Rôm 2:26 - Kálar Nzyɛ̌m : Ejwán é Sáá

²⁶ Mʉ̂r á be apǎ tíʼɔɔ mpʉ́n nyá, nyé báʼlé métié nó, Nzyɛ̌m óbee nyé ó, mpʉ̌ sá lɛ́ɛ́, nye ó tíʼá mpʉ́n.

Kálara Zyɛ̌m Edwán é mpʉ̌n

²⁶ ǃƗ mʉr a baapa saŋɔ mpʉn ɨ, si du motie nɛʼɛ, Zyɛm óbee nye ó, mpʉ sa lɛɛ ó, nye ó sɛa mpʉn.

Rôm 2:26 ပူးပေါင်းရင်းမြစ်များ

Kolosi 2:11

Ɨ́ mpúhlá nyɨ́n e Krîst, bɨ̌n bé á si tíʼɔɔ mpʉ́n dí eduho kwá mé Krîst nyɨ́. Mpʉ́n nyaá ó dí elɛ̂ʼle ó, bɨ̌n bɨ́ dwǐh njwɨr myâ gá wɨ́ná. Bɨ̌n bé á bé atíʼɔɔ mpʉ́n mpʉ bʉ́ʉ́ bʉ̂r dí etîtiʼɔɔ yɨ́.

Rôm 8:4

Nye á sia e bintɨ́ʼá ɨ́ nyʉ̂l nyé ó, nye nkʉ̂ lóŋlo ótîtyěl o bísyɛ́ɛla bíbyɛ̂h Nzyɛ̌m á boo lɛ́ɛ ó, bʉr sâʼ bí. Mɨná bi gá mepwaʼ bísyɛ́ɛla byé byaá ó, ebe mɨ́ná dí edû gá kʉ̌ tyěn Sísǐm mé Nzyɛ̌m dí etɨ́e wɨ́. Mɨná bé akǎ dû gá njwɨr myâ gá wɨ́ná.

Filipi 3:3

Mɨná gá bɨɛ ó dí e mpǎŋ tíʼá mpʉ́n, waá Nzyɛ̌m mʉr tɨ̂ʼ dí etíʼe wɨ́. Mɨná gá ó dí edwě Nzyɛ̌m kûm ɨ́ Sísǐm wé tʉ́ŋlʉ̌. Mɨná jaá nkʉ́na gá ó, njɨ ɨ́ Yésʉs-Krîst. Mɨná bé adyɛ̂ʼwo gá e bisyɛ́ɛla bi bʉ̂r ó sí yɨ̂.

Éfɛsɔs 2:11

Símsáá gá mpʉ bɨ́n á byɛ̂l yɨ́: bɨ̌n, bʉr o bíkúl bíswîh, bé ó baá óYúden dí ejébe ó, «bʉr o dí atíʼɔɔ mpʉ́n bá». (Náǎ yé ó, bʉr o jébé bɨ́n nó bá, bé jɨ́jébé bé bʉr o tɨ̂ʼ ó, «baá bé á tíʼɔɔ mpʉ́n ɨ́ bipúnó bíh bá». Tó kœb ó, sá yé á sâ ó, bé tíʼɔɔ mpʉ́n nyaá yɨ́, yé á be ó bʉr.)

Rôm 3:30

Ebě, Nzyɛ̌m, nye ó njɨ ngwár. Ɨ́ páʼ bʉ̂r o b'á tíʼɔɔ mpʉ́n bá, nyě dwé bé nkam ó, ɨ́ lɔ̌b búʼó yɔ́ɔ́. Bʉr o dí abě tíʼá mpʉ́n bá, bé lɨ́ ebi nkâm ntémé ó, ɨ́ lɔ̌b búʼó yɔ́ɔ́.

Mataos 15:28

Yésʉs ntɔ̂ʼ lɛ́ɛ e mʉmá waá ó: «Mʉmá nyâ, búʼó yô, yé ɨ́ buú bwaʼ! Yé syɛ́yɨɨ go mpʉ gô pa kpɛl yɨ́!» Ɨ́ tyé gwár yaá, sile wé, wé ntɔ̂ʼ tiʼe.

Rôm 2:25

Tíʼá mpʉ́n, wé e nyɔm ó, njɨ lɨ́ esú é mʉ̂r dí ebaʼle métié nyá. Mʉ̂r gbáh métié maá nó, tíʼá mpʉ́n wé, wé l'akǎ be e nyɔm. Nye mʉr tɨ̂, nyɨ́ dwirǎ mpʉ mʉ̂r á be apǎ tíʼɔɔ mpʉ́n nyá.

Rôm 2:27

Mʉr bikûl dí abě tíʼá mpʉ́n ɨ́ nkǒ páʼ nyʉ̂l nyá, nyé báʼlé yɨ́ɛ metié nó, nye ódwe gó mebě, gua Yúden. Go á si ntɨhɔɔ mekaná métié. Go ntémé tíʼɔɔ mpʉ́n. Píe tɨ̂, go nzě gbah métié maá.

Galásia 6:15

Yé asyɛ́ɛlǎ sɔ̂ʼ nkʉ̂ mʉr, nyɨ́ tíʼɔɔ mpʉ́n, nkʉ̂ nyé atíʼɔɔ nyê. Bwaʼbwǎʼ sɔ̂ʼ, yé ó njɨ twiʼ édwán Nzyɛ̌m dí edwe mɨ́ná gá yɨ́.