Rôm 2:6 - Kálar Nzyɛ̌m : Ejwán é Sáá

⁶ Nye ójána mʉ̂r nyɨnyɛ̂h ó, dû mpʉ bísyɛ́ɛla byé dí yɨ́.

Kálara Zyɛ̌m Edwán é mpʉ̌n

⁶ Nye ójɛna mʉr nyiwɛh ó, du mpʉ bɨsyɛɛla bye, byé a be e.

Rôm 2:6 ပူးပေါင်းရင်းမြစ်များ

2 Korɛnt 5:10

Ebě, yê mɨná gá bɨ́bɛ̂h bi ó, mɨná pyálaa gá ɨ́ mpǒm mé Krîst lɨ́ esú é tíʼá mílɔ̌b gá wɨ́ná. Mʉr nyɨnyɛ̂h óbi myɛ́na ó, dû mpʉ bísyɛ́ɛla byé, byé á be ɨ́ jɔʼ nyé á be ɨ́ twiʼ yɨ́: nkʉ̂ byé á be ó, ɨ́ mbɨa, nkʉ̂ ó, byé á be ó, ɨ́ bébe.

Mataos 16:27

Ebě, Mwân mé Mʉr múo nzě pyâl ɨ́ mentyɛnwa me Sɔ́ŋ wé, bé e bééngeles bé. Jɔʼ yaá ó nyé ngá tíʼe bʉ̂r milɔ̌b, dû mpʉ bísyɛ́ɛla byɔ́ɔ́, byé á be yɨ́.

Mɨngwiha 22:12

Yésʉs, nye lɨ́ elɛ́ɛ ó: «Paá bee gâ: me lɨ́ enze ɨ́ báánâ! Me mû ó lɨ́ enze e myɛ́na ɨ́ mebô, ó me jánaa e mʉr nyɨnyɛ̂h syɛ́ɛ́ nyé á séa yɨ́.

Mɨngwiha 20:12

Me ntɔ̂ʼ bee ódwe. Ɨ́ bʉr baá, yé á be ó, le minjwɨ́ʼ mí bʉ̂r ndu e baántéʼenteʼe o bʉ̂r. Bé á be ó sí tyɛ̂b ɨ́ mpǒm mecwɨ́ɨ́ mé jwɨ́ɨ. Mekaná, mé ntɔ̂ʼ bɛ́ɔɔ ɨ́ buo buo. Mʉ́ʉ́ mékaná meswîh ntɔ̂ʼ bɛ́ɔɔ ntémé, mɨ́haá e míé mé bʉ̂r o ngá bǐ twǐʼ njʉ̌m dǐ bá. Nzyɛ̌m nzě pahle bʉ̂r o b'á dwe bá. Nye á tíʼe milɔ̌b myɔ́ɔ́ ó, lɨ́ edû mpʉ bísyɛ́ɛla byɔ́ɔ́ byé á be yɨ́. Bibaa bísyɛ́ɛla byɔ́ɔ́ byaá, byé á be ó micɛmá lɨ́ ebɨ́ʼ é mékaná mé ésôʼ maá.

1 Korɛnt 3:8

Mʉr dí ebe nyá, bé e waá dí esʉ médíbé nyá, bé ó jwɨʼ gwár. Nzyɛ̌m ódwe mʉ̂r myɛ́na ó, dû mpʉ̌ syɛ́ɛ́ nyé mʉr tɨ̂ʼ á séa yɨ́, yé á be yɨ́.

Mɨngwiha 2:23

Me ntémé, me ójʉ̂ bwán bé. Ɨ́ nzɨ̌ nyaá ó bʉ̂r ó Mbɛ̌r-Nzyɛ̌m bɨ́bɛ̂h ngá gʉ́a ó, mɛm ó dí egʉ́a bíjwɨʼ ndu e bigwɨ́má bí bʉ̂r yɨ́. Me ójána mʉ̂r nyɨnyɛ̂h ɨ́ sɔ́má yɨ́n ó, dû mpʉ bísyɛ́ɛla byé dí yɨ́.

1 Korɛnt 4:5

Ɨ́ tɨ̂ʼ ɨ́, alɨ̌ tíʼe gá lɔ̌b mé nyʉ́ʉ́ mʉ̂r ɨ́ jɔʼ yé dí apǎ pyâl jɔʼ élab yɨ́. Bónáá gá ó, Tî Yésʉs, nye ntâʼ. Nyé opyêl sá dí lɨ́ edúrʉ́ʉ́ yɨ́, tyen yé ɨ́ myɛ́n. Nyé ogwîh mípahlá mi dí misolá ɨ́ milémé mí bʉ̂r mí. Jɔʼ yaá ó Nzyɛ̌m ódwe mʉ̂r nyɨnyɛ̂h kûm jálá e né nyɨ́ yɨ́.

Rôm 14:22

Sá gó mû sí bûʼla yɨ́, baʼlaa yé ɨ́ lémé gô tʉ́ŋlʉ̌. Bɨ̌n e Nzyɛ̌m obá nkʉ̂ gʉ́a yê. Nzyɛ̌m ósʉ métyɛʼ me mpóm mé ó, ɨ́ mʉr dí edû kʉ̌ tyen mʉ̂r tɨ̂ʼ á pa kam wɨ́ nyá. Mʉr waá, nye ábeě sá nyé ójʉba e tɨ̂ʼ ɨ́ kʉ̌ tyen wé waá.

2 Korɛnt 11:15

Nó, yé abě mpǎŋ sá ékâm ó, osyɛ̂l o mésá bé, bé nyɨ́nɨɨ ó, bé ó osyɛ̂l o mésâ o dí otîtyěl o bʉ̂r bá. Ndumló wɔ́ɔ́, wé ódû ó mpʉ bísyɛ́ɛla byɔ́ɔ́, byé á be yɨ́.

2 Timotɛ 4:14

Alexandre, dí lûl melûl nyá, á si bu sâ me ebébe. Tî gá wɨ́ná ókuna mé bisyɛ́ɛla nyé á sâ me bí.