Rôm 3:30 - Kálar Nzyɛ̌m : Ejwán é Sáá

³⁰ Ebě, Nzyɛ̌m, nye ó njɨ ngwár. Ɨ́ páʼ bʉ̂r o b'á tíʼɔɔ mpʉ́n bá, nyě dwé bé nkam ó, ɨ́ lɔ̌b búʼó yɔ́ɔ́. Bʉr o dí abě tíʼá mpʉ́n bá, bé lɨ́ ebi nkâm ntémé ó, ɨ́ lɔ̌b búʼó yɔ́ɔ́.

Kálara Zyɛ̌m Edwán é mpʉ̌n

³⁰ ebe, Zyɛm, nye ó njɨ ngwar! É nko paʼ bʉr o b'a saŋɔ mpʉn ɨ, nye edwe be mokebe ó, ebe taa buʼo bé lé ejyɛʼ boo Zyɛm ɨ. Nye edwe mokebe nteme ó, bʉr o b'a baasaŋɔ mpʉn ɨ, ebe buʼo gwar yaa.

Rôm 3:30 ပူးပေါင်းရင်းမြစ်များ

Galásia 3:8

Bé á si boo cɛma ɨ́ Mekaná mé Nzyɛ̌m ó, bʉr o bíkûl biswîh, bé óbi nkâm ɨ́ míh mé Nzyɛ̌m ó, ɨ́ lɔ̌b búʼó yɔ́ɔ́. Mbɨambɨa Lɔ́ɔ́ wɨ̂, wé á nyɛɛ túnɔɔ ó, Abraham! Nzyɛ̌m á lɛ́ɛ e né ó: Me ósʉ bíkúl bíbyɛ̂h metyɛʼ mé mpóm ó, ɨ́ koo gô.

Galásia 3:20

Mesaádɔm, nyě títyɛ́b ɨ́ jɔʼ yɨ́yɛ̂h ó, páʼ menkɔ̌m mebá. Sâ gwár, ɨ́ jɔ̌ʼ Nzyɛ̌m á kɛʼ Abraham membɨa yɨ́, Nzyɛ̌m, nye á bé alómo éngeles, nkʉ̂ mʉr ó, nye díʼee mesaádɔm páʼ nyɔ́ɔ́ le Abraham. Nye á séa ó, nye omér.

Filipi 3:3

Mɨná gá bɨɛ ó dí e mpǎŋ tíʼá mpʉ́n, waá Nzyɛ̌m mʉr tɨ̂ʼ dí etíʼe wɨ́. Mɨná gá ó dí edwě Nzyɛ̌m kûm ɨ́ Sísǐm wé tʉ́ŋlʉ̌. Mɨná jaá nkʉ́na gá ó, njɨ ɨ́ Yésʉs-Krîst. Mɨná bé adyɛ̂ʼwo gá e bisyɛ́ɛla bi bʉ̂r ó sí yɨ̂.

Galásia 6:15

Yé asyɛ́ɛlǎ sɔ̂ʼ nkʉ̂ mʉr, nyɨ́ tíʼɔɔ mpʉ́n, nkʉ̂ nyé atíʼɔɔ nyê. Bwaʼbwǎʼ sɔ̂ʼ, yé ó njɨ twiʼ édwán Nzyɛ̌m dí edwe mɨ́ná gá yɨ́.

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.

Galásia 3:28

Sá tɨ̂ʼ ó dí akǎ buú syɛ́ɛlǎ sɔ̂ʼ páʼ óYúden le bwá ó bíkûl yɨ́. Gǒ damá bě túʼǎ, nkʉ̂ ntémé nzyɛh; damá be mʉ́má, nkʉ̂ mʉrʉ̂m, nzyɛ́ɛ́lá ntʉ́ʼ bá tɨ̂, ebě, bɨ̌n bɨ́ pûhla e Yésʉs-Krîst. Bɨ̌n bɨ́bɛ̂h mû kǎ di ó, tâŋ mʉr ngwár.

Rôm 3:28

Ebě, mbeá wɨ́h, wé ó, mʉ̌r Nzyɛ̌m dwé nkâm nyá, nye ó njɨ waá dí e búʼó nyá. Nyé abi nkâm ɨ́ lɔ̌b mbaʼlá métié.

Rôm 2:26

Mʉ̂r á be apǎ tíʼɔɔ mpʉ́n nyá, nyé báʼlé métié nó, Nzyɛ̌m óbee nyé ó, mpʉ̌ sá lɛ́ɛ́, nye ó tíʼá mpʉ́n.

Rôm 2:27

Mʉr bikûl dí abě tíʼá mpʉ́n ɨ́ nkǒ páʼ nyʉ̂l nyá, nyé báʼlé yɨ́ɛ metié nó, nye ódwe gó mebě, gua Yúden. Go á si ntɨhɔɔ mekaná métié. Go ntémé tíʼɔɔ mpʉ́n. Píe tɨ̂, go nzě gbah métié maá.

Rôm 3:22

Nzyɛ̌m mû kǎ dwe bʉ̂r nkam ɨ́ míh mé ó, njɨ ɨ́ mbûʼlá bé dí ebúʼlǎ Yésʉs-Krîst wɨ́. Nzyɛ̌m á kar nzɨ̌ nyaá ó, lɨ́ esú é baá bɨ́bɛ̂h dí ebúʼla nyé bá, ebě, bʉr bɨ́bɛ̂h, bé ó jwɨʼ gwár.

Rôm 4:9

Nzê metyɛʼ me mpóm maá, mé jaá be ó, njɨ lɨ́ esú é bʉ̂r o b'á nyɛɛ tíʼɔɔ mpʉ́n bá ɛ́? Heʼé, bʉr o dí abě tíʼá mpʉ́n bá, bɨ́ɛ ntémé ósʉŋɔɔ métyɛʼ me mpóm, ebě, bɨ̌h alúno lɛ́ɛ ó, Abraham á si dyêʼ koo e Nzyɛ̌m. Nzyɛ̌m nzě beě mpʉ̌ Abraham á dyɛ̂ʼwo e né yɨ́, nye ntɔ̂ʼ láa ó, Abraham, nye ó tîtyěl mʉr.

Rôm 4:16

Nzyɛ̌m á kɛʼ Abraham, bé le onta bé, sí yɨ̂ʼ ó, ɨ́ lɔ̌b búʼó Abraham á bûʼla nye yɨ́. Nkɛ̌ʼ nyaá, nye bé ó, ntinɨ̂ e ntinɨ̂ njʉ̌m dǐ e njʉ̌m dǐ. Yé á syɛ́ɛ nó ó, Nzyɛ̌m nkʉ̂ dwe bé nyǎ edwɛ́na. Nyě kɛ̌m ó, onta mé Abraham bɨ́bɛ̂h. Yé abe ó, nye á jaa dwe nkɛ̌ʼ nyaá ó, njɨ bʉr o dí ebaʼle métié bá. Nye á kɛʼ ntémé ó, bʉr o dí edyêʼ koo e né, baá o dí enwɨɨla le Abraham ɨ́ nkǒ páʼ búʼó bá. Ebě, Abraham, nye ó sɔ́ŋ gá wɨ́ná, mɨná gá óbɛ̂h. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó:

1 Timotɛ 2:5

Ebě, Nzyɛ̌m, nye ó njɨ ngwár. Nó ntémé, bʉr, bé ó njɨ e mesaádɔm ngwár dí páʼ bé e boo Nzyɛ̌m nyá. Nye mʉr tɨ̂, nye ó mʉr: Yésʉs-Krîst,