Rôm 2:9 - Kálar Nzyɛ̌m : Ejwán é Sáá

⁹ Bʉr bɨ́bɛ̂h o dí esâ syóm bá, bé ósia e mitúú e mindɛ̌l, táare le oYúden, kala e baá o dí abe óYúden bá.

Kálara Zyɛ̌m Edwán é mpʉ̌n

⁹ Bʉr bɨbɛh ndɨ esa syem ɨ, Zyɛm óbul laŋle kab be bɨntɨʼa e mɨtuu. Bé ósia e bye, taare é l'oYʉden, to pyal é bʉr o bɨkul bɨfih.

Rôm 2:9 ပူးပေါင်းရင်းမြစ်များ

1 Pyɛr 4:17

Etíʼ é mílɔ̌b gá lɨ́ná, lɨ́ pyâl. Nzyɛ̌m nyɛl élwib mílɔ̌b ó, myaá mi bʉ̂r ó Mbɛ̌r-Nzyɛ̌m. Tíʼá mílɔ̌b waá pǎ nyɛɛ́ nyan kwá gá nyɨ́ná, bʉr bé, á dwɛʼra e bʉr o dí abûʼlǎ Mbɨambɨa Lɔ́ɔ́ mé Nzyɛ̌m bá! Ndumló syɛ́ɛla yɔ́ɔ́ yaá, wé óbe yé?

Rôm 1:16

Mé ajóʼo bá sôn ɨ́ Mbɨambɨa Lɔ́ɔ mé dí etúno wɨ́, ebě, wé ó nkul mé Nzyɛ̌m lɨ́ esú lé étiʼ mʉ̂r nyɨnyɛ̂h ngá bûʼla wé nyá, táare le oYúden, kala e baá o dí abe óYúden bá.

2 Tesalonika 1:6

Ebě, yé ó syɛ́ɛla mpâ ɨ́ míh mé Nzyɛ̌m ó, nye ntɨ́ʼɨɨ baá o dí entɨ̂ʼ bɨ́n bá.

Rôm 9:24

Nzyɛ̌m á jébe ó, mɨná gâ: le oYúden, le bʉr o dí abe óYúden bá.

Rôm 2:10

Bʉr bɨ́bɛ̂h o dí esâ émbɨa bá bɨɛ, Nzyɛ̌m ódwe bé kûm le dúu. Nye ógbâ bé mepyɛbla ɨ́ miléme. Nye ódwe ó, táare le oYúden, tó kala e baá o dí abe óYúden bá.

Mɨlʉmlʉ 3:26

Nó ɨ́ jɔ̌ʼ Nzyɛ̌m á ka lómo syɛ̂l mesâ wé yɨ́, nye á nyɛɛ tyen nye ó, kwá nyɨ́n, ó nye sʉ́ʼoo bɨ̌n métyɛʼ me mpóm, le edwih mʉ̂r sɔ́má yɨ́n nyɨnyɛ̂h ɨ́ bɨ́blǎ syɛ́ɛla yɨ́yɛ̂h nyé dí esâ yɨ́.»

Lʉkas 24:47

Yé á boo be cɛmá ntémé ó, bʉr, bé ótô ɨ́ lʉ́mlʉ́ wé, le etúnǒ Mbɨambɨa Lɔ́ɔ. Bé ótô le elɛ́ɛ bʉ̂r ó, bé túmaa mikoo e misyóm myɔ́ɔ́, le edwira míléme, Nzyɛ̌m pɛ́ʼɛɛ bé bibaa bí ébébe byɔ́ɔ́. Lɔ́ɔ waá, wé ónyɛɛ́ túnɔɔ ó, ɨ́ Yerʉ́zalɛm, tó túnɔɔ ntémé kwá bikúl bíbyɛ̂h.

Kolosi 3:11

Ɨ́ twiʼ dwân yaá, adû gá bwá mímbɔ́ʼ bâ: Nyâʼ, nye ó Yúden; nyâʼ nyɨɛ, mʉr Grɛ̂s. Nyâʼ, nye ó tíʼá mpʉ́n; nyâʼ nyɨɛ, nyé abě tíʼá mpʉ́n. Nyâʼ, nye ó ayogoyogo. Nyâʼ, nye ó mʉr dí edweŋɔɔ nzóʼ nyá. Nyâʼ, nye ó túʼǎ; nyâʼ nyɨɛ, nye ó nzyɛh. Ebě, Krîst ó dí lʉ̂ sá yɨ́yɛ̂h. Sá yɨ́yɛ̂h, yé dyɛ́ʼwó ó e né.

Galásia 3:28

Sá tɨ̂ʼ ó dí akǎ buú syɛ́ɛlǎ sɔ̂ʼ páʼ óYúden le bwá ó bíkûl yɨ́. Gǒ damá bě túʼǎ, nkʉ̂ ntémé nzyɛh; damá be mʉ́má, nkʉ̂ mʉrʉ̂m, nzyɛ́ɛ́lá ntʉ́ʼ bá tɨ̂, ebě, bɨ̌n bɨ́ pûhla e Yésʉs-Krîst. Bɨ̌n bɨ́bɛ̂h mû kǎ di ó, tâŋ mʉr ngwár.

