Rôm 4:11 - Kálar Nzyɛ̌m : Ejwán é Sáá

¹¹ Tíʼá mpʉ́n, wé á tyélɔɔ ɨ́ páʼ mé Abraham ó, mpʉ̌ mveʼle. Wé lɨ́lɛ́ʼlé mɨ́ná gá ó, nye á si dyɛ̂ʼwo e Nzyɛ̌m, ntɔ̂ʼ bi nkâm ɨ́ míh mé Nzyɛ̌m, nye dína apǎ tíʼɔɔ mpʉ́n. Abraham ntɔ̂ʼ kǎ sûʼla sɔ́ŋ bʉr bɨ́bɛ̂h dí edyɛ̂ʼwo e Nzyɛ̌m, baá dí abě tíʼá mpʉ́n bá. Nzyɛ̌m, nye lɨ́ ebeě mpʉ bé dí ebúʼla nyé yɨ́, ntɔ̂ʼ láa ó, bé ó otîtyěl o bʉ̂r.

Kálara Zyɛ̌m Edwán é mpʉ̌n

¹¹ Sɛa mpʉn, wé a cyelɔ é nko paʼ mo Abraham ó, mpʉ dweʼle. Wé a be ó dweʼle, sa lé elɛʼle ó, nye a be ó si bi mokebe ebe taa buʼo nye a jyɛʼ boo Zyɛm ɨ, nye l'apa saŋɔ mpʉn. Zyɛm a dwe nye mokebe no ó, nye nkʉʼ be sɔŋ é l'efu e bʉr bɨbɛh ndɨ ejyɛʼ taa buʼo yɔɔ boo nye, baa l'apa saŋɔ mpʉn ɨ. Nye enʉa be e boo nɔɔ mpʉ ocɨcyel o bʉr.

Rôm 4:11 ပူးပေါင်းရင်းမြစ်များ

Rôm 3:22

Nzyɛ̌m mû kǎ dwe bʉ̂r nkam ɨ́ míh mé ó, njɨ ɨ́ mbûʼlá bé dí ebúʼlǎ Yésʉs-Krîst wɨ́. Nzyɛ̌m á kar nzɨ̌ nyaá ó, lɨ́ esú é baá bɨ́bɛ̂h dí ebúʼla nyé bá, ebě, bʉr bɨ́bɛ̂h, bé ó jwɨʼ gwár.

Lʉkas 19:9

Nó ó Yésʉs á nze lɛ́ɛ e né ó: «Mbɛ̌r bʉ̂r wɨ̂, wɨ́ tiʼe mûh, ebě, mʉr nyâʼ ntémé, nye ó nta mé Abraham.

Ebrœ̂ 11:7

Ɨ́ lɔ̌b búʼó, Nóe á si jóʼo Nzyɛ̌m jɔʼ nyé á cɨ̂l nye ɨ́ lɔ̌b sá yé á be ó, yé ósyɛ́ɛ yɨ́. Nye dína apǎ bee yé e dîh, nye nzě gbâ lwǐb mé Nzyɛ̌m yaá ɨ́ dúu, ntɔ̂ʼ kpaʼ byɛ̂l, dû mpʉ̌ Nzyɛ̌m á tɨ́e ó, nye sâʼ yɨ́. Nye nzě nî tɨ̂, bé e mbɛ̌r bʉ̂r wé, bɨ́bɛ̂h ntɔ̂ʼ tíʼe. Ɨ́ lɔ̌b búʼó yé ó nyé á lɛ̂ʼle ó, syɛ́ɛla bʉ́ʉ́ bʉ̂r, bé á sâ yɨ́, yé á be ɨ́ bébe yɨ́. Bɨ́ɛ bé á bé adyɛ̂ʼwo e Nzyɛ̌m. Nye á bi nkam ó, tâŋ nkɔb nyé, ɨ́ lɔ̌b búʼó yé.

