Rôm 4:12 - Kálar Nzyɛ̌m : Ejwán é Sáá

¹² Nye ntémé, nye ó sɔ́ŋ mpám lɨ́ esú é baá o dí etíʼɔɔ mpʉ́n bá. Sâ gwár, ntʉ waá dí etíʼɔɔ̌ njɨ mpʉ́n nyá dí mâ nta mé Abraham. Yé ó, waá dí etíʼɔɔ mpʉ́n, le edû ntémé kʉ̌ tyen wé nyá. Nye lɨ́ edyɛ̂ʼwo e Nzyɛ̌m mpʉ̌ Abraham á dyɛ̂ʼwo e né, nye dína apǎ tíʼɔɔ mpʉ́n yɨ́.

Kálara Zyɛ̌m Edwán é mpʉ̌n

¹² Nye nteme óbe ó sɔŋ é l'efu e bʉr o ndɨ ejyɛʼ taa buʼo yɔɔ boo Zyɛm é jɔʼ bé ndɨ si saŋɔ mpʉn ɨ. Bé abe lé esaŋɔ mpʉn nye ome. Bé ó baa ndɨ esaŋɔ mpʉn ndwe le ekœʼ ebò e cyen mo Abraham, laa nye a kœʼ, nye l'apa saŋɔ mpʉn ɨ.

Rôm 4:12 ပူးပေါင်းရင်းမြစ်များ

1 Pyɛr 2:21

Nzyɛ̌m á jébe bɨ̌n ó, bɨ̌n sâʼ nye syɛ́ɛla yaá ó, ebě, Krîst mʉr tɨ̂ʼ á si sia e mitúú lɨ́ esú é nyɔm wɨ́n. Ɨ́ tɨ̂ʼ, nye á si lɛ̂ʼle bɨ̌n mveʼle bɨ́n jálá le edû yɨ́. Nye á sâ nó ó, bɨ̌n nkʉ̂ dû mébo mé. Yê cɛmá ɨ́ Mekaná mé Nzyɛ̌m ó:

2 Korɛnt 12:18

Me á si jɨʼla e Títos, bé e mɨ́ɔɔ́ wɨ́h ó, bé tôʼ kwá nyɨ́n ɨ́ menɔɔlʉ. Nzê Títos á si nʉa bɨ̌n yʉ́ʉ́ sɔ̂ʼ ɛ̌? Nzê bɨ̌h e nɔ́ɔ́, bé á bé adû kʉ̌ tyen ngwár, e miléme jwɨʼ gwár e gwár ɛ́? Nye á bé adû ébo lâm ɛ̌?

Mataos 3:9

Ayɨ́ jwɨʼ gá ɨ́ milémé mín ó: “Ɨ́ páʼ gá wɨ́ná, mɨná gá bɨɛ, bé e sɔ́ŋ ó, Abraham,” ebě, mě lɛ́ɛ́ bɨ́n ó, Nzyɛ̌m óbɛ̌m liŋ mékóʼ mâʼ bwá mé Abraham!

Rôm 4:11

Tíʼá mpʉ́n, wé á tyélɔɔ ɨ́ páʼ mé Abraham ó, mpʉ̌ mveʼle. Wé lɨ́lɛ́ʼlé mɨ́ná gá ó, nye á si dyɛ̂ʼwo e Nzyɛ̌m, ntɔ̂ʼ bi nkâm ɨ́ míh mé Nzyɛ̌m, nye dína apǎ tíʼɔɔ mpʉ́n. Abraham ntɔ̂ʼ kǎ sûʼla sɔ́ŋ bʉr bɨ́bɛ̂h dí edyɛ̂ʼwo e Nzyɛ̌m, baá dí abě tíʼá mpʉ́n bá. Nzyɛ̌m, nye lɨ́ ebeě mpʉ bé dí ebúʼla nyé yɨ́, ntɔ̂ʼ láa ó, bé ó otîtyěl o bʉ̂r.

Rôm 4:13

Nzyɛ̌m á kɛʼ Abraham, bé le onta bé ó, nye ódwe bé sí yɨ́yɛ̂h, jala e nkɔb líʼe nyɔ́ɔ́. Nzyɛ̌m á bé alɛ́ɛ nó ɨ́ lɔ̌b mbaʼlá Abraham á baʼle metié wɨ́. Nye á kɛʼ bé sí yaá ó, duho lɨ́ otîtyěl nyé á pa dwe Abraham wɨ́. Otîtyěl waá wɨ́ɛ, wé á kʉ be ó, ɨ́ búʼó yé.