Rôm 3:27 - Kálar Nzyɛ̌m : Ejwán é Sáá

²⁷ Mpʉ yé dí nó yɨ́, nzê mʉr óbánǎ tô le enkʉ́na ɨ́ bisyɛ́ɛla byé nyé mʉr tɨ̂ʼ ɛ̌? Heʼé, yʉ́ʉ́ sɔ̂ʼ, yé abe nó! Yé dí ekamle e mɨná gá ó, mɨná nkʉ́naa gâ? Nzê metié mé Nzyɛ̌m ó dí ekamle mɨ́ná gá lɨ́ enkʉ́na ɛ́? Yaá! Sá dí esâ ó, mɨná sá ankʉ́na gá yɨ́, yé ó nzɨ̌ búʼó mɨ́ná dí edû gá nyɨ́.

Kálara Zyɛ̌m Edwán é mpʉ̌n

²⁷ É mpʉ yé ndɨ no e, zê mʉr óbana to dolo lé edoʼo e bɨsyɛɛla bye nye mʉr tɨʼ ɛ? Hɨʼɨ, yʉʉ sɔʼɔ, yé abe no. Yé ndɨ ekamle bɨna lé edoʼo ga? Zê motie mo Zyɛm ó ndɨ ekamle bɨna ga lé edoʼo ɛ? Hɨʼɨ, sa ndɨ esa ó, bɨna beʼ l'aka doʼo ga ɛ, yé ó buʼo bɨna mu lé edu ga ɛ,

Rôm 3:27 ပူးပေါင်းရင်းမြစ်များ

Rôm 2:23

Gua mʉr dí ebuú nkʉ́na ɨ́ mpʉ gó á tyélɔɔ metié yɨ́ nyá, gǒ kǎ gbah métié maá ɨ́ yé? Gua yɨ́ɛ lɨ́ esâ Nzyɛ̌m bisá bí ésɔ́m!

Rôm 4:2

Yé bé Abraham á si bi nkam ɨ́ lɔ̌b bísyɛ́ɛla bimpâ byé nó, lɛ́ɛ́, nye á be ó e sá énkʉ́na tɨ̂. Sâ gwár, nye á bé abe e sá énkʉ́na tɨ̂ʼ ɨ́ míh mé Nzyɛ̌m.

Galásia 3:22

Gúmo yaá ó Mékaná mé Nzyɛ̌m dí elɛ́ɛ ó, bʉr ó sí yɨ̂ʼ bɨ́bɛ̂h, bé ɨ́ jwɨ́ɨ́ syóm yɨ́. Syóm wɔ́ɔ́, wé á si kâʼ bɨ́bɛ̂h menkara. Sâ gwár, Nzyɛ̌m dwe nkɛ́ʼ nyé ó, ɨ́ baá bɨ́bɛ̂h dí edyɛ̂ʼwo e Yésʉs-Krîst bá. Nyě dwé bé nyǎ ó, njɨ ɨ́ lɔ̌b búʼó yaá.

Rôm 2:17

Yê nyá, gua, mʉr dí ejébɔɔ Yúden nyá? Gǒ dídyɛ́ʼwó ó e metié. Gǒ jaá nkʉ́nǎ njɨ ó, go ó dí mʉr mé Nzyɛ̌m.

Rôm 7:21

Nó ó, sá mé dí ebee ɨ́ jɔʼ yɨ́yɛ̂h ó yɨ̂: jɔʼ mé gwɨ́m ésâ émbɨa yɨ́, misyóm míɛ ó mé dí ekǎ koʼo ésâ.

Galásia 2:16

Sâ gwár, mɨná bé lɨ́ egʉ́a gá ó, mʉr, nyé abi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mʉ̌r bi nkâm ó, ɨ́ lɔ̌b búʼó, lɨ́ edyêʼ koo e Yésʉs-Krîst. Mɨná bɨ́ dyɛ̂ʼwo ntémé e Yésʉs-Krîst. Búʼó gá yɨ́ná yaá, yé aduho ɨ́ mbaʼlá metié. Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié.

1 Korɛnt 4:7

Nzé nyɨɛ á bɨ̂r gua kʉ́, laa bʉ̂r bɨ́bɛ̂h ɛ̌? Yé gó dí e yé, gó á be abǐ biʼée yɨ́? Yé bé sá yɨ́yɛ̂h gó dí e yé yɨ́, go á bi yé ó, biʼée nó, gǒ nkʉ́ná mpʉ̌ sá lɛ́ɛ́, yé abě ndwéá ɨ́ yé?

Rôm 11:6

Nye á twâr bé ó, ɨ́ mpam nyé. Nye á bé atwâr bé ɨ́ lɔ̌b bísyɛ́ɛla bimpâ byɔ́ɔ́. Yé bé nye á twâr bé ó, ɨ́ lɔ̌b bísyɛ́ɛla byaá nó, lɛ́ɛ́, mpam á bé akǎ be mpâm.

