Rôm 3:10 - Kálar Nzyɛ̌m : Ejwán é Sáá

¹⁰ Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Abe e mʉr dí tîtyěl. Abe e mʉr. Kâr mʉ̂r ngwár!

Kálara Zyɛ̌m Edwán é mpʉ̌n

¹⁰ Yé ó mpʉ yé ndɨ tila é Kalara Zyɛm ɨ. Yé ó tila ó: «Abe e mʉr ndɨ cɨcyel. Abe e mʉr ngwar.

Rôm 3:10 ပူးပေါင်းရင်းမြစ်များ

Rôm 3:23

Bɨ́bɛ̂h, bé á si sâ syóm. Bisyɛ́ɛla bimpâ byɔ́ɔ́ alwɨ́ŋlɨ, ajala e kûm mé Nzyɛ̌m.

Mataos 15:19

Ebě, bibɨ́bla bíjwɨʼ bíbyɛ̂h, byé duho ó ɨ́ léme. Byé ó dí: ejwɨ́ɨ́ é bʉ̂r, medyɛ̂n, bimolá, díbe, eyalǎ lɔ̌b mɨ́ɔɔ́ gǒ mʉr lɨ́ onzyɛ́h ónzyɛ́h, le melwɨ́ɨ.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Markus 10:18

Yésʉs nzě yala e né ó: «Go lɨ́ ejébe mé mbɨambɨa mʉr ɨ́ yé? Yé abe e mʉr dí ɨ́ mbɨa, njɨ Nzyɛ̌m nye omér.

1 Pyɛr 1:16

Ebě, yê cɛmá ó: Diʼee gá bʉr bâm dí tí bá, mpʉ mé mʉr tɨ̂ʼ dí tí yɨ́.

Rôm 3:4

Heʼé, yé abá be nó. Bʉr bɨ́bɛ̂h damá sâ bíbɛr, Nzyɛ̌m nyɨɛ́ jaá lóŋlo ó, njɨ lɔ́ɔ́ wé. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Gua Nzyɛ̌m, ɨ́ jɔʼ gó dí elwib yɨ́, bʉr bɨ́bɛ̂h, bé ókʉ́ gʉ́a ó, gǒ lɛ́ɛ́ ó otyeetye. Bé ósáa édwe gó mebě nó, go ójaá bi ó, njɨ nkam ɨ́ lɔ̌b waá.»

Mɨngwiha 22:15

Nó ó, ompyê, oleme, osyɛ̂l o bímolá, ojʉ̂l o bʉ̂r, baá o dí edwe bíkpɛʼkpɛ̂ʼ bí ónzyɛ̌m kûm bá, le baányâ-bibɛr bɨ́ɛ, bé ódwoowǒ kʉ̌l.

Mɨngwiha 21:8

Baábʉ́bʉ́á bɨ́ɛ, bé le ohááden, bʉr o dí e milémé mébomo, ojʉ̂l o bʉ̂r, osyɛ̂l o bímolá, oleme ti e baá o dí edwe bíkpɛʼkpɛ̂ʼ bí ónzyɛ̌m kûm bá, ndu e baányâ-mikóo bɨ́bɛ̂h, bɨ́ɛ, bé ójaá kœb ódiá wɔ́ɔ́ ó, njɨ ɨ́ bɨ́ siʼe. Yé ó lwɨ́ŋlá e siʼe ti e pir. Yé ɨ́ buú díʼa. Tɨ̂ʼ ó bʉ̂r dí edwe éswie embá yɨ́.»

Rôm 11:8

Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Nzyɛ̌m á si sâ ó, milémé myɔ́ɔ́, myé díʼee ɨ́ lele lele. Nye á si dible míh mɔ́ɔ́, ó bé ayɨ́ kǎ bee. Nye ntémé á si dibe megwǎl mɔ́ɔ́, ó bé ayɨ́ jóʼo. Nzě kumo ɨ́ dʉ́ó lɨ̂ʼ mûh, bé ó njɨ nó.

Rôm 3:11

Abe e mʉr dí egʉ́ǎ sá dí tîtyěl yɨ́. Abe e mʉr dí esáǎ Nzyɛ̌m. Bʉr bɨ́bɛ̂h, bé á si dyɛ̂l ɨ́ bébebébe nzɨ̌. Bɨ́bɛ̂h, bɨ́ dwě ntuʼ ɨ́ jɔʼ gwár.