Rôm 2:2 - Kálar Nzyɛ̌m : Ejwán é Sáá

² Mɨná bé lɨ́ ekʉ́ gʉ́a gá ɨ́ páʼ bʉ̂r o dí esâ mímbi bísyɛ́ɛla byaá bá ó, Nzyɛ̌m, nye lɨ́ edwe bé mebě tɨ̂. Nyě sá nó ó lɨ́ otyeetye.

Kálara Zyɛ̌m Edwán é mpʉ̌n

² Bɨna bé ekʉ gʉa ga é nko paʼ bʉr o ndɨ esa mɨmbi bɨsyɛɛla byaa ó, Zyɛm, nye edwe be mobe tɨ. Nye esa no ó, é l'ocyecye.

Rôm 2:2 ပူးပေါင်းရင်းမြစ်များ

Mɨngwiha 19:2

Nye ó mʉr otyeetye. Nyě tíʼé bʉ̂r milɔ̌b jɔʼ yɨ́yɛ̂h ó, lɨ́ otîtyěl. Nye á si dwe mʉmá dí ebɛ́ma nyʉ̂l ɨ́ nzɨ̌ bijoó ɨ́ nwérédé nyá mebě, ebě nye ó b'á sam bʉr ó sí yɨ̂ʼ bɨ́bɛ̂h ɨ́ nzɨ̌ bimolá. Nó ó, Nzyɛ̌m, nyɨ́ kǎ dwe nyé ntɨ́ʼá, ebě ntémé nye á si jʉ̂ osyɛ̂l o mésá bé.

Mɨngwiha 16:5

Me nzě jóʼo éngeles dí ejwɨ́ɨ méntíbé ndu e mâŋ nyá. Nye e né ó: «Dâ ɛ̌, go á boo be ó tɨ̂. Go ntémé ó dína. Go ó mʉr dí tí nyá. Go ó tîtyěl mʉr, ebě, go á si tíʼe milɔ̌b myɔ́ɔ́ mbǐ tíʼá wɨ̂,

Rôm 9:14

Nó mpʉ yé dí nó yɨ́, mɨná bé ókǎ lɛ́ɛ gá nyá? Nzê Nzyɛ̌m, nye lɨ́ esâ bísyɛ́ɛla bi dí onzyɛ́h ónzyɛ́h bí ɛ́? Heʼé, yé abá be nó.

Rôm 2:5

Jɔʼ yɨ́yɛ̂h gó dí esâ élele é léme, nkʉ̂ bene édwirǎ léme yɨ́, go náǎ ó, lɨ́ ebul bíbaa bí ébébě Nzyɛ̌m ngá niniʼe gó bí. Byé ókǎ láŋɔɔ ó, ɨ́ móhó Nzyɛ̌m ólɛ̂ʼle bʉ̂r ɨ́ buo buo nkpaa nyé wɨ́. Dʉ́o laá ntémé ó nyé ngá lɛ̂ʼle mʉ̂r nyɨnyɛ̂h mpʉ nyé dí etíʼe bʉ̂r milɔ̌b lɨ́ otîtyěl yɨ́.

Mɨlʉmlʉ 17:31

Nó nyé á tyêl dʉ́ó nyé ngá tíʼe bʉ̂r ó sí yɨ̂ʼ bɨ́bɛ̂h milɔ̌b myɔ́ɔ́ lɨ́ otîtyěl lɨ́. Nye ntémé, nyɨ́ pɛ̂h mʉ̂r ngá tíʼe mílɔ̌b myɔ́ɔ́ myaá nyá. Nyɨ́ lɛ̂ʼle bʉ̂r bɨ́bɛ̂h jwɨʼ ɨ́ syɛ́ɛla yɨ̂: epɛh nyé, dwih nyé lɨ́ odwe!»

Rôm 2:1

Nó ó, gua, mʉr dí edwe bʉ̂r mebě nyá, gó abe e nkul ekar ɨ́ míh mé Nzyɛ̌m. Jɔʼ gó dwé bʉ̂r mebě yɨ́, num gô, wé lɨ́ edwe ntémé go mʉr tɨ̂ʼ mebě, ebě, gua yɨ́ɛ tîʼ milɔ̌b, gǒ jaá sâ ntémé ó, njɨ bisyɛ́ɛla bimpwár byaá.

Rôm 2:3

Gua mʉr dí edwe bʉ́ʉ́ bʉ̂r mebě ɨ́ bisyɛ́ɛla bé dí esâ bí nyá, go ntémé jaá sâ ó njɨ bisyɛ́ɛla bimpwár byaá. Gǒ bee nyá? Nzê go ókɨ̂ŋ tíʼá mílɔ̌b mé Nzyɛ̌m?