Rôm 3:8 - Kálar Nzyɛ̌m : Ejwán é Sáá

⁸ Bɨ̌n bé lɨ́ ekâr élɛ́ɛ ó: «Mɨná sâʼ gá ebébe, embɨa nkʉ̂ buo píe tɨ̂ʼ» ɨ́ yé? Bʉ́ʉ́ bʉ̂r, bé lɨ́ eswêʼ mé díe, lɨ́ elɛ́ɛ ó, bɨ̌h bé á si cɨ mekǎn maá. Nzyɛ̌m ódwe bʉ̂r baá mimbi bíntɨ́ʼá bi dí ejala e bé bí.

Kálara Zyɛ̌m Edwán é mpʉ̌n

⁸ Bɨn bɛɛ, bʉr o ndɨ elwib no e, ebe yé bɨn ndɨ aka to dolo lé elɛɛ nteme ó: «Bɨna saʼ ga ebebe, embɨa nkʉʼ buo pie tɨʼ» ɨ? Bʉʉ bʉr, bé efœʼ me é jɔʼ bé lé elɛɛ ó, me a si bana lɛɛ bɨsa mokan maa. Zyɛm ókab bʉr onɨ mɨmbi bɨntɨʼa lé ejala e be e!

Rôm 3:8 ပူးပေါင်းရင်းမြစ်များ

Rôm 6:1

Yé bé nó wá, mɨná bé ókǎ lɛ́ɛ gá nyá? Nzê mɨná tôʼ le esâ syóm dóló lɨ́ esú ó, Nzyɛ̌m lɛ̂ʼlaa mɨná gá mpam ɨ́ buo buo ɛ̌?

Rôm 6:15

Mɨná bé akǎ be gá ɨ́ mpila métié yaá tʉ́ŋlʉ̌, yé abe nó? Mɨná mû gá ó, bʉr o dí elɛ̂ʼlɔɔ mpâm mé Nzyɛ̌m bá. Mpʉ yé dí nó yɨ́, nzê mɨná bé ɨ́ jala le esɨ̂sa gá misyóm ɛ́? Heʼé, yé abá be nó.

Rôm 7:7

Yé bé nó wá, mɨná bé ókǎ lɛ́ɛ gá nyá? Nzê metié, mé ó mpúhlá e syóm ɛ́? Heʼé, yé abá be nó. Yé bé metié maá abe nó, lɛ́ɛ́, me á bé agʉ́ǎ sá dí syóm yɨ́. Yé bé mempéné maá alɛ́ɛ ó: Agwɨ̂m sá yé onkán nó, lɛ́ɛ́, me á bé agʉ́ǎ sá dí gwɨ́má sá yé onkán.

Rôm 5:20

Nzyɛ̌m á tyêl bʉr metié ó, lɨ́ esú ó, syóm, wé myɛ́maa. Syóm dí e bʉr wɨ́, wê nzě tô le emyaŋla. Damá be ó yé á si syɛ́ɛlɨ nó, ɨ́ jɔʼ gwár e gwár yaá ntémé ó Nzyɛ̌m á bu lɛ̂ʼle bʉr mpam nyé yɨ́.

Yʉ̂d 1:4

Bʉ́ʉ́ bʉ̂r, bɨ́ nî ɨ́ sɔ́má yɨ́n ɨ́ myaaa, bɨ̌n l'agʉ́a. Mekaná mé dí edwe bé mebě, le ekab bé bintɨ́ʼá má, mɨ́ boó cɛmɔɔ. Bɨ́ɛ bé ó minjéʼe-Nzyɛ̌m. Bé jaá gwɨ̂m ó, njɨ edirǎ nyɔm e mpam mé Nzyɛ̌m gá wɨ́ná, bé nkʉ̂ sâ bímolá nzam le ekomo. Bé ntémé, bé lɨ́ ekɛ́lǎ Yésʉs-Krîst. Nye omér ó dí Tyɛ̂b esôʼ le Tî gá wɨ́ná.

Mataos 5:11

Metyɛʼ me mpóm, mé díʼee e bɨ̌n ɨ́ jɔʼ bé ópya bɨ́n, le etíble bɨ́n, le elaʼ bɨ́n milɔ̌b mí ébébe mimbi mimbi ɨ́ lɔ̌b wâm yɨ́.

2 Korɛnt 6:8

ɨ́ jɔʼ bé dí edwe bɨ́h kûm nkʉ̂ sâ bɨ́h pyêh yɨ́, ɨ́ jɔʼ bé dí eswêʼ míé mɨ́h nkʉ̂ gúmlo bɨ́h yɨ́, ɨ́ jɔʼ bé dí eláa ó, bɨ̌h bé ó bʉr o dí edímle bʉ̂r e nzɨ̌ mikóo, bɨ̌h bɨɛ yɨ́ɛ olɛ́a bé ótyeetye bá yɨ́,

2 Korɛnt 11:15

Nó, yé abě mpǎŋ sá ékâm ó, osyɛ̂l o mésá bé, bé nyɨ́nɨɨ ó, bé ó osyɛ̂l o mésâ o dí otîtyěl o bʉ̂r bá. Ndumló wɔ́ɔ́, wé ódû ó mpʉ bísyɛ́ɛla byɔ́ɔ́, byé á be yɨ́.