Rôm 3:31 - Kálar Nzyɛ̌m : Ejwán é Sáá

³¹ Ɨ́ jɔʼ bɨ́h túnó búʼó gá yɨ́ná yɨ́, nzê bɨ̌h bé lɨ́ egbɛ́ɛ métié ɛ̌? Heʼé, yé abá be nó! Bɨ̌h lɨl métié maá ó, lɨlɨ́ɨ.

Kálara Zyɛ̌m Edwán é mpʉ̌n

³¹ É jɔʼ bɨh lé elɛɛ lɔɔ buʼo ga yina ɛ, zê bɨh bé lé egbɛɛ motie ɛ? Hɨʼɨ, yé abe ba no. Bɨh bé elɨl motie maa ó, lɨl lɨlɨ.

Rôm 3:31 ပူးပေါင်းရင်းမြစ်များ

Galásia 2:21

Mé apyêh mpâm mé Nzyɛ̌m. Mʉ̂r bé mbɨ̂mbɨá ɨ́ míh mé Nzyɛ̌m ɨ́ lɔ̌b mbaʼlá nyé dí ebaʼle métié wɨ́ nó, lɛ́ɛ́, Yésʉs-Krîst á kʉ dwe ó, kwahaá dwêh.»

Mataos 5:17

«Abûʼla gá ó, me á nze ó, nzě gbɛ́ɛ métié, nkʉ̂ gbɛ́ɛ mílɛ́ʼlá ógwíha o mílɔ̌b á dwe mí. Me á bé anzě gbɛ́ɛ. Me á nze ó, nzě lóŋlo.

1 Korɛnt 9:21

Yé ó jwɨʼ gwár ɨ́ jɔʼ mé dí e bʉr o b'á be apǎ tyélɔɔ métié bá yɨ́. Mě tiʼé e bé ó mpʉ mʉ̂r á be apǎ tyélɔɔ metié nyá. Mě sá nó ó, me nkʉ̂ dulo baá o dí abe e metié bá. (Lɨ́ otyeetye, mé adwih nyʉ̂l nyǎm ɨ́ mpila métié mé Nzyɛ̌m, ebě, me lɨ́ ebaʼle métié Krîst á tyêl mɨná gá má.)

Rôm 10:4

Mě lwib nó ó, ebě, Krîst á si gbâ nkǎ-ti ɨ́ nzɨ̌ metié, lɨ́ ekamle bʉ̂r lɨ́ ebáʼǎ cɨɨ tɨ̂. Nye á sâ nó ó, lɨ́ esú é bʉ̂r o ngá bi nkâm ɨ́ míh mé Nzyɛ̌m bá, bé díʼee baá bɨ́bɛ̂h dí edyɛ̂ʼwo e né bá.

Rôm 8:4

Nye á sia e bintɨ́ʼá ɨ́ nyʉ̂l nyé ó, nye nkʉ̂ lóŋlo ótîtyěl o bísyɛ́ɛla bíbyɛ̂h Nzyɛ̌m á boo lɛ́ɛ ó, bʉr sâʼ bí. Mɨná bi gá mepwaʼ bísyɛ́ɛla byé byaá ó, ebe mɨ́ná dí edû gá kʉ̌ tyěn Sísǐm mé Nzyɛ̌m dí etɨ́e wɨ́. Mɨná bé akǎ dû gá njwɨr myâ gá wɨ́ná.

Galásia 2:19

Ɨ́ páʼ métié maá, me ó múu tɨ̂. Metié maá, mé ó b'á jʉ̂ me, ó twiʼ yâm, yé jaá di, njɨ lɨ́ esú lé éséǎ Nzyɛ̌m syɛ́ɛ́. Ɨ́ jɔʼ bé á jʉ̂ Yésʉs-Krîst lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ yɨ́, me ntémé á si bomlɔɔ tɨ̂, bɨ̌h e nɔ́ɔ́.

