Rôm 2:7 - Kálar Nzyɛ̌m : Ejwán é Sáá

⁷ Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Kálara Zyɛ̌m Edwán é mpʉ̌n

⁷ Baʼ bʉr, bé esaa ó, kum é mih mo Zyɛm, e duu le tiʼ ndɨ asie-sie e. Bé edihbe sɔɔlʉ waa e bihbe, lé esa bɨsyɛɛla bɨ ncwɨncwɨa. Bé ó baa Zyɛm ódwe tiʼ molu mo mpoʼ mɨmɛh ɛ.

Rôm 2:7 ပူးပေါင်းရင်းမြစ်များ

Lʉkas 8:15

Nó bʉ́ʉ́ bʉ̂r, bé ó mpʉ̌ mpeʼ, yé á kur ɨ́ bwǎh métyɛʼ yɨ́. Bé lɨ́ ejóʼǒ lɔ́ɔ́ mé Nzyɛ̌m e mimbɨambɨa míléme. Bé lɨ́ emɛ̂r lɔ́ɔ waá ɨ́ kpɨ́ɨ́ɨ́, le esâ bíhwó, gúmo ntémé mpumó ɨ́ buo buo.»

2 Timotɛ 1:10

Mpam nyaá á ka nyɨ̂n ɨ́ kpɛŋlɛm ó, lɨ́ epyál mé Yésʉs-Krîst, Tiʼbʉr gá wɨ́ná. Nyɨ́ teʼle nkûl eswie. Nye á lɛ̂ʼle mɨná ɨ́ nzɨ̌ Mbɨambɨa Lɔ́ɔ ntémé ó, mɨná bi gá twiʼ mpâ, yaá dí njʉ̌m dǐ e njʉ̌m dǐ yɨ́ ó, ɨ́ Krîst.

1 Korɛnt 15:58

Bɨ́ɔɔ́ le okɛ́l bâm mé dí ekpɛl bá, tyɛ́bɨ́ɨ́ gá mekʉ̌ sí ɨ́ sɨ́ŋ. Kʉ́ buú séa gá syɛ́ɛ́ mé Tî Yésʉs ɨ́ jɔʼ yɨ́yɛ̂h. Gʉ́ŋáá gá ó, syɛ́ɛ́ bɨ́n dí eséa Tî Yésʉs yɨ́, yé ákóʼó dwě ntuʼ.

Rôm 6:23

Myɛ́na mé syɛ̂l misyóm, mé ó njɨ eswie. Tó kœb ó, ndwéá Nzyɛ̌m á dwe bʉr edwɛ́na wɨ́, wé ó twǐʼ njʉ̌m dǐ ɨ́ mpúhlá gá nyɨ́ná e Tî Yésʉs-Krîst.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Galásia 6:9

Mɨná tôʼ dóló le esɨsâ gá bisyɛ́ɛla bimpâ, akâr. Mɨ́ná bé abîr gá bisyɛ́ɛla byaá nó, mɨná bé ódira gá nyɔm tɨ̂, píe mâ jɔʼ.

Rôm 8:18

Mbeá wâm, wé ó wɨ̂: mitúú mɨ́ná dí esia gá e myé ɨ́ báánâʼ mí, myé ó sá dí dwêh yɨ́. Sá dí ɨ́ bwǎʼ lɔ̌b, laa mítúú myaá yɨ́, yé ó kûm Nzyɛ̌m ngá lɛ̂ʼle mɨ́ná gá nyɨ́.

Rôm 2:10

Bʉr bɨ́bɛ̂h o dí esâ émbɨa bá bɨɛ, Nzyɛ̌m ódwe bé kûm le dúu. Nye ógbâ bé mepyɛbla ɨ́ miléme. Nye ódwe ó, táare le oYúden, tó kala e baá o dí abe óYúden bá.

1 Yʉanes 2:25

Nó ó, nkɛ̌ʼ Nzyɛ̌m Sɔ́ŋ mʉr tɨ̂ʼ á dwe mɨná gá nyɨ́, nye ó nyɨ̂: twǐʼ njʉ̌m dǐ.

