Rôm 2:27 - Kálar Nzyɛ̌m : Ejwán é Sáá

²⁷ Mʉr bikûl dí abě tíʼá mpʉ́n ɨ́ nkǒ páʼ nyʉ̂l nyá, nyé báʼlé yɨ́ɛ metié nó, nye ódwe gó mebě, gua Yúden. Go á si ntɨhɔɔ mekaná métié. Go ntémé tíʼɔɔ mpʉ́n. Píe tɨ̂, go nzě gbah métié maá.

Kálara Zyɛ̌m Edwán é mpʉ̌n

²⁷ Mʉr bɨkul l'apa saŋɔ mpʉn é nko paʼ nyʉl ɨ, ǃnye si du yɛɛ motie nɛʼɛ, nye ódwe go mobe, gwɔɔ Yʉden. Go a si ntɨhɔ okalara o motie. Go nteme si saŋɔ mpʉn. Pie tɨ, go ze ntaa motie maa!

Rôm 2:27 ပူးပေါင်းရင်းမြစ်များ

2 Korɛnt 3:6

Nye ó b'á dwe bɨ̌h nkul ó, bɨ̌h díʼee bʉr o jálá le eséa nyé syɛ́ɛ́ bá. Bɨ̌h mû ó osyɛ̂l o mésá bé, lɨ́ eníŋle bʉ̂r lɨ́ edwán é sáá. Nye á sâ saá nyaá ó e nzɨ̌ Sísǐm wé, abe e metié me dí micɛmá má. Ebě, metié mɨ́ɛ, mé jaá jʉ̂jʉ ó jʉ́ʼóo; Sísǐm mé Nzyɛ̌m wɨ́ɛ dwe bʉ̂r twǐʼ njʉ̌m dǐ e njʉ̌m dǐ.

Rôm 8:4

Nye á sia e bintɨ́ʼá ɨ́ nyʉ̂l nyé ó, nye nkʉ̂ lóŋlo ótîtyěl o bísyɛ́ɛla bíbyɛ̂h Nzyɛ̌m á boo lɛ́ɛ ó, bʉr sâʼ bí. Mɨná bi gá mepwaʼ bísyɛ́ɛla byé byaá ó, ebe mɨ́ná dí edû gá kʉ̌ tyěn Sísǐm mé Nzyɛ̌m dí etɨ́e wɨ́. Mɨná bé akǎ dû gá njwɨr myâ gá wɨ́ná.

Rôm 2:29

Mpǎŋ Yúden, nye ó waá dí ɨ́ léme tʉ́ŋlʉ̌ nyá. Mpǎŋ tíʼá mpʉ́n, wé ó waá Sísǐm mé Nzyɛ̌m dí etíʼe ɨ́ lémé mʉ̂r wɨ́. Wé atíʼɔɔ ɨ́ lɔ̌b métié mé Moyɨ̂z. Mʉr dí e tíʼá mpʉ́n waá nyá, ntʉ bʉ̂r ngá gúmlo nyê. Kûm nyé, nye óduho ó kwá mé Nzyɛ̌m.

Ebrœ̂ 11:3

Ɨ́ nzɨ̌ búʼó gá yɨ́ná ó mɨ́ná dí egʉ́a gá ó, Nzyɛ̌m ó b'á kuho kʉ́ e sí ɨ́ nzɨ̌ lwǐb yé yɨ́. Nó ó, sá yɨ́yɛ̂h dí enyɨ̂n yɨ́, yé á duho ó, ɨ́ yaá dí anyɨ̂n yɨ́.

Galásia 5:14

Metié mɨ́mɛ̂h, mé lɨ́ ebɔma le etié egwár ó: Kpɛlɨɨ mɨ́ɔɔ́ gǒ mʉr mpʉ gó dí ekpɛl gó mʉr tɨ̂ʼ yɨ́!

Rôm 13:10

Mʉr dí ekpɛl mʉ̂r njoo yé nyá, nyé abe e nkul esâ nyé ebébe. Gó kpɛ́l bʉ̂r nó, lɛ́ɛ́, gʉ́ baʼle métié mɨ́mɛ̂h mbɨ̂mbɨá.

Rôm 2:20

Gǒ lɛ́ɛ́ ntémé ó, go ó jálá le etwîn bígʉ́ʼ milʉ̂, le elɛ̂ʼle bwá ó ntwǒm. Gǒ lɨ́lɛ́ɛ́ ó, ngwɨ́á métié maá, wɨ́ dwe gó ocwóó le otyeetye wɨ́wɛ̂h.

