Rôm 3:11 - Kálar Nzyɛ̌m : Ejwán é Sáá

¹¹ Abe e mʉr dí egʉ́ǎ sá dí tîtyěl yɨ́. Abe e mʉr dí esáǎ Nzyɛ̌m. Bʉr bɨ́bɛ̂h, bé á si dyɛ̂l ɨ́ bébebébe nzɨ̌. Bɨ́bɛ̂h, bɨ́ dwě ntuʼ ɨ́ jɔʼ gwár.

Kálara Zyɛ̌m Edwán é mpʉ̌n

¹¹ Abe e mʉr lé egʉa sa ndɨ cɨcyel ɨ. Abe e mʉr lé esaa Zyɛm.

Rôm 3:11 ပူးပေါင်းရင်းမြစ်များ

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Rôm 8:7

Baá mílémé myɔ́ɔ́ dí edû njɨ njwɨr myâ bá, bé lɨ́ elwímla e Nzyɛ̌m, asâ métié mé mejóʼo. Milémé myɔ́ɔ́ abá be e nkul esâ métié maá mejóʼo.

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Rôm 1:28

Bʉr baá, bé á bé abee ó, yé jala ɨ́ páʼ wɔ́ɔ́ ó, bé kámaa Nzyɛ̌m. Nó ó Nzyɛ̌m á nzoo ka bîr bé ó, bé díʼee e pɨʼ ontúl óntúl yɨ́. Nyě bír bé ó, bé sâʼ bisyɛ́ɛla bí ésɔ́m bi dí ajala e bé bí.

Rôm 1:22

Bé damá nkʉ́na ó, bé ó ocwóó, nkúná bé kǎ tó sûʼla ó bigʉʼlʉgʉ́.

Mataos 13:19

Jɔʼ mʉ̂r dí elɛ́ɔɔ̌ Mbɨambɨa Lɔ́ɔ́ dí edumo e Mpóʼo mé Dâ Nzyɛ̌m wɨ́, nye l'agbâ wé ɨ́ nkɔb yɨ́, mʉr waá nwɨɨla ó, le empah e nzɨ́, gúmó mémpeʼ mé á kukur yɨ́. Sátan ntɔ̂ʼ pyâl, nzě dɛ̂ʼ mpeʼ yé á kur ɨ́ lémé mʉ̂r waá yɨ́.

Rôm 3:10

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Abe e mʉr dí tîtyěl. Abe e mʉr. Kâr mʉ̂r ngwár!

Rôm 3:12

Abe e mʉr dí esâ bʉ́ʉ́ bʉ̂r embɨa. Kâr mʉ̂r ngwár!