Rôm 4:18 - Kálar Nzyɛ̌m : Ejwán é Sáá

¹⁸ Sá Abraham á be ajala le ebóno ó, yé ópyâl nyé yɨ́, nye á bóno sâ gwár yaá ó e mpûʼla ɨ́ léme. Nye ntɔ̂ʼ sûʼla sɔ́ŋ bikûl ɨ́ buo buo. Nkɛ̌ʼ Nzyɛ̌m á dwe nye nyɨ́, nye ntɔ̂ʼ dira ó: Onta bô, bé óbe ó, ɨ́ buo buo.

Kálara Zyɛ̌m Edwán é mpʉ̌n

¹⁸ Sa Abraham a baajala le ebuʼla ó, yé e nkul epyal ɨ, nye a si buʼla sa gwar e gwar yaa e mbɛla wé a be nye é leme e. Nye ntɔʼ fuʼla sɔŋ buobuo bɨkul. Zyɛm a kɛʼ nye ó: «Mpoŋbʉr go óbuo, jala e baatwitwɛn.»

Rôm 4:18 ပူးပေါင်းရင်းမြစ်များ

Rôm 8:24

Nzyɛ̌m á tiʼ mɨná gá ó, mɨná díʼee gá e mpûʼla ɨ́ miléme. Mʉ̂r sí bee bísá nyé á nyɛɛ bóno e mpûʼla bí nó, go ó, mpûʼla nyaá, nyé akǎ be, ebě, ɨ́ jɔʼ mʉ̂r mû sí bee yʉ́ʉ́ sɔ̂ʼ yɨ́, wáǎ mbi lémé wé dí e nkul ebáʼǎ lóno ɨ́ mpûʼla ó, nye óbee yé yɨ́?

Rôm 5:5

Lémé mʉ̂r, wé óbe, wé mû sí lóno ɨ́ mpûʼla nó, mʉr waá, nye ájóʼo bá sôn ɨ́ lɔ̌b mpûʼla nyé, ebě, Nzyɛ̌m á si lɛ̂ʼle mɨná gá mpʉ nyé dí ekpɛl mɨ́ná gá kpɛ̌l ápurapúra yɨ́. Nye á lɛ̂ʼle mɨná gá nó ó e nzɨ̌ Sísǐm wé, nyé á ntɨh mɨná gá wɨ́.

Mɨlʉmlʉ 27:25

Nó dyɛɛ́ yâm ɛ̌, diʼee gá e menyan ɨ́ miléme, ebě, mě e búʼó e Nzyɛ̌m ó, sâ yaá yɨ́yɛ̂h, yé ósyɛ́ɛ ɨ́ mpʉ nyê lɛ́ɛ́ mé yɨ́.

Rôm 4:17

«Me ótyêl gó ntémé sɔ́ŋ bikûl ɨ́ buo buo.» Nye ó sɔ́ŋ gá wɨ́ná, ebě, nye á bě sí dyêʼ koo e Nzyɛ̌m, waá dí epɛh ódwe nyá. Nzyɛ̌m waá ntémé ó dí esâ ó, sá yé á be abe yɨ́, yé díʼee.

Lʉkas 1:18

Zacharie ntɔ̂ʼ yala le éngeles ó: «Paá bee: bɨ̌h e mʉmá wǎm mû ó minjʉ̌m. Yé ngá lɛ̂ʼle mé ó, sá gó dí elɛ́ɛ̌ nɨ̌, yé óbánǎ syɛ́ɛ?»

Rôm 4:19

Jɔ̌ʼ Nzyɛ̌m á kɛʼ Abraham onta baá yɨ́, Abraham nzě bûʼla nkɛ́ʼ nyaá. Búʼó yaá, yé á bé agœ̂ʼ, damá be ó, nye á be ó, nye mû e mimbû nter. Nye á si pahle twiʼ yé, ntɔ̂ʼ bee ó, nye á be ó, nye mû kúno edwe. Nye ntémé á bee ó, Sara á be ó kǔn.

Ebrœ̂ 6:19

Mpûʼla nyaá, nye lɨ́ esúʼo míléme gá míná e nkul. Nyé abá tyɛ̂b. Nyě súʼó mílémé gá míná ó, ɨ́ kpɨ́ɨ́ɨ́ mpʉ̌ kǒl dí emɛ̂r byɛ̂l ɨ́ sʉ̌m díbé wɨ́. Mpûʼla nyaá, nye ó mpʉ̌ kǒl dí entaǎ kán ébê dí tyelá ɨ́ mpáh Nzyɛ̌m wɨ́. Wɨ̂ʼ ódumo ó kǒl waá, wê tyeelá ó, ɨ́ mɨná gâ. Gúú ódumo wɨ́ɛ, wé ó ɨ́ gúmó dí tí yɨ́, ɨ́ mpáh Nzyɛ̌m tʉ́ŋlʉ̌.