Rôm 3:9 - Kálar Nzyɛ̌m : Ejwán é Sáá

⁹ Mɨná bé ólɛ́ɛ gá nyá? Nzê bɨ̌h oYúden ó dí elaa bʉ́ʉ́ bʉ̂r ɛ̌? Heʼé, yé abá be nó. Me bé ó sí lɛ̂ʼle ɨ́ kpɛŋlɛm ó, oYúden ti e bʉr o dí abe óYúden bá, bé e mebě. Syóm, wé ó dí ejwɨ́ɨ bɨ́bɛ̂h.

Kálara Zyɛ̌m Edwán é mpʉ̌n

⁹ Yé be no nɛʼɛ, zê bɨh oYʉden o ndɨ elaa bʉʉ bʉr é mih mo Zyɛm? Hɨʼɨ, yé abe ba no. Me be ó si dwe oYʉden ndwe e bʉr o ndɨ abe oYʉden ɨ, mobe. Mɨsyem myɔɔ, myé ejwɨʼ ó bɨbɛh.

Rôm 3:9 ပူးပေါင်းရင်းမြစ်များ

Galásia 3:22

Gúmo yaá ó Mékaná mé Nzyɛ̌m dí elɛ́ɛ ó, bʉr ó sí yɨ̂ʼ bɨ́bɛ̂h, bé ɨ́ jwɨ́ɨ́ syóm yɨ́. Syóm wɔ́ɔ́, wé á si kâʼ bɨ́bɛ̂h menkara. Sâ gwár, Nzyɛ̌m dwe nkɛ́ʼ nyé ó, ɨ́ baá bɨ́bɛ̂h dí edyɛ̂ʼwo e Yésʉs-Krîst bá. Nyě dwé bé nyǎ ó, njɨ ɨ́ lɔ̌b búʼó yaá.

Rôm 6:15

Mɨná bé akǎ be gá ɨ́ mpila métié yaá tʉ́ŋlʉ̌, yé abe nó? Mɨná mû gá ó, bʉr o dí elɛ̂ʼlɔɔ mpâm mé Nzyɛ̌m bá. Mpʉ yé dí nó yɨ́, nzê mɨná bé ɨ́ jala le esɨ̂sa gá misyóm ɛ́? Heʼé, yé abá be nó.

Rôm 11:32

Nó ó, Nzyɛ̌m á si sâ ó, bʉr bɨ́bɛ̂h díʼee mikómó mí ébɨ̌h lɔ́ɔ́. Nye á sâ nó ó, lɨ́ esú ó, nye jɨ́ʼɨɨ bɨ́bɛ̂h nkoó.

Rôm 3:19

Mɨná bé lɨ́ egʉ́a gá ó, sá yɨ́yɛ̂h Mékaná mé Nzyɛ̌m dí elɛ́ɛ yɨ́, mé lɛ́ɛ́ yé ó, lɨ́ esú é bʉ̂r o b'á tyélɔɔ metié mé Nzyɛ̌m bá. Nyě tyél bé metié maá ó, lɨ́ esú lé épɨr bʉ̂r bɨ́bɛ̂h minum, le edwe bɨ́bɛ̂h mebě ɨ́ míh mé.

Filipi 1:18

Yé alɛ́ɛ mé sɔ̂ʼ. Me ó lɨ́ bisʉhʉʉ ɨ́ lɔ̌b waá, ebě, bé lɨ́ etúnǒ lɔ́ɔ́ mé Krîst. Wé mû ó lɨ́ etúnɔɔ e menzɨ̌ mɨ́mɛ̂h, damá jóʼo ó e nyaá mikóo, damá be ó e nyaá mpâ. Me óbáʼǎ tô dóló le esoho,

Galásia 3:10

Ebě, mʉ̂r sí bûʼla ó, Nzyɛ̌m ódwe nyé nkam ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, nyě e meswomlʉ, ebě, yê cɛmá ó: Mʉr nyɨnyɛ̂h dí abaʼle métié Mékaná mé Nzyɛ̌m mɨ́mɛ̂h nyá, nyě e meswomlʉ.

1 Korɛnt 14:15

Nó ó, me ósâ nyá? Me ójɨjɨʼla e Nzyɛ̌m e sísǐm wâm lɨ́ elwib báayogoyogo. Me ntémé, me ójɨʼla e né ó e pɨʼ nyǎm, ɨ́ lwǐb yâm. Me ódyɛɛ méjéme e sísǐm wâm. Me ódyɛɛ ntémé ó e pɨʼ nyǎm.

