Rôm 3:21 - Kálar Nzyɛ̌m : Ejwán é Sáá

²¹ Tó kœb ó, ɨ́ báánâ, Nzyɛ̌m, nyɨ́ lɛ̂ʼle ó, bʉr bíʼee nkam abe ɨ́ mbaʼlá métié. Nye mû ó sí kar nzɨ́ swîh nyaá lɨ́ esú lé édwe bʉ̂r nkam. Moyɨ̂z, bé le ogwíha o mílɔ̌b, bé á si nyɛɛ boʼlo lɔ̌b nzɨ́ nyaá.

Kálara Zyɛ̌m Edwán é mpʉ̌n

²¹ To kœb ó, banana, Zyɛm, nyi lɛʼle bʉr ó, bé e nkul ebi mokebe, abe ó, bé edu motie mo Moyiz. Nye mʉr tɨʼ a si kar zi fih é l'efu le edwe bʉr baa mokebe. Motie mo Moyiz ndwe e sikʉlʉ ogwiha o mɨlɔb, bé a dwe e, yé eboʼlo ó, zi waa, nye ódibɔ.

Rôm 3:21 ပူးပေါင်းရင်းမြစ်များ

Mɨlʉmlʉ 10:43

Ogwíha o mílɔ̌b bɨ́bɛ̂h, bé á si lwib, dumo e né. Bé á lɛ́ɛ ó, mʉr nyɨnyɛ̂h ódyêʼ koo e né nyá, Nzyɛ̌m ópɛʼ bíbaa nyé dí eniʼe ɨ́ lɔ̌b mísyóm myé bí. Nye ósâ nó ó, ɨ́ lɔ̌b mé Yésʉs.»

Filipi 3:9

Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

Galásia 3:8

Bé á si boo cɛma ɨ́ Mekaná mé Nzyɛ̌m ó, bʉr o bíkûl biswîh, bé óbi nkâm ɨ́ míh mé Nzyɛ̌m ó, ɨ́ lɔ̌b búʼó yɔ́ɔ́. Mbɨambɨa Lɔ́ɔ́ wɨ̂, wé á nyɛɛ túnɔɔ ó, Abraham! Nzyɛ̌m á lɛ́ɛ e né ó: Me ósʉ bíkúl bíbyɛ̂h metyɛʼ mé mpóm ó, ɨ́ koo gô.

Rôm 5:19

Jwɨʼ gwár mpʉ mʉ̂r ngwár á sâ ebɨ̌h, Nzyɛ̌m ntɔ̂ʼ láa ó, bʉr ɨ́ buo buo, bé mû ó osyɛ̂l o mísyóm yɨ́, jwɨʼ gwár e gwár yaá ntémé ó, mʉ̂r ngwár á sâ Nzyɛ̌m mejóʼo, Nzyɛ̌m ntɔ̂ʼ láa ó, bʉr ɨ́ buo buo, bé ó otîtyěl o bʉ̂r yɨ́.

Rôm 1:17

Mbɨambɨa Lɔ́ɔ waá, wé lɛ́ʼlé ó, mpʉ̌ Nzyɛ̌m dí edwe bʉ̂r nkam ɨ́ míh mé yɨ́. Yé tááré ó, ɨ́ búʼó, tó swîʼ ɨ́ búʼó. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Tîtyěl mʉr ótiʼe ó, ɨ́ búʼó.»

Rôm 1:2

Mbɨambɨa Lɔ́ɔ waá, Nzyɛ̌m á si boo kɛʼ ɨ́ nzɨ̌ ogwíha o mílɔ̌b ó, nye óntɨh mɨ́ná gá wǎ. Nkɛ̌ʼ nyaá, nye ó cɛmá ɨ́ Mekaná mé dí ti má.

Mɨlʉmlʉ 15:11

Ɨ́ mpʉ mɨ́ná dí ebúʼla gá ó, mɨná bé á bi gá twiʼ ó, njɨ e nzɨ̌ mpam mé Tî Yésʉs yɨ́, jwɨʼ gwár yaá ntémé ó bɨ́ɛ bé á bi twiʼ yɨ́.»

Lʉkas 24:44

Nye nzě lɛ́ɛ e bé ó: «Bisyɛ́ɛla bî, byé ó byaá mé á boo lɛ́ɛ bɨ̌n ó, byé ósyɛ́ɛ bí. Mɨná dína lɨ́ etye gá sɔ́má, me á boo lɛ́ɛ bɨ̌n ó, sá yɨ́yɛ̂h dí cɛmá ɨ́ Mekaná mé Nzyɛ̌m, lɨ́ mekaná métié mé Moyɨ̂z, le maá mé ógwíha o mílɔ̌b, le lɨ́ oSâm mé David, dumo e me yɨ́, yé ódira nó.»

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

1 Pyɛr 1:10

Ogwíha o mílɔ̌b mé Nzyɛ̌m, bé á si boo gwîh, lɛ́ɔɔ ó, Nzyɛ̌m ósâ bɨ́n mpam ɨ́ buo buo. Bé á be yɨ́ɛ ó, agʉ́a ménzɨ̌ Nzyɛ̌m á be ó, nye ótíʼ mɨ́ná gá e tɨ̂ʼ má.

Galásia 5:5

Bɨ̌h bɨɛ, bé á si dyɛ̂ʼwo e Nzyɛ̌m. Nyɨ́ gbâ bɨ́h mpûʼla ɨ́ miléme ó, nye ódwe bɨ́h nkam. Bɨ̌h bé e mpûʼla nyaá ó e nzɨ̌ Sísǐm mé Nzyɛ̌m.

