Rôm 3:25 - Kálar Nzyɛ̌m : Ejwán é Sáá

²⁵ Nzyɛ̌m á ntɨh nye ó, nye ntáa dwe, búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé. Nye á dwe ó, nye nkʉ̂ kɛm bʉ̂r o dí ebúʼlǎ ndwéá métié waá bá. Ɨ́ nzéá Yésʉs-Krîst á nze wɨ́, Nzyɛ̌m á si lɛ̂ʼle mpʉ nyé dí tîtyěl yɨ́. Misyóm bʉ̂r bé á boo sɨ̂sa mí, Nzyɛ̌m á si bu dûhwo myê, kʉ́ lɛŋ myé ɨ́ buo buo, alwib.

Kálara Zyɛ̌m Edwán é mpʉ̌n

²⁵ Zyɛm a ntɨh Yesʉs ó, nye ntaʼ, ze dwè, jala e mɨsyem ga mina é l'efu ó, efie le nkʉʼ leʼe empime mo Sɔŋ. Nye a dwè ó, nye nkʉʼ kɛm bʉr, ó bé jyɛʼɛ taa buʼo yɔɔ boo nye é lɔb ndwɛa motié waa ɛ. É zea Yesʉs-Krɨst a ze e, Zyɛm a si lɛʼle mpʉ nye ndɨ cɨcyel ɨ. Mɨsyem bʉr, bé a bɛa sa-sa ɛ, Zyɛm a si bul dihbe mye, kʉ lɛŋ mye é buobuo, alwib.

Rôm 3:25 ပူးပေါင်းရင်းမြစ်များ

1 Yʉanes 4:10

Kpɛ̌l mpâ ó yɨ̂: yé abe yaá mɨ́ná dí elɛ̂ʼle gá Nzyɛ̌m yɨ́. Yé ó yaá nyɨ́ɛ á lɛ̂ʼle mɨná gá yɨ́, ebě, nye á si ntɨh mɨná gá Mwân wé. Nye ó mʉr á búra le syóm wɨ́ná nyá. Nye ntémé ó b'á leʼe nkpaa mé Nzyɛ̌m.

1 Yʉanes 2:2

Ebě, Yésʉs-Krîst, nye ó mʉr á búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé nyá. Abě njɨ myaá gá míná, myé omér. Nye á dwe twiʼ ó, lɨ́ esú é bʉ̂r ó sí yɨ́yɛ̂h.

Rôm 5:9

Yésʉs pǎ nyɛɛ́ pyêl métié mé, ntɔ̂ʼ dwe lɨ́ esú ó, nye dwêʼ mɨná gá, osyɛ̂l o mísyóm, nkam, á dwɛʼra ɨ́ jɔʼ mɨ́ná gá mû otîtyěl o bʉ̂r ɨ́ míh mé Nzyɛ̌m yɨ́! Nye ókʉ́ tiʼ mɨ́ná gá ɨ́ jɔ̌ʼ Nzyɛ̌m ngá lɛ̂ʼle nkpáa nyé ɨ́ lɔ̌b bʉ́ʉ́ bʉ̂r yɨ́.

Mɨlʉmlʉ 17:30

Jɔʼ myâ, bimpám bín, byé á be ó minjéʼe-Nzyɛ̌m. Nzyɛ̌m nyɨɛ á bé anyɛɛ́ nʉa bíjɔʼ bʉ̂r, bé á be ɨ́ gʉʼla bí byaá, gbâ ɨ́ nkɔb. Nó ó, ɨ́ báánâ, nye mû ó sí kǎ jébe bʉ̂r bɨ́bɛ̂h ɨ́ bigúmó bíbyɛ̂h ó, bé túmaa mikoo e misyóm myɔ́ɔ́ le edwira míléme.

Ebrœ̂ 10:4

ebě, metié bíntœœ ndu e maá mé óntamakǎ, mé ákóʼó sâ ó, Nzyɛ̌m tɨ́ʼee baa ébébe nyé á pa niʼe mʉr yɨ́.

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

Ebrœ̂ 11:7

Ɨ́ lɔ̌b búʼó, Nóe á si jóʼo Nzyɛ̌m jɔʼ nyé á cɨ̂l nye ɨ́ lɔ̌b sá yé á be ó, yé ósyɛ́ɛ yɨ́. Nye dína apǎ bee yé e dîh, nye nzě gbâ lwǐb mé Nzyɛ̌m yaá ɨ́ dúu, ntɔ̂ʼ kpaʼ byɛ̂l, dû mpʉ̌ Nzyɛ̌m á tɨ́e ó, nye sâʼ yɨ́. Nye nzě nî tɨ̂, bé e mbɛ̌r bʉ̂r wé, bɨ́bɛ̂h ntɔ̂ʼ tíʼe. Ɨ́ lɔ̌b búʼó yé ó nyé á lɛ̂ʼle ó, syɛ́ɛla bʉ́ʉ́ bʉ̂r, bé á sâ yɨ́, yé á be ɨ́ bébe yɨ́. Bɨ́ɛ bé á bé adyɛ̂ʼwo e Nzyɛ̌m. Nye á bi nkam ó, tâŋ nkɔb nyé, ɨ́ lɔ̌b búʼó yé.

