Rôm 2:8 - Kálar Nzyɛ̌m : Ejwán é Sáá

⁸ Bʉ́ʉ́ bʉ̂r, bé lɨ́ epɨra páʼ nyɔ́ɔ́. Bé akam ótyeetye. Bé jaá dû ó, njɨ kʉ̌ tyen ónzyɛ́h ónzyɛ́h. Bɨ́haá, bé ó baá Nzyɛ̌m óbuú lɛ̂ʼle nkpáa nyé bá.

Kálara Zyɛ̌m Edwán é mpʉ̌n

⁸ Bʉʉ bʉr bɛɛ, bé ó baanya-evuŋo. Bé esa epɨh lé edu sa ndɨ cɨcyel ɨ, bula du sa ndɨ ozyɛhozyɛh ɛ. Bɨha, bé ó baa Zyɛm óbul kpaa empime e be e.

Rôm 2:8 ပူးပေါင်းရင်းမြစ်များ

Mɨngwiha 16:19

Nkanǎ nɨ́nɨ́ɨ́ yaá, yé ntɔ̂ʼ bîʼ, nzě bʉ̂l mímyál mílɛ̂l. Binkana biswîh ɨ́ mʉ́ʉ́ mésí ntémé, mé á si duma sí. Nzyɛ̌m á si símsa bisyɛ́ɛla bí Babilɔ̂n, nkanǎ nɨ́nɨ́ɨ́. Nye nzě lɛ̂ʼle bʉ̂r ó nkana yaá bím nkpáa nyé dí yɨ́, le esâ ntémé ó, bé jâʼraa le ebúʼ lé le nkpaa nyé. Bê nzě puro tɨ̂ʼ mpʉ mʉ̂r dí ejaʼra e mpur menyoʼ yɨ́.

1 Pyɛr 4:17

Etíʼ é mílɔ̌b gá lɨ́ná, lɨ́ pyâl. Nzyɛ̌m nyɛl élwib mílɔ̌b ó, myaá mi bʉ̂r ó Mbɛ̌r-Nzyɛ̌m. Tíʼá mílɔ̌b waá pǎ nyɛɛ́ nyan kwá gá nyɨ́ná, bʉr bé, á dwɛʼra e bʉr o dí abûʼlǎ Mbɨambɨa Lɔ́ɔ́ mé Nzyɛ̌m bá! Ndumló syɛ́ɛla yɔ́ɔ́ yaá, wé óbe yé?

2 Tesalonika 1:8

Bé e boo nɔ́ɔ́, bé ónze, nzě dwe mínjéʼe-Nzyɛ̌m bintɨ́ʼá, bé e bʉr o b'á be asâ mejóʼo ɨ́ jɔʼ bé á jóʼo Mbɨambɨa Lɔ́ɔ́ mé Tî Yésʉs yɨ́ bá.

Mɨngwiha 14:10

bé ójaʼra e nkpaa mé Nzyɛ̌m. Nzyɛ̌m óntɨ̂ʼ bé, lɨ́ edû mpʉ nkpáa nyé dí yɨ́. Bé ójaʼra e nkpaa nyé nyaá mpʉ bʉ̂r dí ejaʼra e menyoʼ ɨ́ jɔʼ bé dí akɛl bá médíbé tɨ̂ʼ yɨ́. Nye óntɨ̂ʼ bʉ̂r baá ó e siʼe ndu e pir. Bé óntɨ́ʼɔɔ ó, ɨ́ míh bééngeles dí tí bá ndu e Mâ Nteme.

Ebrœ̂ 11:8

Ɨ́ lɔ̌b búʼó, Abraham á si sâ Nzyɛ̌m mejóʼo ɨ́ jɔʼ nyé á jébe nye ó, nye tôʼ di ɨ́ sí Nzyɛ̌m á be ó, nyě dwé ó nye yɨ́. Nye á tô ó, apʉgʉ́ gʉ́ǎ titii gúmó nyé á be ó, nye tôʼ di yɨ́.