2 Korɛnt 1:22

Nye ntémé, nyɨ́ gbâ sitâm yé ɨ́ mɨná gâ. Nye á nyɛɛ ntɨh mɨná gá Sísǐm wé, dil wé ɨ́ milémé gá míná ó, mpʉ̌ jwɨʼ dí elɛ̂ʼlě mbɨambɨa metʉ́m nyé dí ekomo mɨ́ná gá má yɨ́.

Filipi 3:9

Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

Éfɛsɔs 4:30

Mʉr agbâ gá Sísǐm mé Nzyɛ̌m ebúʼ ɨ́ léme. Sísǐm waá, wé ó mpʉ̌ jwɨʼ nyé á gbâ ɨ́ bɨ̌n yɨ́. Nzyɛ̌m á gbâ bɨ̌n jwɨʼ yaá ó, bɨ̌n nkʉ̂ gʉ́a tɨ̂ʼ ó, nye ótáǎ góo, le edwih bɨ́n ɨ́ mpila ébébe, pɛʼ bɨ́n ɨ́ fá.

Éfɛsɔs 1:13

Bɨ̌n ntémé, táare ɨ́ jɔʼ bɨ́n á túnɔɔ lɔ́ɔ dí tyeetye wɨ́ yɨ́, bɨ̌n nzě táare ébûʼla wê, kumǒ kumáa mûh, gʉ́a ntémé ó, wé ó Mbɨambɨa Lɔ́ɔ dí etiʼ bɨ́n wɨ́. Le bɨ́n á bûʼla Mbɨambɨa Lɔ́ɔ waá, lě Nzyɛ̌m ntɔ̂ʼ á ntɨh bɨ̌n Sísǐm wé nyé á boo kɛʼ wɨ́. Sísǐm wé waá ó dí dweʼle kwá nyɨ́n, sá dí elɛ̂ʼle ó, bɨ̌n bé ó bʉr bé, ánta nye yɨ́.

Galásia 6:16

Bʉr bɨ́bɛ̂h o dí edû nzɨ́ nyɨ̂ʼ bá, bé ó dí ɨ́ mpǎŋ bʉr o b'Ɨ́zraɛ̂l mé Nzyɛ̌m. Nzyɛ̌m gbâʼ bé mepyɛbla ɨ́ miléme. Nye jɨ́ʼɨɨ bé nkoó.

Galásia 5:5

Bɨ̌h bɨɛ, bé á si dyɛ̂ʼwo e Nzyɛ̌m. Nyɨ́ gbâ bɨ́h mpûʼla ɨ́ miléme ó, nye ódwe bɨ́h nkam. Bɨ̌h bé e mpûʼla nyaá ó e nzɨ̌ Sísǐm mé Nzyɛ̌m.

Galásia 3:29

Yé bé bɨ̌n bé lɨ́ egúmo e Krîst nó, lɛ́ɛ́, bɨ̌n ntémé bé ó bwá bé ónta mé Abraham. Bɨ̌n ntémé bé ó bʉr o ngá bi ménkɔb ɨ́ mbɨambɨa bisá Nzyɛ̌m á kɛʼ Abraham bí bá.

Galásia 3:22

Gúmo yaá ó Mékaná mé Nzyɛ̌m dí elɛ́ɛ ó, bʉr ó sí yɨ̂ʼ bɨ́bɛ̂h, bé ɨ́ jwɨ́ɨ́ syóm yɨ́. Syóm wɔ́ɔ́, wé á si kâʼ bɨ́bɛ̂h menkara. Sâ gwár, Nzyɛ̌m dwe nkɛ́ʼ nyé ó, ɨ́ baá bɨ́bɛ̂h dí edyɛ̂ʼwo e Yésʉs-Krîst bá. Nyě dwé bé nyǎ ó, njɨ ɨ́ lɔ̌b búʼó yaá.

Galásia 3:7

Gʉ́ŋáá gá bé ó, bʉr o dí edyɛ̂ʼwo e Nzyɛ̌m bá, bé ó dí bwán mé Abraham.

