Rôm 4:5 - Kálar Nzyɛ̌m : Ejwán é Sáá

⁵ Tó kœb ó, mʉ̂r dí asɨ̂sa bísyɛ́ɛla bimpâ nyá, sí dyɛ̂ʼwo e Nzyɛ̌m, le ebúʼla ó, Nzyɛ̌m sá ó dwe mínjéʼe-Nzyɛ̌m nkam nó, Nzyɛ̌m óbeě mpʉ̌ nyé dí edyɛ̂ʼwo e né yɨ́, ntɔ̂ʼ kǎ láa ó, nye ó tîtyěl mʉr.

Kálara Zyɛ̌m Edwán é mpʉ̌n

⁵ To kœb ó, mʉr ngwar é sama bʉr o ndɨ asa mɨmpaŋ bɨsyɛɛla ɛ, nye óbɛm jyɛʼ taa buʼo ye boo Zyɛm, ebe, nye ó waa ndɨ edwe bʉr o ndɨ adwaabe nye e, mokebe e. Zyɛm óbee mpʉ nye ndɨ ejyɛʼ taa buʼo ye boo nye e, ntɔʼ nʉa buʼo ye mpʉ bɨsyɛɛla bɨ ocɨcyel.

Rôm 4:5 ပူးပေါင်းရင်းမြစ်များ

Filipi 3:9

Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

Rôm 3:22

Nzyɛ̌m mû kǎ dwe bʉ̂r nkam ɨ́ míh mé ó, njɨ ɨ́ mbûʼlá bé dí ebúʼlǎ Yésʉs-Krîst wɨ́. Nzyɛ̌m á kar nzɨ̌ nyaá ó, lɨ́ esú é baá bɨ́bɛ̂h dí ebúʼla nyé bá, ebě, bʉr bɨ́bɛ̂h, bé ó jwɨʼ gwár.

Rôm 10:3

Bé á si jéʼe nzɨ̌ Nzyɛ̌m á tíʼe ɨ́ lémé wé ó, nyě kǎr ó bé nyǎ, ó bé ócɨɨ tɨ̂, bé obi nkâm tɨ̂ʼ nyɨ́. Bé á jaa sáa njɨ ó, bé káraa nyɔ́ɔ́ nzɨ́. Nó ó bé á gbɔba e Nzyɛ̌m, lɨ́ esú ó, bé bíʼee nkam lɨ́ ecɨɨ ɨ́ nzɨ̌ bɨ́ɛ bé bʉr o tɨ̂ʼ, bé á kar nyɨ́.

Rôm 4:24

nye óláa mɨ́ná gá ntémé ó, mɨná gá bé ó otîtyěl o bʉ̂r, baá o dí edyɛ̂ʼwo e né bá, nye waá á pɛh Tî gá wɨ́ná Yésʉs, dwih nyé lɨ́ odwe nyá.

Rôm 4:3

Yê cɛmá ɨ́ Mekaná mé Nzyɛ̌m ó: Abraham á si dyêʼ koo e Nzyɛ̌m. Nzyɛ̌m nzě beě mpʉ̌ Abraham á dyɛ̂ʼwo e né yɨ́, nye ntɔ̂ʼ láa ó, nye ó tîtyěl mʉr ɨ́ lɔ̌b búʼó yé yaá.

Yʉanes 6:29

Yésʉs, nye e bé ó: «Syɛ́ɛlǎ Nzyɛ̌m dí edî bɨ́n yɨ́, yé ó, bɨ̌n dyɛ̂ʼwaa e mʉr nyé á ntɨh bɨ̌n nyá.»

Yʉanes 5:24

«Mě lɛ́ɛ́ bɨ́n lɨ́ otyeetye ó, mʉr ngá jôʼlǒ lwǐb yâm le edyɛ̂ʼwo e mʉr á ntɨh me nyá, nyɨ́ bǐ twǐʼ njʉ̌m dǐ. Nye ákǎ tíʼɔɔ mílɔ̌b. Nyɨ́ boó duho lɨ́ eswie, ntaa ɨ́ twǐʼ njʉ̌m dǐ.

Markus 9:23

Yésʉs, nye e né ó: «Guá lɛ́ɛ́ ó: “Gó bé e nkul nó”! Sâ gwár, mɛ̌m lɛ́ɛ́ ó, mʉr dí edyɛ̂ʼwo e Nzyɛ̌m nyá, nyě e nkul esâ sá yɨ́yɛ̂h.»

Rôm 4:6

Jwɨʼ gwár yaá ntémé ó David á lɛ́ɛ yɨ́. Nye lɨ́ esyɛɛ métyéelé ɨ́ mʉr á láŋɔɔ otîtyěl ɨ́ míh mé Nzyɛ̌m, waá á be asâ bisyɛ́ɛla bimpâ nyá.