Rôm 4:17 - Kálar Nzyɛ̌m : Ejwán é Sáá

¹⁷ «Me ótyêl gó ntémé sɔ́ŋ bikûl ɨ́ buo buo.» Nye ó sɔ́ŋ gá wɨ́ná, ebě, nye á bě sí dyêʼ koo e Nzyɛ̌m, waá dí epɛh ódwe nyá. Nzyɛ̌m waá ntémé ó dí esâ ó, sá yé á be abe yɨ́, yé díʼee.

Kálara Zyɛ̌m Edwán é mpʉ̌n

¹⁷ Yé ó mpʉ yé ndɨ tila é Kalara Zyɛm ɨ. Yé ó tila ó: «Me ósa ó, go diʼe sɔŋ buobuo bɨkul.» Nye ó kʉ be sɔŋ ga wina, ebe, nye a be ó si jyɛʼ taa buʼo ye boo Zyɛm, waa lé epɛ̀h bʉr é mofoo e. Zyɛm ó ndɨ esa ó, sa yé a baataare be e, yé beʼ.

Rôm 4:17 ပူးပေါင်းရင်းမြစ်များ

1 Korɛnt 1:28

Nye á si twâr sá bʉ̂r dí ebeě dwêh le epyêh yɨ́, le yaá dí abe yɨ́, ó nye nkʉ̂ gbǎh sá bé dí ebee ó, yé ó tɨ̂ʼ yɨ́.

Yʉanes 5:21

Ebě, jwɨʼ gwár mpʉ Sɔ́ŋ dí epɛh ódwe, báʼǎ dwe bé twiʼ yɨ́, nó ntémé ó Mwân ódwe baá nyé kpɛ̂l bá twiʼ.

1 Pyɛr 2:10

Ɨ́ mimbú mí píhe, bɨ̌n bé á bé abě kúl bʉ̂r mé Nzyɛ̌m. Nó ó, ɨ́ báánâ, bɨ̌n mû ó kúl bʉ̂r dí egúmo e nye yɨ́. Ɨ́ mimbú mí píhe, abe e mʉr á jɨ̂ʼ bɨ̌n nkoó. Nó ó, ɨ́ báánâ, Nzyɛ̌m, nyɨ́ kʉ́ jɨ̂ʼ bɨ́n nkoó.

Yʉanes 6:63

Sísǐm mé Nzyɛ̌m ó dí edwě twiʼ. Mʉr ákóʼó bǐ twiʼ mpâ lɨ́ edû bígwɨ́má bí nkûl bipúno. Bilwǐb mé dí elwib e bɨ̌n bîʼ duho ó ɨ́ Sísǐm. Byé ntémé, byé ó dí etiʼ bɨ́n.

Rôm 8:11

Nó ntémé, Sísǐm mé Nzyɛ̌m, mʉr á pɛh Yésʉs, dwih nyé lɨ́ odwe nyá, dí ɨ́ bɨ̌n nó, go ó, Nzyɛ̌m ópɛh ményʉ́l mɨ́n, maá me dí elaǎ mpʉ̌ ngúl mpáá má. Nye ódwe mé twiʼ ó e nzɨ̌ Sísǐm wé dí ɨ́ menyʉ́l mɨ́n maá wɨ́.

Yʉanes 5:25

Mě lɛ́ɛ́ bɨ́n lɨ́ otyeetye ó, jɔʼ, yé lɨ́ enze. Yé ntémé, yɨ́ pyâl: jɔʼ ódwe, bé ójóʼo twíí Mwân mé Nzyɛ̌m yɨ́. Baá bé ójóʼo nyé bá, bé ótiʼe.

Ebrœ̂ 11:12

Nzyɛ̌m nzě dwě Abraham nkul ebono mpóʼo dí ɨ́ buú buo bʉ̂r nyɨ́, damá jóʼo ó, nye á be ó mpʉ ndwê. Bʉr o mpóʼo nyé, bé óbuǒ mpʉ ócwícwén, nkʉ̂ osɨ́ǎ o mâŋ, abe e tólɔ́ɔ.

Rôm 3:29

Nzê Nzyɛ̌m, nye ó njɨ waá oYúden le oYúden bé omér ɛ̌? Ntʉ nyé dí Nzyɛ̌m byúú bíkûl ntémé ɛ́? Yé ó nó, nye ó dí kwahaá Nzyɛ̌m wɔ́ɔ́ ntémé!

2 Pyɛr 3:8

Bʉr ó kpɛ̌l bâm, ajɨha gá sɨ̂: ɨ́ páʼ mé Dâ Nzyɛ̌m, dʉ́o egwár, lé ó mpʉ tɔ́ɔ́sin mimbû; tɔ́ɔ́sin mimbû nyɨɛ, nye ó mpʉ dʉ́o egwár.

