Rôm 4:13 - Kálar Nzyɛ̌m : Ejwán é Sáá

¹³ Nzyɛ̌m á kɛʼ Abraham, bé le onta bé ó, nye ódwe bé sí yɨ́yɛ̂h, jala e nkɔb líʼe nyɔ́ɔ́. Nzyɛ̌m á bé alɛ́ɛ nó ɨ́ lɔ̌b mbaʼlá Abraham á baʼle metié wɨ́. Nye á kɛʼ bé sí yaá ó, duho lɨ́ otîtyěl nyé á pa dwe Abraham wɨ́. Otîtyěl waá wɨ́ɛ, wé á kʉ be ó, ɨ́ búʼó yé.

Kálara Zyɛ̌m Edwán é mpʉ̌n

¹³ Zyɛm a kɛʼ Abraham bé e l'onta be ó, nye ódwe be si nwaʼ nyiwɛh, jala e nkɔb wɔɔ. Nye a baalɛɛ no ebe mbi Abraham a du motie me e. Nye a liʼe be e boo nɔɔ e nkɛʼ waa ó, ebe mokebe nye a láa ó, Abraham mu e me, maa nye a bi ebe taa buʼo nye a jyɛʼ boo Zyɛm ɨ.

Rôm 4:13 ပူးပေါင်းရင်းမြစ်များ

Galásia 3:29

Yé bé bɨ̌n bé lɨ́ egúmo e Krîst nó, lɛ́ɛ́, bɨ̌n ntémé bé ó bwá bé ónta mé Abraham. Bɨ̌n ntémé bé ó bʉr o ngá bi ménkɔb ɨ́ mbɨambɨa bisá Nzyɛ̌m á kɛʼ Abraham bí bá.

Rôm 9:8

Tó kœb ó, ɨ́ bím bwân Abraham á byâ bá, bɨ́bɛ̂h, bé abe bwán mé Nzyɛ̌m. Nzyɛ̌m á lɛ́ɛ ó, bwán ómpâ bé, bé ó baá bé á byɛ̂l mpʉ̌ Nzyɛ̌m á kɛʼ Abraham yɨ́.

Mɨlʉmlʉ 13:32

Bɨ̌h bʉr o tɨ̂ʼ mû ó lɨ́ elɛ́ɛ bɨ́n Mbɨambɨa Lɔ́ɔ waá. Wé ó nɛ́ɛ: sá Nzyɛ̌m á kɛʼ bimpám gá bíná yɨ́,

Rôm 4:12

Nye ntémé, nye ó sɔ́ŋ mpám lɨ́ esú é baá o dí etíʼɔɔ mpʉ́n bá. Sâ gwár, ntʉ waá dí etíʼɔɔ̌ njɨ mpʉ́n nyá dí mâ nta mé Abraham. Yé ó, waá dí etíʼɔɔ mpʉ́n, le edû ntémé kʉ̌ tyen wé nyá. Nye lɨ́ edyɛ̂ʼwo e Nzyɛ̌m mpʉ̌ Abraham á dyɛ̂ʼwo e né, nye dína apǎ tíʼɔɔ mpʉ́n yɨ́.

Ebrœ̂ 7:6

Tó kœb ó, Mɛlkisédɛk á bé abe mʉ̂r onzweh mé Levî. Damá jóʼo nó, Mɛlkisédɛk waá á be ó sí dî Abraham ó, Abraham dwêʼ nye nkɔb bisá bíbyɛ̂h nyé ngá bi bí, jala e nkɔb mpwár ɨ́ menkɔb kám. Mɛlkisédɛk ntɔ̂ʼ syɛɛ Abraham metyéelé, nyɨɛ mʉr á pa bi menkɛ̌ʼ mé Nzyɛ̌m nyá.

Ebrœ̂ 11:7

Ɨ́ lɔ̌b búʼó, Nóe á si jóʼo Nzyɛ̌m jɔʼ nyé á cɨ̂l nye ɨ́ lɔ̌b sá yé á be ó, yé ósyɛ́ɛ yɨ́. Nye dína apǎ bee yé e dîh, nye nzě gbâ lwǐb mé Nzyɛ̌m yaá ɨ́ dúu, ntɔ̂ʼ kpaʼ byɛ̂l, dû mpʉ̌ Nzyɛ̌m á tɨ́e ó, nye sâʼ yɨ́. Nye nzě nî tɨ̂, bé e mbɛ̌r bʉ̂r wé, bɨ́bɛ̂h ntɔ̂ʼ tíʼe. Ɨ́ lɔ̌b búʼó yé ó nyé á lɛ̂ʼle ó, syɛ́ɛla bʉ́ʉ́ bʉ̂r, bé á sâ yɨ́, yé á be ɨ́ bébe yɨ́. Bɨ́ɛ bé á bé adyɛ̂ʼwo e Nzyɛ̌m. Nye á bi nkam ó, tâŋ nkɔb nyé, ɨ́ lɔ̌b búʼó yé.