Rôm 4:3 - Kálar Nzyɛ̌m : Ejwán é Sáá

³ Yê cɛmá ɨ́ Mekaná mé Nzyɛ̌m ó: Abraham á si dyêʼ koo e Nzyɛ̌m. Nzyɛ̌m nzě beě mpʉ̌ Abraham á dyɛ̂ʼwo e né yɨ́, nye ntɔ̂ʼ láa ó, nye ó tîtyěl mʉr ɨ́ lɔ̌b búʼó yé yaá.

Kálara Zyɛ̌m Edwán é mpʉ̌n

³ ebe, yé ó tila é Kalara Zyɛm ó: «Abraham a si jyɛʼ taa buʼo ye boo Zyɛm. Zyɛm ze bee buʼo ye mbɨmbɨa, nye ntɔʼ nʉa nye mpʉ cɨcyel mʉr.»

Rôm 4:3 ပူးပေါင်းရင်းမြစ်များ

Jacques 2:23

Yé ntɔ̂ʼ pyâl mpʉ bé á cɛma ɨ́ Mekaná mé Nzyɛ̌m yɨ́. Yê cɛmá ó: Abraham á si dyêʼ koo e Nzyɛ̌m. Nzyɛ̌m nzě beě mpʉ̌ Abraham á dyɛ̂ʼwo e né yɨ́. Nye ntɔ̂ʼ láa ó, nye ó tîtyěl mʉr ɨ́ lɔ̌b búʼó yé yaá yɨ́. Nzyɛ̌m nzě jwɨr nyé «só wé».

Rôm 4:9

Nzê metyɛʼ me mpóm maá, mé jaá be ó, njɨ lɨ́ esú é bʉ̂r o b'á nyɛɛ tíʼɔɔ mpʉ́n bá ɛ́? Heʼé, bʉr o dí abě tíʼá mpʉ́n bá, bɨ́ɛ ntémé ósʉŋɔɔ métyɛʼ me mpóm, ebě, bɨ̌h alúno lɛ́ɛ ó, Abraham á si dyêʼ koo e Nzyɛ̌m. Nzyɛ̌m nzě beě mpʉ̌ Abraham á dyɛ̂ʼwo e né yɨ́, nye ntɔ̂ʼ láa ó, Abraham, nye ó tîtyěl mʉr.

Rôm 4:5

Tó kœb ó, mʉ̂r dí asɨ̂sa bísyɛ́ɛla bimpâ nyá, sí dyɛ̂ʼwo e Nzyɛ̌m, le ebúʼla ó, Nzyɛ̌m sá ó dwe mínjéʼe-Nzyɛ̌m nkam nó, Nzyɛ̌m óbeě mpʉ̌ nyé dí edyɛ̂ʼwo e né yɨ́, ntɔ̂ʼ kǎ láa ó, nye ó tîtyěl mʉr.

Rôm 4:11

Tíʼá mpʉ́n, wé á tyélɔɔ ɨ́ páʼ mé Abraham ó, mpʉ̌ mveʼle. Wé lɨ́lɛ́ʼlé mɨ́ná gá ó, nye á si dyɛ̂ʼwo e Nzyɛ̌m, ntɔ̂ʼ bi nkâm ɨ́ míh mé Nzyɛ̌m, nye dína apǎ tíʼɔɔ mpʉ́n. Abraham ntɔ̂ʼ kǎ sûʼla sɔ́ŋ bʉr bɨ́bɛ̂h dí edyɛ̂ʼwo e Nzyɛ̌m, baá dí abě tíʼá mpʉ́n bá. Nzyɛ̌m, nye lɨ́ ebeě mpʉ bé dí ebúʼla nyé yɨ́, ntɔ̂ʼ láa ó, bé ó otîtyěl o bʉ̂r.

Rôm 11:2

Nzyɛ̌m á bé amyǎh kúl bʉ̂r nyé á boo lɛ́ɛ ó, yé ó bʉr bé yɨ́. Nzê bɨ̌n bé agʉ́ǎ mpʉ bé á cɛma ɨ́ Mekaná mé Nzyɛ̌m, dumo le Elie yɨ́? Elie á be ó sí pur bʉ̂r o b'Ɨ́zraɛ̂l ɨ́ míh mé Nzyɛ̌m. Nye á lɛ́ɛ ó:

Rôm 10:11

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Mʉr nyɨnyɛ̂h ngá dyɛ̂ʼwo e né nyá, nye ásɔ́ma.

Rôm 9:17

Yê cɛmá ɨ́ Mekaná mé Nzyɛ̌m, dumo e Faraɔ̂ŋ ó: Me á tyêl go ɨ́ dǐ njwɨ́ɨ, kǎ bîr ó, go sâʼ ebɨ̌h ó, me nkʉ̂ lɛ̂ʼle bʉ̂r bɨ́bɛ̂h nkul nyǎm e nzɨ̌ nyǒ, ndu e ntémé ó, bʉr tôʼ ɨ́ sí yɨ̂ʼ yɨ́yɛ̂h lɨ́ etúnǒ lɔ́ɔ dí edumo e díé lâm wɨ́.

Markus 12:10

Bɨ̌n bé á bé así láǎ sá dí cɛmá yɨ́, ó: “Ekóʼ óswim ó mbɛ̌r bé á bene lɨ́, lé ó b'á ka sûʼla ekóʼ e dí esúʼo médwii me sɔ́ŋ lɨ́.

Jacques 4:5

Nzê bɨ̌n mû lɨ́ ebee ó, lwǐb mé Nzyɛ̌m, yé ó dwêh? Ebě, nye á si boo lɛ́ɛ ó: «Sísǐm Nzyɛ̌m á gbâ ɨ́ mɨná gá wɨ́, wé ɨ́ buú sâ mbɔʼ.»

Mataos 20:9

Baá bé á nʉŋɔɔ ɨ́ mewala metɛ̂n bá, bê nzě pyâl ésôʼ. Bé á jána e bé ó, mʉr ngwár, nzǎŋ mɔnɨ́ ngwár.