Rôm 4:15 - Kálar Nzyɛ̌m : Ejwán é Sáá

¹⁵ Ebě, metié mé Moyɨ̂z, mé abe e nyɔm waá. Bʉ̂r sí gbah métié maá nó, tyélá Nzyɛ̌m á tyêl bʉr metié wɨ́, ndumló tɨ̂, wé ó njɨ etó kwɨ́ɨ nkpáa mé Nzyɛ̌m. Yé bé metié abe nó, bʉr, bé á gwa gbah mé e nyáa nzɨ́?

Kálara Zyɛ̌m Edwán é mpʉ̌n

¹⁵ É jɔʼ Zyɛm lé etiile bʉr motie e, bé entaa motie maa, Zyɛm, nye ntɔʼ kpaa empime. Nkʉ motie, mé a be ó be, abe nɛʼɛ, mpa ntaŋa motie nteme, wé abe.

Rôm 4:15 ပူးပေါင်းရင်းမြစ်များ

Rôm 5:13

Bʉr, bé á si boo nyɛl esâ syóm ɨ́ sí yɨ̂, Nzyɛ̌m dína apǎ tyêl bé metié nkʉ̂ mempéné. Sâ gwár, Nzyɛ̌m á nyɛɛ be ó, abuú gbâ mísyóm myaá ɨ́ nkɔb ɨ́ jɔʼ yaá, ebě, yé á bé abe e mempéné mé á gwa kamle misyóm.

Galásia 3:10

Ebě, mʉ̂r sí bûʼla ó, Nzyɛ̌m ódwe nyé nkam ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, nyě e meswomlʉ, ebě, yê cɛmá ó: Mʉr nyɨnyɛ̂h dí abaʼle métié Mékaná mé Nzyɛ̌m mɨ́mɛ̂h nyá, nyě e meswomlʉ.

1 Korɛnt 15:56

Eswiě nʉnʉa nkûl ejʉ̂ bʉ̂r ó e nzɨ̌ syóm. Syóm wɨ́ɛ, wé nʉnʉa nkûl ó, duho ɨ́ metié mé Nzyɛ̌m.

Galásia 3:19

Yé bé nó wá, Nzyɛ̌m á tyêl metié maá ɨ́ yé ɛ́? Nye á tyêl mé ó, ɨ́ lɔ̌b bísyɛ́ɛla bí ébébe, lɨ́ esú é mâ jɔʼ, tó swîʼ ɨ́ jɔʼ ntâ mé Abraham waá ónzě mpʉ̌ Nzyɛ̌m á kɛʼ yɨ́. Nye á tyêl bʉr metié maá ó, lɨ́ enyɛɛ́ tímle bééngeles bé mǎ; bɨ́ɛ kǎ nzě dwe mesaádɔm.

Yʉanes 3:36

Mʉr dí edyɛ̂ʼwo e mwân waá nyá ó ngá bǐ twǐʼ njʉ̌m dǐ. Mʉr dí adyɛ̂ʼwo e né nyá, nye ákóʼó bǐ twiʼ yaá. Nyɨ́haá ójaʼra e nkpaǎ Nzyɛ̌m ngá lɛ̂ʼle nyé nyɨ́.»

1 Yʉanes 3:4

Mʉr nyɨnyɛ̂h dí esâ syóm nyá, nye lɨ́ egbah étié mé Nzyɛ̌m. Syóm wɨ́ɛ, wé ó egbah métié.

Éfɛsɔs 5:6

Mʉ̌r sá adímle bɨ́n e nzɨ̌ lwǐb dí abe e nyɔm yɨ́. Bisyɛ́ɛla bí ébébe bínɨ̌ ó ngá sâ ó, Nzyɛ̌m lɛ̂ʼlaa nkpaa nyé kwá bʉr o dí egbɔba e né bá.

Yʉanes 15:22

Yé bé me á bé anzě lwib e bé nó, lɛ́ɛ́, bé á bé agwá be e misyóm. Nó ó, ɨ́ báánâ, bé akǎ be e nkar ɨ́ lɔ̌b mísyóm myɔ́ɔ́.

Kolosi 3:6

Bisyɛ́ɛla bí ébébe byaá ó ngá sâ ó, Nzyɛ̌m lɛ̂ʼlaa nkpaa nyé.

Rôm 1:17

Mbɨambɨa Lɔ́ɔ waá, wé lɛ́ʼlé ó, mpʉ̌ Nzyɛ̌m dí edwe bʉ̂r nkam ɨ́ míh mé yɨ́. Yé tááré ó, ɨ́ búʼó, tó swîʼ ɨ́ búʼó. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Tîtyěl mʉr ótiʼe ó, ɨ́ búʼó.»

Mɨngwiha 19:15

Pasoŋ dí njebá ɨ́ bábla bábla ɨ́ lya lyá lyá yɨ́, nye á duho nye ó, ɨ́ num, ebě, nye óŋmɛ̂h bíkúl bíbyɛ̂h e tɨ̂. Nye ópɨpála bé ó e nkul jwɨ́ɨ ɨ́ lele lele mpʉ̌ súmǔ nkóho. Nye ómân bé mpʉ bé dí emân mpúmó ɨ́ pǎr yɨ́. Nó yé dí elɛ̂ʼle ó, mpʉ̌ lémé mé Nzyɛ̌m, Nzyɛ̌m nkul nyɨnyɛ̂h, wé á ka lóno ɨ́ nkpaa yɨ́.