Rôm 4:10 - Kálar Nzyɛ̌m : Ejwán é Sáá

¹⁰ Ɨ́ yáǎ jɔ̌ʼ Nzyɛ̌m á bee mpʉ̌ Abraham á dyɛ̂ʼwo e né yɨ́, ntɔ̂ʼ láa ó, nye ó tîtyěl mʉr yɨ́ ɛ́? Nzê yé á be ó, ɨ́ jɔʼ nyé á bě sí tíʼɔɔ mpʉ́n yɨ́ ɛ́? Nzê yé á be ó, ɨ́ jɔʼ nyé á be apǎ tíʼɔɔ mpʉ́n yɨ́ ɛ́? Nzyɛ̌m á bee mpʉ Abraham á dyɛ̂ʼwo e né yɨ́, ntɔ̂ʼ láa ó, nye ó tîtyěl mʉr ó, ɨ́ jɔʼ nyé á be, nye dína apǎ tíʼɔɔ mpʉ́n yɨ́.

Kálara Zyɛ̌m Edwán é mpʉ̌n

¹⁰ É yáa jɔʼ Zyɛm a bee buʼo mo Abraham, ntɔʼ nʉa nye mpʉ cɨcyel mʉr ɨ? Zê yé a be ó jɔʼ nye a be si sil saŋɔ mpʉn ɨ? Zê yé a be ó jɔʼ nye a baapa saŋɔ mpʉn ɨ? Yé a be ó jɔʼ nye a baapa saŋɔ mpʉn ɨ!

Rôm 4:10 ပူးပေါင်းရင်းမြစ်များ

Galásia 6:15

Yé asyɛ́ɛlǎ sɔ̂ʼ nkʉ̂ mʉr, nyɨ́ tíʼɔɔ mpʉ́n, nkʉ̂ nyé atíʼɔɔ nyê. Bwaʼbwǎʼ sɔ̂ʼ, yé ó njɨ twiʼ édwán Nzyɛ̌m dí edwe mɨ́ná gá yɨ́.

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.

Rôm 4:9

Nzê metyɛʼ me mpóm maá, mé jaá be ó, njɨ lɨ́ esú é bʉ̂r o b'á nyɛɛ tíʼɔɔ mpʉ́n bá ɛ́? Heʼé, bʉr o dí abě tíʼá mpʉ́n bá, bɨ́ɛ ntémé ósʉŋɔɔ métyɛʼ me mpóm, ebě, bɨ̌h alúno lɛ́ɛ ó, Abraham á si dyêʼ koo e Nzyɛ̌m. Nzyɛ̌m nzě beě mpʉ̌ Abraham á dyɛ̂ʼwo e né yɨ́, nye ntɔ̂ʼ láa ó, Abraham, nye ó tîtyěl mʉr.

Rôm 4:11

Tíʼá mpʉ́n, wé á tyélɔɔ ɨ́ páʼ mé Abraham ó, mpʉ̌ mveʼle. Wé lɨ́lɛ́ʼlé mɨ́ná gá ó, nye á si dyɛ̂ʼwo e Nzyɛ̌m, ntɔ̂ʼ bi nkâm ɨ́ míh mé Nzyɛ̌m, nye dína apǎ tíʼɔɔ mpʉ́n. Abraham ntɔ̂ʼ kǎ sûʼla sɔ́ŋ bʉr bɨ́bɛ̂h dí edyɛ̂ʼwo e Nzyɛ̌m, baá dí abě tíʼá mpʉ́n bá. Nzyɛ̌m, nye lɨ́ ebeě mpʉ bé dí ebúʼla nyé yɨ́, ntɔ̂ʼ láa ó, bé ó otîtyěl o bʉ̂r.