Ebrœ̂ 10:27

Mʉr dí egbah métié nó nyá, yé jaá kǎ lîʼ nyé ó, njɨ ejóʼo bʉ́á le ebóno ébeě mbi mébě Nzyɛ̌m ódwe nyé wɨ́. Nyé otô ɨ́ bɨ́ siʼe dí ɨ́ díʼa díʼa, yaá ngá dîʼ bʉ̂r o dí egbɔba e Nzyɛ̌m bá yɨ́.

Ebrœ̂ 5:9

Píe mitúú myé myaá ó nyé á ka be, nye mû lwɨ́ŋlá ɨ́ nkʉ́ŋ wé yɨ́. Nye á be ó, nye mû sá ngá kǎ dwe bʉ̂r twǐʼ njʉ̌m dǐ yɨ́. Bʉr bɨ́bɛ̂h ngá sâ nyé mejóʼo bá, bé óbǐ twiʼ yaá.

Títos 3:9

Diʼeě e mpaŋ ncɛ́rá e bʉr o dí elwib bísá mílɔ̌b mi dí abe e nyɔm, le myaá dí dwêh mí. Bé lɨ́ edǒ mpʉ bígʉ̌, le epére mékǎn, lɨ́ edǐ gʉ́ǎ lɔ̌b lɔ́ɔ́ ntán wɔ́ɔ́. Bé lɨ́ ekpɛl égœ́a e bʉr, ti e l'esâ míngamla ɨ́ lɔ̌b métié mé Nzyɛ̌m.

1 Korɛnt 11:16

Mʉ̂r sí gwɨ̂m étô dóló le edo e bɨ̌h ɨ́ lɔ̌b waá nó, nye gʉ́ŋaa ó, bɨ̌h e bʉr ó Mbɛ̌r-Nzyɛ̌m bɨ́bɛ̂h, bɨ̌h bé abe e tum swîh.

Rôm 15:18

Me álwǐb sá swîh, njɨ̌ syɛ́ɛ́ Yésʉs-Krîst á séa e nzɨ̌ nyǎm, ó me dúlaa bʉr o dí abe óYúden bá, nze e bé ɨ́ míh mé Nzyɛ̌m yɨ́. Bé mû ó lɨ́ esâ nyé mejóʼo ɨ́ lɔ̌b bílwǐb mé á lwilwib bí byaá, ti e bisyɛ́ɛla mé á sɨ̂sa bí.

Rôm 10:16

Ɨ́ jɔʼ óYúden, bé á jóʼo Mbɨambɨa Lɔ́ɔ, le esâ Nzyɛ̌m mejóʼo yɨ́, ntʉ bɨ́bɛ̂h bé á sâ nó. Ngwíha milɔ̌b Ésayie mʉr tɨ̂ʼ á lɛ́ɛ ó: Dâ ɛ̌, nzé á bûʼla lɔ́ɔ bɨ́h á lɛ́ɛ bé wɨ́?

Rôm 9:22

Nzyɛ̌m á sâ syɛ́ɛla yaá ó, nye lɛ̂ʼlaa bʉr nkpaa nyé le nkul nyé. Sá tɨ̂ʼ ó bɨ́n dí ebee nyé lɨ́ ebuú sâ bíhwó ɨ́ nkǒ páʼ bʉ̂r o jálá le ejaʼra e nkpaa nyé bá yɨ́. Nye lɨ́ ekʉ́ dûhwo baá nyé bónó édímle bá. Nyé sí kpɛl ó, nyě ntɨ́ʼ ó bʉr, dû mpʉ nkpáa nyé dí yɨ́ nɛ́ɛ: gua, gó e wáǎ lɔ̌b tɨ̂?

Rôm 6:17

Mɨná dwêʼ gá Nzyɛ̌m nzyǒo. Bɨ̌n bʉr o b'á nyɛɛ be bitúʼǎ bí syóm bá, bɨ̌n mû ɨ́ báánâʼ ó, sí sâ méjóʼo e milémé mín mímyɛ̂h, lɨ́ edû mbi mílɛ́ʼlá mû lɨ́ ebaʼle bɨ́n mí.