Rôm 5:1

Nzyɛ̌m á be ɨ́ dwe mɨ́ná gá nkam ɨ́ lɔ̌b búʼó gá yɨ́ná. Sá tɨ̂ʼ ó mɨ́ná gá e Nzyɛ̌m mû mbɨ̂mbɨá ɨ́ nzɨ̌ Tî gá wɨ́ná, Yésʉs-Krîst yɨ́.

Mɨngwiha 20:15

Bʉr o b'á be abe e míe micɛmá ɨ́ mekaná mé twiʼ bá, bé ntémé, bé á si guhɔɔ ɨ́ bɨ́ siʼe yaá.

Mɨngwiha 5:9

Bé á didyɛɛ ó, edwán é jɨ̂m. Bé ó: «Go ó jálá le enʉa mékaná mâ, gbɛ́ɛ bísitâm, ebě, go á si jʉ́ŋɔɔ. Go á si dwih bʉr ɨ́ mpila ébébe, tô e bé kwá mé Nzyɛ̌m. Go á si syɛ́ɛla metié mô lɨ́ esú é bʉ̂r baá. Bé ó bʉr o bíkúl bíbyɛ̂h, ndu e bilwǐb bíbyɛ̂h, bʉr o mémpóʼo mɨ́mɛ̂h, ndu e mesí mɨ́mɛ̂h.

Ebrœ̂ 11:14

Bʉr o dí elɛ́ɛ nó bá, bé lɛ́ʼlé tɨ̂ʼ ó, bé sáá ó, mpóʼo nyɔ́ɔ́ bé bʉr o tɨ̂.

1 Yʉanes 1:10

Mɨ́ná lɛ́ɛ́ gá ó, mɨná bé apǎ sâ gá syóm nó, nó ó, mɨná lɛ́ɛ́ gá ó, nye ó mʉr bibɛr. Lwǐb yé, yé abe kwá gá nyɨ́ná.

Ebrœ̂ 11:17

Ɨ́ búʼó, Abraham á si kam ɨ́ jɔ̌ʼ Nzyɛ̌m á bóblo nye yɨ́. Abraham nzě sâ ó, nyě jʉ́ ó nye Isaac, tâŋ ndwéá. Nyɨɛ Abraham ó b'á bi menkɛ̌ʼ ménɨ́nɨ́ɨ́ mé Nzyɛ̌m. Nye ntémé ó b'á be ɨ́ cǎr ó, nye díʼɨɨ nye etíʼé é mwân lé laá tâŋ ndwéá,

Ebrœ̂ 9:5

Yé á be ntémé ó e mbúrá mpɔ́ra sáá, súm bé á mi-myɛʼ metié mé á lɨleʼe kpaa mé Nzyɛ̌m yɨ́. Ɨ́ mbúrá waá kʉ́, yé á be ó, le okerʉ̂b obá. Mempabaá mɔ́ɔ́, mé á be ó mɨsyɛ́má, lé esâ dúʼwó ɨ́ nkǒ páʼ mbúrá. Bé ó w'á be lé elɛ̂ʼle ó, Nzyɛ̌m, nye ó tɨ̂ʼ sûm yaá. Mé abe le epʉ́la ɨ́ báánâʼ ó, me lɛ́yɨɨ bisâ byaá bíbyɛ̂h.

1 Timotɛ 1:15

Lɔ́ɔ́ ébûʼlɔɔ, waá bʉ̂r bɨ́bɛ̂h jálá le ekam wɨ́, wé ó wɨ̂: Yésʉs-Krîst á nze ɨ́ sí yɨ̂ʼ ó, nye ntáa nzě tíʼ ósyɛ̂l o mísyóm. Nó ó, ɨ́ sɔ́má bʉ̂r o b'á sâ misyóm bá, mɛm ó b'á sahle.

Rôm 5:11

Yé abě njɨ nó, yé omér: mɨná mû nkʉ́na gá ntémé ɨ́ míh mé Nzyɛ̌m ó, ɨ́ lɔ̌b mé Tî gá wɨ́ná, Yésʉs-Krîst. Nye ó b'á sâ saá ɨ́ jɔʼ yɨ̂, páʼ gá nyɨ́ná e Nzyɛ̌m.

Rôm 3:26

Nó ó, ɨ́ báánâ, nyɨ́ kǎ lɛ̂ʼle bʉ̂r ó, nye mʉr tɨ̂, nye ó tîtyěl mʉr. Nyě dwé nkâm ó, bʉr o dí edyɛ̂ʼwo e Yésʉs bá.

