Rôm 5:1 - Kálar Nzyɛ̌m : Ejwán é Sáá

¹ Nzyɛ̌m á be ɨ́ dwe mɨ́ná gá nkam ɨ́ lɔ̌b búʼó gá yɨ́ná. Sá tɨ̂ʼ ó mɨ́ná gá e Nzyɛ̌m mû mbɨ̂mbɨá ɨ́ nzɨ̌ Tî gá wɨ́ná, Yésʉs-Krîst yɨ́.

Kálara Zyɛ̌m Edwán é mpʉ̌n

¹ Zyɛm mu ó si dwe bɨna ga mokebe ebe taa buʼo bɨna lé ejyɛʼ boo Krɨst ɨ. Ebe no ó bɨna ga e boo Zyɛm mu mbɨmbɨa, dumo e Tî ga wina Yesʉs-Krɨst ɨ.

Rôm 5:1 ပူးပေါင်းရင်းမြစ်များ

Rôm 15:13

Nó ó, Nzyɛ̌m dí egbâ bʉ̂r mpûʼla ɨ́ miléme nyá, nye tyɛ́bɨɨ bɨ̌n ɨ́ miléme, ó bɨ̌n sóhaa ɨ́ jɔʼ yɨ́yɛ̂h. Nye lóŋlaa bɨ̌n mepyɛbla ɨ́ miléme, ɨ́ nkul búʼó yɨ́n. Nó ó mílémé mín ngá lóno ɨ́ mpûʼla e nkul Sísǐm wé yɨ́.

Yʉanes 16:33

Mě lɛ́ɛ́ bɨ́n milɔ̌b mîʼ ó, bɨ̌n nkʉ̂ di ɨ́ mpúhlá e me, milémé mín nkʉ̂ lóno ɨ́ mepyɛbla. Bɨ̌n bé ósia e mitúú lɨ́ edi ɨ́ sí yɨ̂. Damá jóʼo nó, biʼee gá menyan ɨ́ milémé mín. Mɛm, mɨ́ ntaǎ sí yɨ̂ʼ ɨ́ nkul.»

Kolosi 1:20

Nye á tíʼe ntémé ɨ́ lémé wé ó, milɔ̌b mi dí páʼ bé e bʉr bɨ́bɛ̂h mí, nyě komló myé ó, ɨ́ nzɨ̌ Mwân wé. Nzyɛ̌m á sâ saá e bʉr ó, ɨ́ nzɨ̌ metié me Mwân wé á dwe ɨ́ kolôs kʉ́ nyá. Damá jóʼo bísâ bi dí kâʼ sí bí, damá be byaá bi dí ɨ́ jʉ́o kʉ́ bí: Nzyɛ̌m á gbâ bʉr bɨ́bɛ̂h mepyɛbla ɨ́ miléme ó, duho lɨ́ eswɨɨ e métié mé Krîst mé á swɨɨ sí lɨ́.

Rôm 6:23

Myɛ́na mé syɛ̂l misyóm, mé ó njɨ eswie. Tó kœb ó, ndwéá Nzyɛ̌m á dwe bʉr edwɛ́na wɨ́, wé ó twǐʼ njʉ̌m dǐ ɨ́ mpúhlá gá nyɨ́ná e Tî Yésʉs-Krîst.

Rôm 14:17

Mpóʼo mé Nzyɛ̌m, nyé abe mpóʼo mede le menyoʼ. Nye ó mpóʼo otîtyěl, mepyɛbla, ndu e bisʉhʉʉ mɨ́ná dí ebi gá e nzɨ̌ Sísǐm mé Nzyɛ̌m bí.

2 Tesalonika 3:16

Nó ó, Tî gá wɨ́ná, mʉr dí egbâ mɨ́ná gá mepyɛbla ɨ́ miléme nyá, nye gbâʼ bɨ̌n mepyɛbla ɨ́ miléme ɨ́ bijɔʼ bíbyɛ̂h, le menzɨ̌ mɨ́mɛ̂h. Tî gá wɨ́ná díʼee e bɨ̌n óbɛ̂h.