Rôm 16:26

yaá mû sí nyɨ̂n ɨ́ ponó yɨ́. Lɔ́ɔ waá, wé á boo be ó cɛmá lɨ́ mekaná mé ógwíha o mílɔ̌b. Bikúl bíbyɛ̂h, byé mû kǎ gʉ́a wé ó, dû mpʉ̌ Nzyɛ̌m á boo tyêl etié lɨ́ esú lɔ́ɔ́ yɨ́. Nzyɛ̌m dí njʉ̌m dǐ e njʉ̌m dǐ nyá, á lɛ̂ʼle byé lɔ́ɔ́ mé Yésʉs waá ó, byé nkʉ̂ dyɛ̂ʼwo e né, le esâ nyé mejóʼo.

Mɨlʉmlʉ 26:22

Sâ gwár, Nzyɛ̌m á si kamle e me, nzě pyâl ɨ́ móhó wɨ̂ʼ mûh. Me dína ó wâ, lɨ́ eboʼlǒ lɔ̌b waá kwá bʉr bɨ́bɛ̂h, táare e bwá ó ntwǒm, kala le otɔ́má bʉ̂r. Mé alɛ́ɛ yʉ́ʉ́ sá swîh, njɨ yaá ógwíha o mílɔ̌b ndu e Moyɨ̂z bé á boo lɛ́ɛ ó, yé ópyâl yɨ́.

Yʉanes 1:45

Píe tɨ̂, Philippe nzě tó beě Natanaɛ̂l. Nye e né ó: «Bɨ̌h bɨ́ bee mʉ̂r, waá Moyɨ̂z á boo cɛma ɨ́ lɔ̌b wé ɨ́ mekaná métié, maá ógwíha o mílɔ̌b bé á cɛma ɨ́ lɔ̌b wé má. Mʉr waá, nye ó dí Yésʉs, mwân mé Yóseb, mʉr Nazarɛ̂t.»

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

1 Korɛnt 1:30

Nzyɛ̌m ó b'á pûhla bɨ̌n e Yésʉs-Krîst. Nye ó b'á sâ ntémé ó, bɨ̌n bíʼee ocwóó mé Yésʉs. Mɨná gá mû ó otîtyěl o bʉ̂r ɨ́ míh mé ɨ́ nzɨ̌ mé Krîst. Krîst ntémé ó b'á pubo mɨná gâ. Nye ó b'á táa góo, le edwih mɨ́ná gá ɨ́ mpila ébébe, pɛʼ mɨ́ná ɨ́ fá.

Rôm 9:30

Mpʉ yé dí nó yɨ́, mɨná bé ókǎ lɛ́ɛ gá nyá? Nzyɛ̌m lɛ́ɛ́ yé, dumo e bʉr o dí abe óYúden bá? Bʉr o b'á be asáa nzɨ̌ ebi nkâm ɨ́ míh mé Nzyɛ̌m bá, bé ó b'á ka bi nkam ɨ́ míh mé. Sâ gwár, bé á si dweŋɔɔ mbi nkâm dí edweŋɔɔ ɨ́ lɔ̌b búʼó nyɨ́.

Rôm 5:21

Jwɨʼ gwár mpʉ̌ syóm, wé á njwɨ́ɨbʉr, ntɔ̂ʼ jʉ̂ bé yɨ́, jwɨʼ gwár yaá ntémé ó mpam mé Nzyɛ̌m dí ejwɨ́ɨ mɨ́ná gá yɨ́. Nye lɨ́ edwe mɨ́ná gá nkam ɨ́ míh mé Nzyɛ̌m, le ekɛl mɨ́ná gá twǐʼ njʉ̌m dǐ ɨ́ lɔ̌b Yésʉs-Krîst, Tî gá wɨ́ná.

Mɨlʉmlʉ 28:23

Bê nzě tyêl móhó, bé e boo nɔ́ɔ́, bé á be ó, bé óbɔma wɨ́. Jɔ̌ʼ móhó waá, wé á pyâl yɨ́, bé ntɔ̂ʼ nze e bʉr ɨ́ buo buo, nzě kœb nyé ɨ́ gúmó nyé á didi yɨ́. Táare ɨ́ mɛ́n, tó pyâl ɨ́ bíí kʉ̌ʼ, Pɔ̂l nzě túnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le esáa ó, nye dúlaa bê, ó bé bûʼlaa lɛ́ʼlá dí edumo e Yésʉs wɨ́. Nye á nʉnʉa milɛ́ʼlá myaá ó, ɨ́ metié mé Moyɨ̂z le mekaná mé ógwíha o mílɔ̌b.

Rôm 3:28

Ebě, mbeá wɨ́h, wé ó, mʉ̌r Nzyɛ̌m dwé nkâm nyá, nye ó njɨ waá dí e búʼó nyá. Nyé abi nkâm ɨ́ lɔ̌b mbaʼlá métié.

2 Korɛnt 3:9

Syɛ́ɛ́ Moyɨ̂z á séa ó, bʉr nkʉ̂ dweŋɔɔ mébě píe tɨ̂ʼ yɨ́, yé pǎ nyɛɛ́ ntyɛnwa, á dwɛʼra e yaá Nzyɛ̌m á séa ó, bʉr bíʼee nkam e tɨ̂ʼ yɨ́! Yé óbe ó, ɨ́ ntyɛ̌n ntî ntyɛ̌n, laa yɨ́haá.