Rôm 7:25

Mɨná dwêʼ gá Nzyɛ̌m nzyǒo ɨ́ nzɨ̌ mé Yésʉs-Krîst, Tî gá wɨ́ná. Yé ó mpʉ mé dí e nkul elɛ́ɛ ó: bijwɨʼ bí lémé wâm, byé kpɛl éséǎ syɛ́ɛ́ ó, yaá métié mé Nzyɛ̌m dí etɨ́e yɨ́. Njwɨr myâ wâm wɨ́ɛ jaá kam ó, njɨ me jóʼaa mpʉ̌ syóm dí ekpɛl ó, me sâʼ misyóm yɨ́.

Rôm 7:22

Lémé wâm wɨ́wɛ̂h, me lɨ́ ekʉ́ jóʼo bísʉhʉ lɨ́ epɨpahle métié mé Nzyɛ̌m.

Rôm 4:14

Yé bé bʉr o dí enʉǎ sí yaá, jala e nkɔb líʼe nyɔ́ɔ́ bá, bé á dweŋɔɔ yé ó, ɨ́ lɔ̌b mbaʼlá métié wɔ́ɔ́ nó, lɛ́ɛ́, búʼó gá yɨ́ná, yé mû ó dwêh. Le ntémé ó, nkɛ̌ʼ Nzyɛ̌m á dwe mɨná gá nyɨ́, nyé akǎ jala le egbáŋɔɔ ɨ́ nkɔb.

Rôm 3:4

Heʼé, yé abá be nó. Bʉr bɨ́bɛ̂h damá sâ bíbɛr, Nzyɛ̌m nyɨɛ́ jaá lóŋlo ó, njɨ lɔ́ɔ́ wé. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Gua Nzyɛ̌m, ɨ́ jɔʼ gó dí elwib yɨ́, bʉr bɨ́bɛ̂h, bé ókʉ́ gʉ́a ó, gǒ lɛ́ɛ́ ó otyeetye. Bé ósáa édwe gó mebě nó, go ójaá bi ó, njɨ nkam ɨ́ lɔ̌b waá.»

Mataos 15:6

Ɨ́ jɔʼ bɨ́n sá mbi waá yɨ́, bɨ̌n kʉ́ gbah náǎ ó, etié mé Nzyɛ̌m lɨ́ esú lé édû mín mílɛ́ʼlá ó tɨ̂ʼ yɨ́!

Mataos 5:20

Nó mě lɛ́ɛ́ bɨ́n ó: ótîtyěl wɨ́n, wé óbe, alaa waá óFarizyɛ̂n le olɛ̂ʼla o métié nó, bɨ̌n bé ákóʼó nî ɨ́ Mpóʼo mé Dâ.»

Mataos 3:15

Yésʉs nzě yala e né ó: «Bírɨ́ɨ, yé syɛ́yɨɨ nó, ebě, yé jala ó, mɨná lóŋlaa bisyɛ́ɛla bi dí ejala le esyɛ́ɛ bí, bíbyɛ̂h.» Yʉánɛs ntɔ̂ʼ kam.

Lʉkas 20:16

Mɛ̌m bee ó, nye ónzě jʉ̂ bílóbila byaá bíbyɛ̂h, nzě pɛ̂h bʉ̂r oswîh, nzě kǎ tímle bé pemé yaá.» Jɔʼ bʉ̂r bé á jóʼo nó yɨ́, bé ó: «Heʼé, yʉ́ʉ́ sɔ̂ʼ, yé ákóʼó syɛ́ɛ bá nó!»

Rôm 2:20

Gǒ lɛ́ɛ́ ntémé ó, go ó jálá le etwîn bígʉ́ʼ milʉ̂, le elɛ̂ʼle bwá ó ntwǒm. Gǒ lɨ́lɛ́ɛ́ ó, ngwɨ́á métié maá, wɨ́ dwe gó ocwóó le otyeetye wɨ́wɛ̂h.

Rôm 3:6

Heʼé, yé abá be nó. Yé bé Nzyɛ̌m, nye ó ontúl óntúl nó, nye á gwa tíʼe bʉr milɔ̌b nyá?