Yʉanes 14:27

«Mepyɛbla ó mé líʼé bɨ́n e mǎ nɨ̌. Mepyɛbla mâm ó mé dwé bɨ́n nɨ̌. Mé adwe bɨ́n mǎ mpʉ bʉ̂r ó sí yɨ̂ʼ dí edwe bɨ́n bisɔ̂ʼ, kǎ sûʼlǎ dɛn byé yɨ́. Bisɨ́ǎ bî, byé ayɨ́ tɨ̂l bɨ́n mekʉ̌ sí. Ayɨ́ jóʼo gá bʉ́á.

Rôm 4:5

Tó kœb ó, mʉ̂r dí asɨ̂sa bísyɛ́ɛla bimpâ nyá, sí dyɛ̂ʼwo e Nzyɛ̌m, le ebúʼla ó, Nzyɛ̌m sá ó dwe mínjéʼe-Nzyɛ̌m nkam nó, Nzyɛ̌m óbeě mpʉ̌ nyé dí edyɛ̂ʼwo e né yɨ́, ntɔ̂ʼ kǎ láa ó, nye ó tîtyěl mʉr.

Kolosi 3:15

Krîst tyɛ́bɨɨ bɨ̌n ɨ́ miléme, ó bɨ̌n díʼee e miléme mi dí milwɨ́ŋlá ɨ́ mepyɛbla mí. Sá tɨ̂ʼ ó Nzyɛ̌m á jébe bɨ̌n ó, bɨ̌n pûhlaa ɨ́ nyʉ̂l mpwár yɨ́. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí esâ bɨ́n bí.

Rôm 15:33

Nzyɛ̌m dí egbâ mɨ́ná gá mepyɛbla ɨ́ miléme nyá, nye díʼee e bɨ̌n óbɛ̂h. Amɛn.

Mɨlʉmlʉ 10:36

Bɨ̌n bé lɨ́ egʉ́ǎ lɔ́ɔ́ Nzyɛ̌m á lɛ́ɛ bʉr o b'Ɨ́zraɛ̂l wɨ́. Mbɨambɨa Lɔ́ɔ waá, wé ó waá mépyɛbla bʉ̂r dí ebi ɨ́ nzɨ̌ mé Yésʉs-Krîst, dí Njwɨ́ɨbʉr bɨ́bɛ̂h nyá wɨ́.

Filipi 3:9

Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

1 Tesalonika 5:23

Nzyɛ̌m waá dí esâ ó, bʉr tíʼaa ɨ́ mepyɛbla nyá, nye mʉr tɨ̂, nye púbaa bɨ̌n ɨ́ mipáʼ mímyɛ̂h. Nye bâʼlaa misísǐm mín, milémé mín, ti e menyʉ́l mɨ́n. Nye bâʼlaa bɨ̌n mbɨ̂mbɨá nó, mɨná díʼee gá abe e mebě, tó pyâl ɨ́ jɔʼ Tî gá wɨ́ná Yésʉs-Krîst óbáʼǎ nze yɨ́.

Rôm 5:18

Mpʉ bʉ̂r bɨ́bɛ̂h, bé á dweŋɔɔ mebě, tɨ̂ e misyóm mí mʉ̂r ngwár yɨ́, jwɨʼ gwár e gwár yaá ntémé ó, syɛ́ɛla mpâ mʉ̂r ngwár á sâ yɨ́, ngá sâ ó, bʉr bíʼee nkam yɨ́. Bé ónî ɨ́ twiʼ.

Lʉkas 19:42

Nó nyé á lɛ́ɛ ó: «Yé bé go bé ɨ́ gʉ́a ɨ́ dʉ́ó lɨ̂ʼ mûh, sâ gwa gbá gó mepyɛbla ɨ́ léme yɨ́ nó, mpa gʉ́ tiʼe. Ɨ́ báánâ, yê go ó solá. Gó abe e nkul béé yê.

