̂ʼ bíhwó tɨ̂.

Rôm 8:23

Yé abě njɨ nó. Nzyɛ̌m mû ó sí ntɨh mɨ́ná gá Sísǐm wé. Mɨná bé á nyɛɛ bi gá ó, etʉ́m laá. Damá jóʼo nó, milémé gá míná dína ó lɨ́ etíme. Yé ó nó, tó kumo ó, dʉ́ó Nzyɛ̌m ósîl étyêl mɨ́ná gá ɨ́ tyé bwán bé yɨ́. Dʉ́o laá ó nyé ngá dwih ményʉ́l gá mɨ́ná ɨ́ mpila ébébe yɨ́.

Rôm 9:10

Yé abě njɨ nó, yé omér. Rebéka á be ó myaá mpám gá yɨ́ná Isaac. Nye á si nʉa ebum, byâ mégbâh.

2 Korɛnt 8:19

Yé abě njɨ nó. Bé á pɛ̂h nye ntémé ó, nye níʼee ɨ́ sɔ́má tyen yɨ́h, ó bɨ̌h e boo nɔ́ɔ́ séaa syɛ́ɛ́ ɨ́ nzyɛ̌ŋ bimɔnɨ́ nyaá. Syɛ́ɛ́ yaá, yé ódwe Tî gá wɨ́ná kûm, le elɛ̂ʼlě gwɨ́má ésúʼo bʉ́ʉ́ bʉ̂r.