Mɨlʉmlʉ 13:22

Jɔʼ nyé á pɛʼ Saʉ̂l ɨ́ dǐ njwɨ́ɨ Ɨ́zraɛ̂l yɨ́, nye nzě jébě David, tyêl nyé ɨ́ dǐ yaá. Nye á boʼlo ó: “Me á bee ó, David, mwân mé Yesê. Nye ó mbi mʉ̂r mé dí ekpɛl wɨ́. Nye ósâ sá yɨ́yɛ̂h mé dí egwɨ̂m ó, nye sâʼ yɨ́.”

Mataos 3:15

Yésʉs nzě yala e né ó: «Bírɨ́ɨ, yé syɛ́yɨɨ nó, ebě, yé jala ó, mɨná lóŋlaa bisyɛ́ɛla bi dí ejala le esyɛ́ɛ bí, bíbyɛ̂h.» Yʉánɛs ntɔ̂ʼ kam.

Rôm 2:15

Jɔʼ bé dí esâ nó yɨ́, bé lɛ́ʼlé ó, sá métié dí etɨ́e yɨ́, yé ó cɛmá ɨ́ milémé myɔ́ɔ́. Mipahlá mílémé myɔ́ɔ́, myé lɨ́ eboʼlo ntémé nó. Myé nwáhlé ɨ́ bîʼ bíjɔʼ ó, bé á si jéʼe esâ. Ɨ́ byúú bíjɔʼ, myé lɛ́ʼlé bé ó, bé á si gʉ́a esâ.

Rôm 2:25

Tíʼá mpʉ́n, wé e nyɔm ó, njɨ lɨ́ esú é mʉ̂r dí ebaʼle métié nyá. Mʉ̂r gbáh métié maá nó, tíʼá mpʉ́n wé, wé l'akǎ be e nyɔm. Nye mʉr tɨ̂, nyɨ́ dwirǎ mpʉ mʉ̂r á be apǎ tíʼɔɔ mpʉ́n nyá.

Rôm 2:26

Mʉ̂r á be apǎ tíʼɔɔ mpʉ́n nyá, nyé báʼlé métié nó, Nzyɛ̌m óbee nyé ó, mpʉ̌ sá lɛ́ɛ́, nye ó tíʼá mpʉ́n.

Rôm 3:30

Ebě, Nzyɛ̌m, nye ó njɨ ngwár. Ɨ́ páʼ bʉ̂r o b'á tíʼɔɔ mpʉ́n bá, nyě dwé bé nkam ó, ɨ́ lɔ̌b búʼó yɔ́ɔ́. Bʉr o dí abě tíʼá mpʉ́n bá, bé lɨ́ ebi nkâm ntémé ó, ɨ́ lɔ̌b búʼó yɔ́ɔ́.

1 Korɛnt 7:19

Etíʼɔɔ mpʉ́n nkʉ̂ di, l'atíʼɔɔ mpʉ́n, yé alɛ́ɛ̌ sɔ̂ʼ. Sá dí e nyɔm yɨ́, yé ó, go bâʼlaa metié mé Nzyɛ̌m.

Éfɛsɔs 2:11

Símsáá gá mpʉ bɨ́n á byɛ̂l yɨ́: bɨ̌n, bʉr o bíkúl bíswîh, bé ó baá óYúden dí ejébe ó, «bʉr o dí atíʼɔɔ mpʉ́n bá». (Náǎ yé ó, bʉr o jébé bɨ́n nó bá, bé jɨ́jébé bé bʉr o tɨ̂ʼ ó, «baá bé á tíʼɔɔ mpʉ́n ɨ́ bipúnó bíh bá». Tó kœb ó, sá yé á sâ ó, bé tíʼɔɔ mpʉ́n nyaá yɨ́, yé á be ó bʉr.)

2 Timotɛ 3:15

Símsáá ntémé mpʉ gó á boo táare egʉ́a Mékaná mé Nzyɛ̌m, duho lɨ́ ontwǒm gô yɨ́. Mekaná maá, mé e nkul ecɨ̂l mɨ́ná. Ocwóó waá, wé lɛ́ʼlé mɨ́ná ó, edyɛ̂ʼwo e Yésʉs-Krîst. Búʼó yaá ó dí etíʼ mɨ́ná.