1 Korɛnt 10:19

Me lɛ́yɨɨ yé? Nzê tír á pa baŋɔɔ ɨ́ nzaá bikpɛʼkpɛ̂ʼ bí ónzyɛ̌m nyá, nye ó nó tyeetye ɛ̌? Nzê bikpɛʼkpɛ̂ʼ bí ónzyɛ̌m, byé ó tɨ̂ʼ tyeetye ɛ̌?

1 Korɛnt 4:7

Nzé nyɨɛ á bɨ̂r gua kʉ́, laa bʉ̂r bɨ́bɛ̂h ɛ̌? Yé gó dí e yé, gó á be abǐ biʼée yɨ́? Yé bé sá yɨ́yɛ̂h gó dí e yé yɨ́, go á bi yé ó, biʼée nó, gǒ nkʉ́ná mpʉ̌ sá lɛ́ɛ́, yé abě ndwéá ɨ́ yé?

Rôm 11:7

Nó, yê yé? Bʉr o b'Ɨ́zraɛ̂l, bé á bé abǐ sá bé á sɨsáa yɨ́. Baá Nzyɛ̌m á twâr bá bɨɛ, bé ó b'á bi yê. Baá bʉ́ʉ́ bɨ́bɛ̂h, milémé myɔ́ɔ́, myé á be ɨ́ buú lele lɨ́ ebúʼla.

Rôm 3:5

Bɨ̌n lɛ́ɛ́ ó: «Bisyɛ́ɛla bí ébébe mɨ́ná dí esâ gá bí, nyɔm tɨ̂ʼ, wé ó, bʉr béyɨɨ mpʉ̌ Nzyɛ̌m nyɨɛ dí tîtyěl yɨ́.» Mɨná bé ókǎ lɛ́ɛ gá nyá? Nzê Nzyɛ̌m, nyé abe e mebě ɨ́ jɔʼ nyé dwé mɨ́ná gá bintɨ́ʼá, duho ɨ́ nkpaa dí nye ɨ́ léme nyɨ́ yɨ́ ɛ́? (Gúmó mé dí elwǐb nɨ̌, mě lwǐb ó, ɨ́ mpʉ mínzɨnzɨ mi bʉ̂r dí epǎ lwib yɨ́.)

Rôm 1:18

Nzyɛ̌m, nyɨ́ lɛ̂ʼle mɨ́ná gá ɨ́ sʉ́lʉ́lʉ́, duho ɨ́ jʉ́o kʉ́ mpʉ nyé dí elɛ̂ʼle nkpáa, duho ɨ́ bibɨ́bla bísyɛ́ɛla bíbyɛ̂h yɨ́. Nye lɨ́ elɛ̂ʼle nkpáa ɨ́ lɔ̌b bʉ̂r o dí elwímla le otyeetye, jaá dudû njɨ bisyɛ́ɛla bi dí onzyɛ́h ónzyɛ́h bí bá.

Lʉkas 7:39

Nó ɨ́ jɔ̌ʼ Farizyɛ̂n á báŋle Yésʉs nyá, á bee syɛ́ɛla yaá yɨ́, nye ntɔ̂ʼ táare élwib ɨ́ lémé wé ó: “Yé bé mʉr nyâ, nyě tyeetye ó ngwíha milɔ̌b mé Nzyɛ̌m nó, lɛ́ɛ́, nyɨ́ gʉ́a ó, mʉmá dí ekúna e né nyâ, nye lɨ́ esâ syóm ɨ́ nwérédé.”

Rôm 2:1

Nó ó, gua, mʉr dí edwe bʉ̂r mebě nyá, gó abe e nkul ekar ɨ́ míh mé Nzyɛ̌m. Jɔʼ gó dwé bʉ̂r mebě yɨ́, num gô, wé lɨ́ edwe ntémé go mʉr tɨ̂ʼ mebě, ebě, gua yɨ́ɛ tîʼ milɔ̌b, gǒ jaá sâ ntémé ó, njɨ bisyɛ́ɛla bimpwár byaá.

Rôm 3:1

Yé bé nó wá, edi mʉ̂r Yúden, lé óbe gó e nyáa mpíh ɛ́? Lɨ́ etíʼɔɔ mpʉ́n, yé e nyáa mpíh?

Rôm 7:14

Mɨná bé lɨ́ egʉ́a gá ó, metié, mé ó sá dí eduho kwá mé Sísǐm mé Nzyɛ̌m yɨ́. Nó ó, twiʼ yâm yɨ́ɛ, yé duho ó, njɨ ɨ́ nkǒ páʼ nyʉ̂l bipúno. Mɨ́ boó dímlě dǐ ótî yâm. Nó ó mé á ka lîʼ e sɔ̂ʼ njɨ dǐ ótúʼǎ lɨ́ esú é mísyóm.