Rôm 10:11

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Mʉr nyɨnyɛ̂h ngá dyɛ̂ʼwo e né nyá, nye ásɔ́ma.

Rôm 10:6

Tó kœb ó, yé e nzɨ̌ swîh ebi nkâm ɨ́ míh mé Nzyɛ̌m. Bʉr o dí ebúʼla nyé bá, bé ó dí ecɨɨ tɨ̂, ntɔ̂ʼ bi nkâm nyaá mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Sá alɛ́ɛ ɨ́ lémé gô tʉ́ŋlʉ̌ ó: Nzé óbére ɨ́ jʉ́o kʉ́? (Nó yé lɛ́ɛ́ ó: mʉ̌r sá apahle ó, yé e nyʉ́ʉ́ mʉ̂r óbére ɨ́ jʉ́o kʉ́, lɨ́ etó jébě Krîst, ó nye súlaa sí nyá.)

Rôm 10:4

Mě lwib nó ó, ebě, Krîst á si gbâ nkǎ-ti ɨ́ nzɨ̌ metié, lɨ́ ekamle bʉ̂r lɨ́ ebáʼǎ cɨɨ tɨ̂. Nye á sâ nó ó, lɨ́ esú é bʉ̂r o ngá bi nkâm ɨ́ míh mé Nzyɛ̌m bá, bé díʼee baá bɨ́bɛ̂h dí edyɛ̂ʼwo e né bá.

Yʉanes 6:35

Yésʉs, nye e bé ó: «Me ó dí mede dí etiʼ bʉ̂r má. Mʉr nyɨnyɛ̂h dí enze kwá nyǎm nyá, nyé abe e nkul ekǎ jóʼo nzâ. Mʉr nyɨnyɛ̂h dí edyɛ̂ʼwo e me nyá, nyé abe e nkul ekǎ jóʼǒ dwéh médíbé.

Mɨngwiha 9:4

Sâ gwár, bé á bé adweŋɔɔ nkûl epɨ̂ʼ bíká, nkʉ̂ bilɨ́, nkʉ̂ mempeʼ. Bé á jaa lʉlʉ̂ ó, njɨ bʉr. Abe ntémé bʉr bɨ́bɛ̂h, njɨ baá bé á be abe e bijwɨʼ mé Nzyɛ̌m ɨ́ mempǒm bá.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

Rôm 9:30

Mpʉ yé dí nó yɨ́, mɨná bé ókǎ lɛ́ɛ gá nyá? Nzyɛ̌m lɛ́ɛ́ yé, dumo e bʉr o dí abe óYúden bá? Bʉr o b'á be asáa nzɨ̌ ebi nkâm ɨ́ míh mé Nzyɛ̌m bá, bé ó b'á ka bi nkam ɨ́ míh mé. Sâ gwár, bé á si dweŋɔɔ mbi nkâm dí edweŋɔɔ ɨ́ lɔ̌b búʼó nyɨ́.

Rôm 9:6

Yé bé bɨ́ɔɔ́ bâm, bé mû ó e meswomlʉ nó, yé alɛ́ɛ yɨ́ɛ ó, Nzyɛ̌m á bé adira nkɛ́ʼ nyé. Ntʉ óYúden bɨ́bɛ̂h dí mpǎŋ kúl bʉ̂r o b'Ɨ́zraɛ̂l.

Rôm 3:26

Nó ó, ɨ́ báánâ, nyɨ́ kǎ lɛ̂ʼle bʉ̂r ó, nye mʉr tɨ̂, nye ó tîtyěl mʉr. Nyě dwé nkâm ó, bʉr o dí edyɛ̂ʼwo e Yésʉs bá.

Yʉanes 8:33

Bé e né ó: «Bɨ̌h bé ó onta mé Abraham. Bɨ̌h bé apǎ di bítúʼǎ bi bʉ̂r. Gǒ e nkul elɛ́ɛ e bɨ̌h ó, bɨ̌h, bé ódi ónzyɛh o bʉ̂r e wáǎ mbi nzɨ́?»