Rôm 1:18

Nzyɛ̌m, nyɨ́ lɛ̂ʼle mɨ́ná gá ɨ́ sʉ́lʉ́lʉ́, duho ɨ́ jʉ́o kʉ́ mpʉ nyé dí elɛ̂ʼle nkpáa, duho ɨ́ bibɨ́bla bísyɛ́ɛla bíbyɛ̂h yɨ́. Nye lɨ́ elɛ̂ʼle nkpáa ɨ́ lɔ̌b bʉ̂r o dí elwímla le otyeetye, jaá dudû njɨ bisyɛ́ɛla bi dí onzyɛ́h ónzyɛ́h bí bá.

1 Pyɛr 3:1

Ɨ́ jwɨʼ gwár yaá, bɨ̌n bʉbá, sáʼ gá ojʉ́m bɨ́n mejóʼo. Nyʉ́ʉ́ mʉ̂r ngwár ɨ́ sɔ́má ójʉ́m bɨ́n béné ébûʼla mílɔ̌b mé Nzyɛ̌m nó, nye óbɛ̌m kǎ bûʼla yɨ́ɛ ó, ɨ́ lɔ̌b kʉ̌ tyen mʉ́má wé dí edû wɨ́. Yé ajɨ ɨ́ páʼ mʉ́má ó, nye lɛ́yɨɨ njʉ̂m lʉ́ʉ́ ékǎn eswîh.

2 Korɛnt 12:20

Ebě, mě kpɛ́ɛ́ ó, me ámû be, abáʼǎ bɔma e bɨ̌n lɨ́ epyál lâm mpʉ mé dí egwɨ̂m yɨ́. Bɨ̌n ámû kœb mé, abě mpʉ bɨ́n bɨɛ dí egwɨ̂m yɨ́. Me ámû kœb bɨ́n lɨ́ esâ bísyɛ́ɛla bî: mentɛ́ɛ́, egú, mebúʼ, gwɨ́má épɨra e bʉr, mesyɛ́ɛla, mpǔʼ, nkɛ́á nyʉ̂l, le bintʉ̌.

Galásia 5:20

ngúmlá bíkpɛʼkpɛ̂ʼ bí ónzyɛ̌m, sɛ́á mímǐr mí éleme, ntémé páʼ bʉ̂r e bʉr, megô, nzwíí, ebúʼ, gwɨ́má épɨra e bʉr, nzyɛ́ɛ́lá mecwíí, mpɔ́ʼá menkɔ̌m,

Filipi 1:17

Nó ó, bʉr ónɨ̌, bé lɨ́ etúnǒ lɔ́ɔ́ mé Krîst ó, lɨ́ epɨra e me. Sâ yaá, yé aduho bé ɨ́ milémé mímpâ. Bé lɨ́ epɨra e me, bɨ́ɛ lɨ́ ejwɨʼ ó, bé óko mé túú swîh tyé yɨ́yɛ̂h mé dína ɨ́ mbʉʼ yɨ́.

Filipi 2:3

Apɨra gá páʼ nyɨ́n. Ankɛ́ɛ gá menyʉ̂l páʼ nyɨ́n. Mʉr nyɨnyɛ̂h, nye dwêʼ bʉ́ʉ́ bʉ̂r dúu, laǎ mpʉ nyé dí ebee nyé mʉr tɨ̂ʼ yɨ́.

Jacques 3:14

Sâ gwár, yé bé bɨ̌n bé lɨ́ esâ égú le epɨra e bʉr ɨ́ milémé mín nó, ayɨ́ nkʉ́na gá dwêh. Milɔ́ɔ́ bíbɛr myaá, myé ó kwahaá tʉ̂toʼó.

Jacques 3:16

Ebě, gúmó bʉ̂r dí esâ égú, le epɨra e bʉr yɨ́, tɨ̂ʼ yé ó, le oleŋéleŋé, ndu e mebébe mimbi mímyɛ̂h.