Rôm 10:12

Ebě, mbɔ́ʼ, wé abe páʼ oYúden, bé e bʉr o dí abe óYúden bá. Bɨ́bɛ̂h, bé e Njwɨ́ɨ ngwár. Baá dí ekɛn díé lé bá, nye lɨ́ elɛ̂ʼle bé bɨ́bɛ̂h mpam nyé.

Mɨlʉmlʉ 28:28

Pɔ̂l, nye e bé ó: «Gʉ́ŋáá gá ó nɛ́ɛ: lɔ́ɔ́ dí esâ ó, Nzyɛ̌m tíʼɨɨ bʉr wɨ́, wé mû ó lɨ́ elɛ́ɔɔ kwá baá o dí abe óYúden bá. Bɨ́ɛ, bé ókʉ́ jóʼo wê.»

Mɨlʉmlʉ 28:17

Yé á be ó, melú mélɛ̂l, mé osí laa, Pɔ̂l ntɔ̂ʼ jébe ójwɨ́ɨ́ ó Yúden ó Rôm ó, bé gwɨ̂hlaa ɨ́ mbɛ̌r wé. Jɔʼ bé á swâl yɨ́, nye e bé ó: «Bɨ́ɔɔ́ bâm, mé apǎ sâ syɛ́ɛla gwár ó, me lwímlaa e sí gá yɨ́ná, nkʉ̂ e metum bímpám gá bíná. Damá jóʼo nó, bé á si mɛ̂r me Yerʉ́zalɛm, gbáŋɔɔ mé ɨ́ mbʉʼ, nzě ntɨhɔɔ mé wâʼ Rôm.

Mɨlʉmlʉ 26:20

Me á jaa nyɛl ó, njɨ túnó Mbɨambɨa Lɔ́ɔ, táare e bʉr ó Damâs, kala e baá ó Yerʉ́zalɛm, ti e baá bɨ́bɛ̂h dí ɨ́ sí Yʉ́da bá, dumlo e bʉr o bíkúl bíswîh. Me á lɛ́ɛ e bé ó, bé túmaa mikoo e misyóm myɔ́ɔ́, le edwira míléme. Bé e dyɛ́ʼwó e Nzyɛ̌m, le esâ bísyɛ́ɛla bi dí elɛ̂ʼle ó, bé mû ó otîtyěl o bʉ̂r, le miléme mindwirá bí.

Mɨlʉmlʉ 20:21

Me á si boʼlo kwá oYúden, ndu e baá o dí abe óYúden bá ó, yé jɨ ó, bé túmaa mikoo e mebébe mɔ́ɔ́, le edwira míléme. Bé e dyɛ́ʼwó e Tî gá wɨ́ná Yésʉs.

Mɨlʉmlʉ 13:26

«Bɨ́ɔɔ́ bâm! Okɛ́l bâm! Bɨ̌n bwá bé ónta mé Abraham, le baá o dí edwáawǒ Nzyɛ̌m bá! Lɔ́ɔ́ wɨ̂, wé á túnɔɔ ó, lɨ́ esú gá lɨ́ná, dumo e tiʼá Nzyɛ̌m mû sí tiʼ bʉ̂r wɨ́.

Mɨlʉmlʉ 11:18

Jɔʼ bé á sil ejóʼo milɔ̌b myaá yɨ́, miléme nzě sula bé sí. Bê nzě dwě Nzyɛ̌m kûm. Bé ó: «Yé ó nó: Nzyɛ̌m, nyɨ́ bánǎ toŋlo ntémé baá o dí abe óYúden bá. Nyɨ́ dib bé nzɨ̌ etúmo míkoo e misyóm myɔ́ɔ́, le edwira míléme, ó bé bíʼee ntémé twiʼ!»

Mataos 16:26

Mʉ̂r nʉ́á sí yɨ̂ʼ yɨ́yɛ̂h, kǎ tó dímlě twiʼ yé nó, wáǎ nyɔm nyé ngá kǎ lîʼ e wé wɨ́? Yáǎ sɔ̂ʼ mʉ̂r dí e nkul esyɛ́ɛla lɨ́ esú lé ébáʼǎ bǐ twiʼ yé?

Rôm 8:35

Nzé ókoʼo lɨ́ ebɛ̂ʼ páʼ gá nyɨ́ná e Yésʉs-Krîst, mʉr á bu kpɛl mɨná gá nyá? Nzê mitúú e mindɛ̌l? Nzê tíblá, nkʉ̂ nza? Nzê sɔ́ɔlʉ mímbôr, nkʉ̂ dɔm, nkʉ̂ pasoŋ? Kʉ́ kâr káráa!