Ebrœ̂ 11:7

Ɨ́ lɔ̌b búʼó, Nóe á si jóʼo Nzyɛ̌m jɔʼ nyé á cɨ̂l nye ɨ́ lɔ̌b sá yé á be ó, yé ósyɛ́ɛ yɨ́. Nye dína apǎ bee yé e dîh, nye nzě gbâ lwǐb mé Nzyɛ̌m yaá ɨ́ dúu, ntɔ̂ʼ kpaʼ byɛ̂l, dû mpʉ̌ Nzyɛ̌m á tɨ́e ó, nye sâʼ yɨ́. Nye nzě nî tɨ̂, bé e mbɛ̌r bʉ̂r wé, bɨ́bɛ̂h ntɔ̂ʼ tíʼe. Ɨ́ lɔ̌b búʼó yé ó nyé á lɛ̂ʼle ó, syɛ́ɛla bʉ́ʉ́ bʉ̂r, bé á sâ yɨ́, yé á be ɨ́ bébe yɨ́. Bɨ́ɛ bé á bé adyɛ̂ʼwo e Nzyɛ̌m. Nye á bi nkam ó, tâŋ nkɔb nyé, ɨ́ lɔ̌b búʼó yé.

1 Timotɛ 6:13

Mě káálé ɨ́ míh mé Nzyɛ̌m, mʉr dí edwe bísá bíbyɛ̂h twiʼ nyá, ndu e maá mé Yésʉs-Krîst, mʉr á dwe nkam mbɨ̂mbɨá ɨ́ mpǒm mé Pɔ́ŋtus Pilátos nyá ó,

Rôm 9:26

Damá jóʼǒ mpʉ mé á lɛ́ɛ bé ó: Ntʉ bɨ́n dí bʉr bâm! yɨ́, tɨ̂ʼ ɨ́ gúmo gwár e gwár yaá, mɛm Nzyɛ̌m, me ókǎ gbân bé le ejwɨr bé ó: Bwán mé Nzyɛ̌m dí kublakúbla nyá.

1 Korɛnt 15:45

Ebě, yê cɛmá: Mʉr esôʼ, Ádam, á be lɨ́ etiʼe. Ádam á suʼla ka nze nyá nyɨɛ, nye ó Sísǐm dí etiʼ bʉ̂r wɨ́.

Rôm 4:2

Yé bé Abraham á si bi nkam ɨ́ lɔ̌b bísyɛ́ɛla bimpâ byé nó, lɛ́ɛ́, nye á be ó e sá énkʉ́na tɨ̂. Sâ gwár, nye á bé abe e sá énkʉ́na tɨ̂ʼ ɨ́ míh mé Nzyɛ̌m.

Mɨlʉmlʉ 15:18

waá dí eboó gʉ́a byé táarě myâ nyá.”»

Mataos 3:9

Ayɨ́ jwɨʼ gá ɨ́ milémé mín ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham!

Rôm 4:18

Sá Abraham á be ajala le ebóno ó, yé ópyâl nyé yɨ́, nye á bóno sâ gwár yaá ó e mpûʼla ɨ́ léme. Nye ntɔ̂ʼ sûʼla sɔ́ŋ bikûl ɨ́ buo buo. Nkɛ̌ʼ Nzyɛ̌m á dwe nye nyɨ́, nye ntɔ̂ʼ dira ó: Onta bô, bé óbe ó, ɨ́ buo buo.

Rôm 9:11

Lʉ́ʉ́ égbâh, lé á bé apǎ byɛ̂l, nkʉ̂ sâ syɛ́ɛla gwár, nkʉ̂ yaá mpâ, nkʉ̂ yaá ébébe. Nzyɛ̌m á twâr nyʉ́ʉ́ tɨ̂ʼ ó, lɨ́ elɛ̂ʼle ó, nyě sá bísá byé ó mpʉ nyé kpɛ̂l yɨ́. Nyě twár mʉ̂r ó, ɨ́ mitíʼá mí lémé wé nye mʉr tɨ̂.

Ebrœ̂ 11:3

Ɨ́ nzɨ̌ búʼó gá yɨ́ná ó mɨ́ná dí egʉ́a gá ó, Nzyɛ̌m ó b'á kuho kʉ́ e sí ɨ́ nzɨ̌ lwǐb yé yɨ́. Nó ó, sá yɨ́yɛ̂h dí enyɨ̂n yɨ́, yé á duho ó, ɨ́ yaá dí anyɨ̂n yɨ́.