Yʉanes 6:47

Mě lɛ́ɛ́ bɨ́n lɨ́ otyeetye ó, mʉr dí edyɛ̂ʼwo e me nyá, nyɨ́ bǐ twǐʼ njʉ̌m dǐ.

Yʉanes 6:40

Ebě, Sɔ́ŋ wǎm gwɨ́m ó, bʉr bɨ́bɛ̂h ngá bee Mwân wé, dyɛ̂ʼwo e né bá, bé níʼee ɨ́ twǐʼ njʉ̌m dǐ. Mɛm, me ópɛh bé ɨ́ móhó ésúʼlá é sí yɨ̂.»

Yʉanes 3:36

Mʉr dí edyɛ̂ʼwo e mwân waá nyá ó ngá bǐ twǐʼ njʉ̌m dǐ. Mʉr dí adyɛ̂ʼwo e né nyá, nye ákóʼó bǐ twiʼ yaá. Nyɨ́haá ójaʼra e nkpaǎ Nzyɛ̌m ngá lɛ̂ʼle nyé nyɨ́.»

Mataos 16:16

Simon Pétrus ntɔ̂ʼ yala ó: «Go ó Mʉ̌r Nzyɛ̌m á lœm múló mé jwɨ́ɨ nyá. Go ó Mwân mé Nzyɛ̌m dí kublakúbla nyá.»

Mataos 8:11

Mě lɛ́ɛ́ bɨ́n lɨ́ otyeetye ó, bʉr ɨ́ buo buo, bé óduhǒ nko dʉ́o dí ejɨma le nko dʉ́o dí ejâ yɨ́. Bé onî ɨ́ Mpóʼo mé Dâ Nzyɛ̌m, ntɔ̂ʼ nʉa bídiá byɔ́ɔ́ ɨ́ dína, bé le Abraham, Isaac le Yákɔb.

Rôm 9:33

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Jwɛ́ʼɛ́ɛ́ gâ! Ɨ́ Síon, mɨ́ gbâ ébɔ̌ʼ ɨ́ nzɨ̌. Bʉr o ngá bɨm ébɔ̌ʼ laá bá, bé ócwe. Tó kœb ó, mʉr nyɨnyɛ̂h ngá dyêʼ koo le ekóʼ laá nyá, lé ákóʼó sâ ó, nye bíʼee esɔ́m tɨ̂.

Yʉanes 3:33

Mʉr nyɨnyɛ̂h dí ekǎm mboʼlá wé nyá, nyě lɛ́ʼlé tɨ̂ʼ ó, Nzyɛ̌m ó dí le otyeetye.

Rôm 3:30

Ebě, Nzyɛ̌m, nye ó njɨ ngwár. Ɨ́ páʼ bʉ̂r o b'á tíʼɔɔ mpʉ́n bá, nyě dwé bé nkam ó, ɨ́ lɔ̌b búʼó yɔ́ɔ́. Bʉr o dí abě tíʼá mpʉ́n bá, bé lɨ́ ebi nkâm ntémé ó, ɨ́ lɔ̌b búʼó yɔ́ɔ́.

Rôm 4:10

Ɨ́ yáǎ jɔ̌ʼ Nzyɛ̌m á bee mpʉ̌ Abraham á dyɛ̂ʼwo e né yɨ́, ntɔ̂ʼ láa ó, nye ó tîtyěl mʉr yɨ́ ɛ́? Nzê yé á be ó, ɨ́ jɔʼ nyé á bě sí tíʼɔɔ mpʉ́n yɨ́ ɛ́? Nzê yé á be ó, ɨ́ jɔʼ nyé á be apǎ tíʼɔɔ mpʉ́n yɨ́ ɛ́? Nzyɛ̌m á bee mpʉ Abraham á dyɛ̂ʼwo e né yɨ́, ntɔ̂ʼ láa ó, nye ó tîtyěl mʉr ó, ɨ́ jɔʼ nyé á be, nye dína apǎ tíʼɔɔ mpʉ́n yɨ́.