Rôm 10:5

Moyɨ̂z á si cɛma, dumo e nzɨ̌ ebi nkâm ɨ́ mbaʼlá métié ó: «Waá nyɨnyɛ̂h dí ebaʼle métié nyá, óbǐ twiʼ ó, ɨ́ metié maá.»

Rôm 9:32

Bé á bé abi nkâm ɨ́ nzɨ̌ nyaá ɨ́ yé? Yé ó, ebě, bé á bé adyêʼ koo e Nzyɛ̌m. Bé á jaa dyɛ̂ʼwo ó, njɨ e bisyɛ́ɛla byɔ́ɔ́. Ɨ́ mpʉ bé á gwa bi nkam ɨ́ mbaʼlá métié wɔ́ɔ́ yɨ́, bê nzě twe téme-nzɨ̌. Bé á twe ó, lɨ́ ebɨm ébɔ̌ʼ lɨ́ ekóʼ.

Rôm 9:11

Lʉ́ʉ́ égbâh, lé á bé apǎ byɛ̂l, nkʉ̂ sâ syɛ́ɛla gwár, nkʉ̂ yaá mpâ, nkʉ̂ yaá ébébe. Nzyɛ̌m á twâr nyʉ́ʉ́ tɨ̂ʼ ó, lɨ́ elɛ̂ʼle ó, nyě sá bísá byé ó mpʉ nyé kpɛ̂l yɨ́. Nyě twár mʉ̂r ó, ɨ́ mitíʼá mí lémé wé nye mʉr tɨ̂.

Rôm 8:2

Me á nyɛɛ be ó túʼǎ ɨ́ lɔ̌b tíná mé Syóm, bé le eswie. Me á be ó, ɨ́ mpila yɔ́ɔ́. Sísǐm mé Nzyɛ̌m nzě tíne mé ó, me bíʼee twiʼ ɨ́ mpúhlá nyɨ́h e Yésʉs-Krîst. Nye ó b'á dwih me ɨ́ mpila yaá, pɛʼ mé tɨ̂ʼ ɨ́ fá.

Rôm 7:25

Mɨná dwêʼ gá Nzyɛ̌m nzyǒo ɨ́ nzɨ̌ mé Yésʉs-Krîst, Tî gá wɨ́ná. Yé ó mpʉ mé dí e nkul elɛ́ɛ ó: bijwɨʼ bí lémé wâm, byé kpɛl éséǎ syɛ́ɛ́ ó, yaá métié mé Nzyɛ̌m dí etɨ́e yɨ́. Njwɨr myâ wâm wɨ́ɛ jaá kam ó, njɨ me jóʼaa mpʉ̌ syóm dí ekpɛl ó, me sâʼ misyóm yɨ́.

Rôm 7:23

Tó kœb ó, mě beé ɨ́ nyʉ̂l nyǎm ó, yé e lʉ́ʉ́ étié e dí elwímla le etié e dí eduho ɨ́ bijwɨʼ bí lémé wâm lɨ́. Nkul syóm dí ɨ́ me wɨ́, wé ó dí entaa ócwóó wâm, nzě liŋ mé túʼǎ syóm dí me ɨ́ nyʉ̂l wɨ́.

Rôm 3:19

Mɨná bé lɨ́ egʉ́a gá ó, sá yɨ́yɛ̂h Mékaná mé Nzyɛ̌m dí elɛ́ɛ yɨ́, mé lɛ́ɛ́ yé ó, lɨ́ esú é bʉ̂r o b'á tyélɔɔ metié mé Nzyɛ̌m bá. Nyě tyél bé metié maá ó, lɨ́ esú lé épɨr bʉ̂r bɨ́bɛ̂h minum, le edwe bɨ́bɛ̂h mebě ɨ́ míh mé.

Yʉanes 3:36

Mʉr dí edyɛ̂ʼwo e mwân waá nyá ó ngá bǐ twǐʼ njʉ̌m dǐ. Mʉr dí adyɛ̂ʼwo e né nyá, nye ákóʼó bǐ twiʼ yaá. Nyɨ́haá ójaʼra e nkpaǎ Nzyɛ̌m ngá lɛ̂ʼle nyé nyɨ́.»

Markus 16:16

Waá ngá dyɛ̂ʼwo e me, ntɔ̂ʼ duŋɔɔ nyá, ótiʼe. Waá ngá be, adyɛ̂ʼwo e me nyá, nyɨ́haá ó ngá dweŋɔɔ bíntɨ́ʼá bi dí ɨ́ buú bébe bí.

Rôm 3:26

Nó ó, ɨ́ báánâ, nyɨ́ kǎ lɛ̂ʼle bʉ̂r ó, nye mʉr tɨ̂, nye ó tîtyěl mʉr. Nyě dwé nkâm ó, bʉr o dí edyɛ̂ʼwo e Yésʉs bá.

Rôm 9:31

Bʉr o b'Ɨ́zraɛ̂l bɨ́ɛ, bé á sɨsâ ó, bé bíʼee nkam ɨ́ míh mé Nzyɛ̌m ɨ́ mbaʼlá métié wɔ́ɔ́. Tó kœb ó, bé á bé abaʼle métié maá, kumo lɨ́ odumo.