Rôm 1:7

Mě cɛmá ó, bʉr bɨ́bɛ̂h o dí Rôm, baá Nzyɛ̌m á kpɛl, le etwâr ó, bé díʼee mitwárá mí bʉ̂r myé bá. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná, bé e Tî Yésʉs-Krîst.

Lʉkas 19:38

Bé á lɨlɛ́ɛ ó: “Mɨná gúmlaa gá njwɨ́ɨ dí enze e díé mé Dâ Nzyɛ̌m nyá. Kwár mé Nzyɛ̌m, nye lónaa ɨ́ mepyɛbla. Bʉr o dí ɨ́ jʉ́o kʉ́ bá, bé dwêʼ Nzyɛ̌m kûm.”

Galásia 2:16

Sâ gwár, mɨná bé lɨ́ egʉ́a gá ó, mʉr, nyé abi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mʉ̌r bi nkâm ó, ɨ́ lɔ̌b búʼó, lɨ́ edyêʼ koo e Yésʉs-Krîst. Mɨná bɨ́ dyɛ̂ʼwo ntémé e Yésʉs-Krîst. Búʼó gá yɨ́ná yaá, yé aduho ɨ́ mbaʼlá metié. Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié.

Yʉanes 20:31

Sá mé mû sí cɛma bɨ́n ɨ́ mekaná mâʼ yɨ́, yé ó, bɨ̌n bûʼlaa ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá, nye ntémé, nye ó Mwân mé Nzyɛ̌m. Bɨ́n sí dyɛ̂ʼwo e né nó, bɨ̌n bé óbǐ twiʼ ɨ́ nzɨ̌ nyé.

Rôm 10:10

Mʉ̂r dyɛ́ʼwó e Yésʉs ɨ́ lémé wé nó, nye óbi nkâm ɨ́ míh mé Nzyɛ̌m. Mʉ̂r lɛ́ɛ́ ɨ́ num wé ó: «Yésʉs ó dí Njwɨ́ɨ!» nó, Nzyɛ̌m ódwe nyé twǐʼ njʉ̌m dǐ.

Rôm 3:30

Ebě, Nzyɛ̌m, nye ó njɨ ngwár. Ɨ́ páʼ bʉ̂r o b'á tíʼɔɔ mpʉ́n bá, nyě dwé bé nkam ó, ɨ́ lɔ̌b búʼó yɔ́ɔ́. Bʉr o dí abě tíʼá mpʉ́n bá, bé lɨ́ ebi nkâm ntémé ó, ɨ́ lɔ̌b búʼó yɔ́ɔ́.

Rôm 1:17

Mbɨambɨa Lɔ́ɔ waá, wé lɛ́ʼlé ó, mpʉ̌ Nzyɛ̌m dí edwe bʉ̂r nkam ɨ́ míh mé yɨ́. Yé tááré ó, ɨ́ búʼó, tó swîʼ ɨ́ búʼó. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Tîtyěl mʉr ótiʼe ó, ɨ́ búʼó.»

Ebrœ̂ 13:20

Me lɨ́ ejɨʼla e Nzyɛ̌m, mʉr dí egbâ mɨ́ná gá mepyɛbla ɨ́ miléme, waá á pɛh «Mbɔʼlʉ bintemě nɨ́nɨ́ɨ́», Tî gá wɨ́ná Yésʉs nyá. Ɨ́ tɨ̂ʼ, Nzyɛ̌m á sâ ó, saá ngá dǐ njʉ̌m dǐ e njʉ̌m dǐ nyɨ́, ɨ́ nzɨ̌ metié mé.