Rôm 2:4

Nzyɛ̌m nyɨɛ yɨ́ɛ sí lɛ̂ʼle gó mpam nyé ɨ́ ntʉʉʉ́. Nye ntémé á si bee misyóm myô, alwib. Nye á si bu dûhwo myê. Nzê go mû ó lɨ́ epyêh bísyɛ́ɛla byé byaá ɛ́? Nzê gó agʉ́ǎ bím émbɨa nyé á sâ go lɨ́ ɛ́? Embɨa lé, lé ɨ́ jala le edǐb lémé gô nzɨ̌ etúmǒ koo le mebébe mô, le edwirǎ léme.

Mɨlʉmlʉ 4:28

Nkúná syɛ́ɛla bé á sâ yɨ́, yé ó b'á lóŋlo ekǎn gó á boo lɛ́ɛ ɨ́ nkul nyǒ le gwɨ́má yô lɨ́.

Mɨlʉmlʉ 3:18

Tó kœb ó, Nzyɛ̌m á lóŋlo ekǎn nyé á lɛ́ɛ ɨ́ minum mí ógwíha o mílɔ̌b bɨ́bɛ̂h lɨ́ ó, cɨɨ e nzɨ̌ syɛ́ɛla yɨ́n yaá. Nye á lɛ́ɛ ó, yé jɨ ó, mʉr nyé á lœm múló mé jwɨ́ɨ nyá nkɛ́yɨɨ mitúú mpʉ́nʉ̌.

Mɨlʉmlʉ 15:18

waá dí eboó gʉ́a byé táarě myâ nyá.”»

Mɨlʉmlʉ 2:23

Mpʉ̌ Nzyɛ̌m á boo tíʼe ɨ́ lémé wé yɨ́, nye á kpɛl ó, nye dwêʼ bɨ̌n nkul emɛ̂r Yésʉs. Nó bɨ́n bɨɛ á tímle nye ɨ́ mebó mínjéʼe-Nzyɛ̌m, míɛ nzě bomlo nyé e binzâŋ, bɨ́nɔɔ nyé ɨ́ kolôs kʉ́, jʉ́ŋɔɔ nyê.

Yʉanes 6:47

Mě lɛ́ɛ́ bɨ́n lɨ́ otyeetye ó, mʉr dí edyɛ̂ʼwo e me nyá, nyɨ́ bǐ twǐʼ njʉ̌m dǐ.

Mɨlʉmlʉ 14:16

Ɨ́ mimbú mí píhe, nye á si bîr bikúl bí bʉ̂r, tâŋ mimyǎ mi bʉ̂r ɨ́ buo buo ó, bé dyɛ́lɨɨ ɨ́ mɔ́ɔ́ ménzɨ̌ bé bʉr o tɨ̂ʼ bé á boo twâr má.

Rôm 5:18

Mpʉ bʉ̂r bɨ́bɛ̂h, bé á dweŋɔɔ mebě, tɨ̂ e misyóm mí mʉ̂r ngwár yɨ́, jwɨʼ gwár e gwár yaá ntémé ó, syɛ́ɛla mpâ mʉ̂r ngwár á sâ yɨ́, ngá sâ ó, bʉr bíʼee nkam yɨ́. Bé ónî ɨ́ twiʼ.

1 Korɛnt 5:7

Pɛʼɛɛ gá njʉ̌m levure waá, ó bɨ̌n líʼɨɨ miléme ɨ́ púpúpú. Nó ó bɨ́n ngá be e blêr dí edwán, abe e levure yɨ́. Me lɨ́ egʉ́a ó, bɨ̌n mû ó boó be nó, ebě, Krîst á be ó sí tíʼɔɔ tâŋ mâ nteme, le esâ ó, mɨná bwálaa gá nzɔɔ mâ nteme nyé.

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

Éfɛsɔs 1:7

Mwân waá ó b'á pyêl metié mé, ntɔ̂ʼ búra e mɨná gâ. Nye á sâ nó ó, nye táŋaa góo, ó nye dwíhɨɨ mɨná gá ɨ́ mpila ébébe. Nye ó b'á sâ ntémé ó, Nzyɛ̌m pɛ́ʼɛɛ bibaa bí ébébe nyé á niʼe mɨná gá bí. Nzyɛ̌m á sâ mɨná gá bisyɛ́ɛla byaá ó, lɨ́ elɛ̂ʼle mɨ́ná gá mpwaʼ mpam nyé.

Éfɛsɔs 2:13

Tó kœb ó, ɨ́ báánâ, bɨ̌n mû ó sí pûhla e Yésʉs-Krîst. Bɨ̌n bʉr o b'á nyɛɛ be e ncɛrá e Nzyɛ̌m bá, bɨ̌n mû ó bǎʼ e né, cɨɨ ɨ́ nzɨ̌ metié mé Krîst.

Ebrœ̂ 9:28

Jwɨʼ gwár e gwár e Krîst. Nye á si dwe jɔʼ gwár, ó nye búraa le misyóm lɨ́ esú é bʉ̂r ɨ́ buo buo. Ɨ́ jɔʼ mbá nyé ókǎ nze yɨ́, nye ákǎ báʼǎ nze ɨ́ lɔ̌b ébúra e misyóm. Nye ónze ó, lɨ́ enzě tíʼ bʉ̂r o dí ebóno nyé bá.

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.