Rôm 2:21 - Kálar Nzyɛ̌m : Ejwán é Sáá

²¹ Gua yɨ́ɛ lɨ́ ekʉ́ dwe bʉ́ʉ́ bʉ̂r milɛ́ʼlá, á go ókǎ kâr élɛ̂ʼle gó mʉr tɨ̂ʼ sɔ̂ʼ ɨ́ yé ɛ́? Gǒ túnó ɨ́ bijɔʼ bíbyɛ̂h ó, bʉr gwáʼaa díbe. Á go mʉr tɨ̂ʼ díbé ɨ́ yé?

Kálara Zyɛ̌m Edwán é mpʉ̌n

²¹ Gwɔɔ yɛɛ lé ekʉ yeʼle bʉʉ bʉr, ebe yé go ndɨ ayeʼle go mʉr tɨʼ ɨ? Go etuno é bɨjɔʼ bibyɛh ó, bʉr gwaʼa díbe. A gwɔɔ, ebe yé go lé edíbe e?

Rôm 2:21 ပူးပေါင်းရင်းမြစ်များ

1 Korɛnt 9:27

Mɨ́ gbâ nyʉ̂l nyǎm ɨ́ jwɨ́ɨ́ yâm, le esâ nyé bwaʼbwaʼ mpêl. Me ámû jaá myahɔɔ̌ kʉ̌l, mɛm, mʉr dí eboó tutúnǒ Mbɨambɨa Lɔ́ɔ nyá.

Lʉkas 12:47

«Syɛ̂l mesâ mû sí boó gʉ́a bígwɨ́má bí sɔ́ŋ wé, nyɨɛ yɨ́ɛ akomlo nyé mʉr tɨ̂, nkʉ̂ lóŋlo bígwɨ́má byaá nyá, óŋmɛ́hɔɔ míngáhá ɨ́ buo buo.

Lʉkas 11:46

Yésʉs, nye e né ó: «Nkoó, nye ó e bɨ̌n ntémé, olɛ̂ʼla o métié! Bɨ̌n bé lɨ́ egbâ bʉ̂r mimbeʼ médile ɨ́ mikoo ɨ́ nzɨʼrɨ, ó bé nkɛ́yɨɨ myê. Bɨ̌n bɨɛ l'akɛm bé lɨ́ enkɛ́ɛ myê, damá jóʼo ó e diné gwár.

Lʉkas 19:22

Sɔ́ŋ, nye e né ó: “Sá bɨ́bla syɛ̂l mesâ yɨ̂! Me ótíʼe gó lɔ̌b ɨ́ mekǎn me dí eduho ɨ́ num gô má. Go á be lɨ́ egʉ́a ó, me ɨ́ buú nyan mʉ̂r. Mě nʉa ó, sá mé á be akomo yɨ́. Go á si gʉ́a ntémé ó, mě kpɛ̌m méde ó, ɨ́ gúmó mé á be amyam mempeʼ yɨ́.

Lʉkas 4:23

Nó nyé á nze lɛ́ɛ e bé ó: «Bɨ̌n dǐ lɛ́ɛ mé yé? Abe e mesónó, bɨ̌n bé ólɛ́ɛ̌ náǎ mûh ó, me sâʼ bɨ̌n sá kɨkɛna dí elɛ́ɛ yɨ́, ó: “Dɔ́bra, paá nyɛɛ́ jomo gó mʉr tɨ̂.” Ntémé, bɨ̌n bé ólɛ́ɛ e me ó: “Sáʼ bɨ́h wâʼ ɨ́ sí gó á byɛ̂l yɨ́ mbi mésimá bɨ́h jʉ́jóʼó ó, gó á sâ ɨ́ Kapernáʉm má.”»

Mataos 21:13

Nye nzě lɛ́ɛ e bé ó: «Yê cɛmá ɨ́ Mekaná mé Nzyɛ̌m ó: “Mbɛ̌r wâm, wé óbe ó mbɛ̌r mínjɨʼla.” Nó bɨ̌n bɨɛ̌ dwir wé ó, ekul e bínzilngǎn!»

Galásia 6:13

Tɔʼ e mʉr ngwár dí ebaʼle métié mé Moyɨ̂z. Damá jóʼǒ baá o dí etíne bɨ́n ó, bɨ̌n tíʼɔɔ mpʉ́n bá, bé bʉr o tɨ̂ʼ ntémé, bé abaʼle mê. Bé kpɛl yɨ́ɛ ó, bɨ̌n tíʼɔɔ mpʉ́n. Nó ó, bé ónkʉ́na ɨ́ bibam byé ólîʼ ɨ́ bipúnó bín bí.