Éfɛsɔs 2:7

Nye á cwɨ́a e mɨná gá nó ó, lɨ́ esú lé élɛ̂ʼle mímyǎ mímyɛ̂h mi dí ebyɛ̂l mí, kpɛ̌l yé dí ápurapúra, dí elaa byúú bíkpɛ̌l bíbyɛ̂h yɨ́. Nye á sâ mɨná gá embɨa laá ó, ɨ́ mpúhlá gá nyɨ́ná e Yésʉs-Krîst.

Galásia 3:25

Ɨ́ báánâ, mpʉ̌ Nzyɛ̌m mû sí dib mɨ́ná gá nzɨ̌ edyɛ̂ʼwo e Yésʉs-Krîst yɨ́, pála waá, nyé akǎ jwɨ́ɨ mɨ́ná gâ.

Rôm 10:15

Bʉ̂r bé óbe, antɨhɔɔ nó, mʉr á gwa tô ɨ́ túnó waá nyá, á gwa tô le etúno wé náǎ e nyáa nkûl? Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Á mbɨa lɨ́ ebee bʉ̂r o dí enze le etúnǒ Mbɨambɨa Lɔ́ɔ bá ɛ̌!

Rôm 9:30

Mpʉ yé dí nó yɨ́, mɨná bé ókǎ lɛ́ɛ gá nyá? Nzyɛ̌m lɛ́ɛ́ yé, dumo e bʉr o dí abe óYúden bá? Bʉr o b'á be asáa nzɨ̌ ebi nkâm ɨ́ míh mé Nzyɛ̌m bá, bé ó b'á ka bi nkam ɨ́ míh mé. Sâ gwár, bé á si dweŋɔɔ mbi nkâm dí edweŋɔɔ ɨ́ lɔ̌b búʼó nyɨ́.

Lʉkas 2:14

«Kûm mé Nzyɛ̌m, nye lɨ́ elóŋlǒ jʉ́ó dí elaǎ jʉ́o le ejwoo le baántɛ́n yɨ́. Bʉr ó sí, bé díʼee e mepyɛbla páʼ nyɔ́ɔ́, ebě, Nzyɛ̌m, nyɨ́ bee bé mbɨ̂mbɨá.»

Rôm 3:22

Nzyɛ̌m mû kǎ dwe bʉ̂r nkam ɨ́ míh mé ó, njɨ ɨ́ mbûʼlá bé dí ebúʼlǎ Yésʉs-Krîst wɨ́. Nzyɛ̌m á kar nzɨ̌ nyaá ó, lɨ́ esú é baá bɨ́bɛ̂h dí ebúʼla nyé bá, ebě, bʉr bɨ́bɛ̂h, bé ó jwɨʼ gwár.

Yʉanes 5:24

«Mě lɛ́ɛ́ bɨ́n lɨ́ otyeetye ó, mʉr ngá jôʼlǒ lwǐb yâm le edyɛ̂ʼwo e mʉr á ntɨh me nyá, nyɨ́ bǐ twǐʼ njʉ̌m dǐ. Nye ákǎ tíʼɔɔ mílɔ̌b. Nyɨ́ boó duho lɨ́ eswie, ntaa ɨ́ twǐʼ njʉ̌m dǐ.

Rôm 5:11

Yé abě njɨ nó, yé omér: mɨná mû nkʉ́na gá ntémé ɨ́ míh mé Nzyɛ̌m ó, ɨ́ lɔ̌b mé Tî gá wɨ́ná, Yésʉs-Krîst. Nye ó b'á sâ saá ɨ́ jɔʼ yɨ̂, páʼ gá nyɨ́ná e Nzyɛ̌m.

Galásia 5:22

Sâ gwár, Sísǐm mé Nzyɛ̌m, nyě e byé bísyɛ́ɛla nyé dí esâ ɨ́ mɨná gá bí. Byé ó dí: kpɛ̌l, bisʉhʉʉ, mepyɛbla, bíhwó, njɨ́ʼá nkóó, mpam, edira ménkɛ̌ʼ,