Rôm 9:23

Nzyɛ̌m á kpɛl ntémé ó, bʉr gʉ́ŋaa ó, nyě e kûm nɨ́nɨ́ɨ́. Nye ókab mɨ́ná gá kûm nyaá, mɨná gá, bʉr o nyé á kpɛl ecwɨ́a e bé bá, ebě, mɨná gá bé ó baá nyé á boo komlo ó, nye ókab bé kûm nyaá bá.

Yʉanes 5:44

Bɨ̌n jaá kpɨkpɛl ébi kûm ó, njɨ páʼ nyɨ́n. Bɨ̌n bé akpɛl ébi kûm dí eduho kwá mé waá dí Nzyɛ̌m nye omér nyá. Yé bé nó wá, á bɨ̌n bé ódyɛ̂ʼwo e Nzyɛ̌m nyá?

Ebrœ̂ 6:15

Abraham á si dûhwo mpʉ̂n. Sá tɨ̂ʼ ó nyé á bi sâ Nzyɛ̌m á kɛʼ nye yɨ́.

Ebrœ̂ 6:12

Bɨ̌h bé akpɛl ó, bɨ̌n díʼee mipwɨ́pwɨ̂h mí ósyɛ̂l o mésâ. Bɨ̌h jaá gwɨ̂m ó, njɨ bɨ̌n sâʼ mpʉ bʉ́ʉ́ óbûʼla mé Nzyɛ̌m dí eboó sɨsâ yɨ́: bé e búʼó ndu e bíhwó. Bɨ́ɛ ntémé ó ngá nʉǎ sá Nzyɛ̌m á kɛʼ bé yɨ́, jala e nkɔb líʼe nyɔ́ɔ́.

Mataos 25:46

Bʉr baá, bé ótô ɨ́ ntɨ́ʼá dí kɔ́m ti e kɔ́m yɨ́. Otîtyěl o bʉ̂r bɨ́ɛ, bé ótô ó, tó di ɨ́ twǐʼ njʉ̌m dǐ.»

Lʉkas 21:19

Tiʼɨɨ gá menyʉ́l mɨ́n ɨ́ nzɨ̌ bíhwó nyɨ́n!»

Yʉanes 4:36

Kpɛma mede, nye lɨ́ ebi myɛ́na mé. Sá nyé dí esyɛŋ yɨ́, yé ódǐ njʉ̌m dǐ e njʉ̌m dǐ. Nó ó, mbel mempeʼ, bé e kpɛma mede, bɨ́bɛ̂h, bé soho ó mbi ngwár e ngwár.

1 Korɛnt 15:42

Yé óbe ntémé ó nó, ɨ́ jɔʼ ódwe, bé ópah yɨ́. Ndwe nyɨɛ, nye lɨ́ edɨlɔɔ, nzě bo. Jɔʼ ndwê ópah yɨ́, nye ákǎ dwe, nkʉ̂ bo.

1 Korɛnt 15:50

Bɨ́ɔɔ́ bâm! Okɛ́l bâm! Mě kʉ́ lɛ́ɛ bɨ́n ó, ntʉ̌ sá dí bipúno e metié yɨ́, dí e nkul enʉǎ diá ɨ́ Mpóʼo mé Nzyɛ̌m, jala e nkɔb líʼe nyé. Sá dí edwe, bo yɨ́, yé abe e nkul elîʼ e sá dí edǐ njʉ̌m dǐ e njʉ̌m dǐ yɨ́.

Éfɛsɔs 6:24

Nzyɛ̌m sʉ́ʼoo bʉr bɨ́bɛ̂h o dí ekpɛl Tî gá wɨ́ná Yésʉs-Krîst, kpɛ̌l ápurapúra bá metyɛʼ me mpóm.

1 Timotɛ 1:17

Nzyɛ̌m dí njwɨ́ɨ melú mé mpóʼo mɨ́mɛ̂h, adwidwe nyá, waá dí anyɨ̂n, waá dí Nzyɛ̌m nye omér nyá, dúu e kûm, byé díʼee e né njʉ̌m dǐ e njʉ̌m dǐ. Amɛn.

Ebrœ̂ 2:7

Ɨ́ mâ jɔʼ, go á si sul nye sí. Beéngeles, bé á si nyɨ̂n e dúu, laa nyé bá tîtííǎ. Píe tɨ̂, gʉ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu.