Rôm 2:3 - Kálar Nzyɛ̌m : Ejwán é Sáá

³ Gua mʉr dí edwe bʉ́ʉ́ bʉ̂r mebě ɨ́ bisyɛ́ɛla bé dí esâ bí nyá, go ntémé jaá sâ ó njɨ bisyɛ́ɛla bimpwár byaá. Gǒ bee nyá? Nzê go ókɨ̂ŋ tíʼá mílɔ̌b mé Nzyɛ̌m?

Kálara Zyɛ̌m Edwán é mpʉ̌n

³ Gwɔɔ mʉr lé edwe bʉʉ bʉr mobe ebe bɨsyɛɛla bé lé esa ɛ, gwɔɔ nteme lé esa bɨsyɛɛla bɨmpwar byaa! Go ósa nyá ɛ? Zê go ósyɛhle tiʼa mɨlɔb mo Zyɛm ɛ?

Rôm 2:3 ပူးပေါင်းရင်းမြစ်များ

Rôm 1:32

Damá jóʼǒ mpʉ bʉ̂r baá, bé lɨ́ egʉ́a ó, Nzyɛ̌m á lɛ́ɛ ó, baá bɨ́bɛ̂h dí esâ mímbi mí ébébe myaá bá, bé dáʼré ó, eswie ɨ́ menyʉ́l mɔ́ɔ́ yɨ́, bɨ́ɛ, bé ó njɨ lɨ́ etô dóló le esɨsâ bísyɛ́ɛla byaá. Yé abě njɨ nó yé omér. Jɔʼ bé dí ebee bʉ́ʉ́ bʉ̂r lɨ́ esâ syóm yɨ́, bé e bisʉhʉʉ ɨ́ miléme. Bé e bé ó: «Sɨ́sáʼ gá njɨ mpʉ́nʉ̌.»

1 Tesalonika 5:3

Bʉr, bé ólɨlɛ́ɛla páʼ nyɔ́ɔ́ ó: «Sá yɨ́yɛ̂h, yé mû ó mbɨ̂mbɨá; sá ébébe, yé abe e nkul esâ gá mɨná.» Ɨ́ jɔʼ yaá, ebébe, lé ópyâl bé metwɨrâ, ntɔ̂ʼ dímle bɨ́bɛ̂h. Sí, yé ólîʼ tʉ̂toʼó. Bé ábe e nkul ekɨ̂ŋ mébébe maá. Bé óbe ó mpʉ ábubúm. Jɔʼ mín dí emɛ̂r nyé yɨ́, nyé abe e nkul ekɨ̂ŋ mékpaa me mín.

Lʉkas 12:14

Yésʉs, nye e né ó: «Mɨ́ɔɔ́, nzé á tyêl me tîʼ milɔ̌b ɨ́ milɔ̌b mín ɛ̌? Nzé á lɛ́ɛ ó, me kábaa bilíʼé bín?»

Lʉkas 22:58

Yé á si laa mâ jɔʼ. Nyʉ́ʉ́ mʉ̂r nzě bee ntémé nye. Mʉ̌r nɨ̌ ntɔ̂ʼ lɛ́ɛ ó: «Go ntémé, go ó mʉr ngwár ɨ́ sɔ́má yɔ́ɔ́.» Pétrus ntɔ̂ʼ yala e mʉr waá ó: «Wɛɛ, mé abe nyê.»

Mataos 26:53

Nzê go bé agʉ́a ó, mé jɨʼla e Sɔ́ŋ wǎm nó, nye ólómlo mé beéngeles otɔ́ɔ́sin kám le obá ɛ̌?

Mataos 23:33

Bɨ̌n, kúl ónyʉ́a! Bɨ̌n, bigúrokɔɔ bî! Nzê yé óbána bɨ́n ó, bɨ̌n kɨ́ŋɨɨ tíʼá mílɔ̌b ngá tyen bʉ̂r ɨ́ bɨ́ siʼe wɨ́ ɛ́?

Ebrœ̂ 12:25

Nó, gwá di gá le ocwóó, ó bɨ̌n sá abene mʉ̂r mû lɨ́ ecɨ̂l bɨ́n nyá. Ɨ́ mimbú mí píhe, bé á si bene ejóʼo mʉr á nze ɨ́ sí yɨ̂ʼ nyá, akpɛl éjóʼo ɨ́ jɔʼ nyé á boo lɛ́ɛ bé sá nyé óntɨh bé yɨ́. Jɔʼ yé á ka pyâl yɨ́, bé ntɔ̂ʼ sáa ékɨ̂ŋ ntɨ́ʼá. Yé á bé akǎ bána. Mʉr á nze ka lwib e mɨná gá nyá, nyɨ́haá, nyé twíí, nye á duho ó kʉ́. Mɨ́ná bé óbene gá lɔ́ɔ́ wé nó, nzê mɨná bé ókɨ̂ŋ gá ntɨ́ʼá tɨ̂ʼ yɨ́ɛ ɛ̌? Nzyɛ̌m pǎ nyɛɛ́ ntɨ̂ʼ bímpám gá bíná ɨ́ lɔ̌b ajóʼo wɔ́ɔ́, á dwɛʼra e mɨná gá bɨɛ!

Ebrœ̂ 2:3

Mɨná gá bɨɛ bé á be ó sí ntɨhɔɔ̌ lɔ́ɔ́ twiʼ dí elaa mpáŋla bééngeles bé á túno nyɨ́. Mʉr á nyɛɛ lɛ́ɛ lɔ́ɔ waá nyá, á be ó Tî Yésʉs mʉr tɨ̂. Ntémé, bʉr o b'á jóʼo nye bá ó b'á lɛ́ɛ mɨná gá ó, wé ó lɔ́ɔ dí e nkul wɨ́. Á nó, mɨ́ná ópyêh wé nó, mɨná bé okǎ swab gá nkoó?

Lʉkas 22:60

Pétrus ntɔ̂ʼ lɛ́ɛ e né ó: «Mé apʉgʉ́ gʉ́ǎ sá gó dí elɛ́ɛ yɨ́.» Nyé dína lɨ́ elwib nó nɛ́ɛ: njʉ́m kúo nzě kwâʼ.

Rôm 2:1

Nó ó, gua, mʉr dí edwe bʉ̂r mebě nyá, gó abe e nkul ekar ɨ́ míh mé Nzyɛ̌m. Jɔʼ gó dwé bʉ̂r mebě yɨ́, num gô, wé lɨ́ edwe ntémé go mʉr tɨ̂ʼ mebě, ebě, gua yɨ́ɛ tîʼ milɔ̌b, gǒ jaá sâ ntémé ó, njɨ bisyɛ́ɛla bimpwár byaá.

Rôm 2:2

Mɨná bé lɨ́ ekʉ́ gʉ́a gá ɨ́ páʼ bʉ̂r o dí esâ mímbi bísyɛ́ɛla byaá bá ó, Nzyɛ̌m, nye lɨ́ edwe bé mebě tɨ̂. Nyě sá nó ó lɨ́ otyeetye.

Rôm 9:20

Gua mʉr dí edo e Nzyɛ̌m nyá, go nzé? Sá mʉ̂r á me e deʼé yɨ́, nzê yé óbɛ̂ʼ e mel ó: Go á me me mpʉʼ ɨ́ yé? Heʼé!