Rôm 4:21 - Kálar Nzyɛ̌m : Ejwán é Sáá

²¹ Nye á kʉ gʉ́a ó, Nzyɛ̌m á be ó e nkul edwe nyé sá nyé á pa kɛʼ nye yɨ́.

Kálara Zyɛ̌m Edwán é mpʉ̌n

²¹ Nye a kʉ gʉa ó, Zyɛm a be ó e nkul edwe nye sa nye a kɛʼ nye e.

Rôm 4:21 ပူးပေါင်းရင်းမြစ်များ

Lʉkas 1:37

Ebě, yé abe e yʉ́ʉ́ sɔ̂ʼ dí ɨ́ kɔbla ɨ́ páʼ mé Nzyɛ̌m.»

Ebrœ̂ 11:19

Nye á jwɨʼ ó, Nzyɛ̌m óbɛ̌m pɛ̌ʼ Isaac lɨ́ odwe. Mɨná bé óbɛ̌m lɛ́ɛ gá ó, nye á si baʼa nʉa Isaac píe nyé á dwe yɨ́.

2 Timotɛ 1:12

Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.

Lʉkas 1:45

Metyɛʼ me mpóm, mé díʼee e gua, mʉr á kʉ bûʼla mpáŋlǎ Nzyɛ̌m á lɛ́ɛ go nyɨ́ nyá. Go á bûʼla ó, mpáŋla nyé nyaá, nye ódira.»

Mataos 19:26

Yésʉs nzě dwɛ̂ʼ bê, ntɔ̂ʼ lɛ́ɛ e bé ó: «Bʉr, bé ákóʼó nî tɨ̂ʼ ɨ́ nkul nyɔ́ɔ́, bé bʉr o tɨ̂. Sâ gwár, Nzyɛ̌m nyě e nkul esâ bísá bíbyɛ̂h.»

2 Korɛnt 9:8

Nzyɛ̌m, nyě e nkul esʉ bɨ́n metyɛʼ me mpóm mimbi mímyɛ̂h ó, bɨ̌n bíʼee ɨ́ jɔʼ yɨ́yɛ̂h sá yɨ́yɛ̂h dí bɨ̌n ɨ́ sɔ́ɔlʉ yɨ́. Nó ó bɨ́n ngá be ɨ́ tɨʼlɨ lɨ́ esú ó, bɨ̌n nʉ́aa nkɔb ɨ́ bisyɛ́ɛ́ bí émbɨa mimbi mímyɛ̂h yɨ́.

Rôm 14:4

Gua, go nzé, gó dí edwe syɛ̂l mesâ nye onkán mebě nɨ̌? Nyé sí sâ ébébe nó, njwɨ́ɨ wé ó jálá le elɛ̂ʼle nyé lǎ. Nyé sí sâ émbɨa nó, njwɨ́ɨ wé ntémé ó jálá le elɛ̂ʼle nyé lǎ. Nye átwe yɨ́ɛ twêʼ, ebě, Tî Yésʉs, nyě e nkul esúʼo nyé lɨ́ esú ó, nye ayɨ́ twe.

Rôm 8:38

Yé ó nó. Mɨ́ kʉ́ gʉ́a ó, damá be éswie, damá bě twiʼ, damá be bééngeles, damá be mísísǐm mí édúrʉ́ʉ́ mi dí e jwɨ́ɨ mí, damá be ɨ́ báánâ, damá be ɨ́ bijɔʼ bi dí enze bí, damá be báányâ-nkul,

Ebrœ̂ 11:13

Bʉr baá bɨ́bɛ̂h, bé á dwe ó, bɨ́ɛ lɨ́ edyɛ̂ʼwo e Nzyɛ̌m. Jɔʼ bé á dwidwe nó yɨ́, bé á bé apǎ bǐ sá nyé á kɛʼ bé yɨ́. Sâ gwár, bé á bee nkɛ̌ʼ nyaá ó, nye dína ká ká lɨ́ ejaa. Bê nzě soho nyê. Bé bʉr o tɨ̂, bé á si gʉ́a lɨ́ otyeetye ó, bé ó ojwóo ti e milaa-nkpǎʼ ɨ́ sí yɨ̂.

Lʉkas 1:1

Théophile, mɨ́ɔɔ́ wǎm! Bisyɛ́ɛla bínɨ́nɨ́ɨ́ Nzyɛ̌m á sâ ɨ́ páʼ gá wɨ́ná bí, byé mû ó sí cɛmɔɔ nzɔ̂ʼ nzɔʼ.

Rôm 14:5

Bâʼ bʉ̂r, bé jwɨʼ ó, myúú mímóhó, myé lɨ́ elaa myúú ɨ́ dúu ɨ́ míh mé Nzyɛ̌m. Bʉ́ʉ́ bʉ̂r bɨ́ɛ jwɨjwɨʼ ó, mimóhó mímyɛ̂h, myé ó mbi ngwár ɨ́ mbeá wé. Bisyɛ́ɛla bi mʉ̂r nyɨnyɛ̂h, byé ɨ́ jala le eduduho ó, lɨ́ otîtyěl o mípahlá mí lémé wé.