Rôm 2:19 - Kálar Nzyɛ̌m : Ejwán é Sáá

¹⁹ Go jwɨʼ ó, go ó jálá le elɛ̂ʼle báántím nzɨ̌. Nkʉ̂ ó, go ó jálá le ekʉn bʉ̂r o dí lɨ́ edúrʉ́ʉ́ bá nzɨ̌.

Kálara Zyɛ̌m Edwán é mpʉ̌n

¹⁹ Gɨ kʉ bee ó, gwɔɔ ó jala le elɛʼle ontim zi! Nkʉ ó, gwɔɔ ó lé ejala le ekʉn bʉr o ndɨ é l'edurʉ ɨ, zi.

Rôm 2:19 ပူးပေါင်းရင်းမြစ်များ

1 Korɛnt 4:10

Bɨ̌h mû ó bigʉ̌ lɨ́ esú mé Krîst; bɨ̌n bɨɛ, bé ó mipɨpɨ́ʼ ɨ́ nye. Bɨ̌h bé ó bityɛʼbol; bɨ̌n bɨɛ, minjɨ́h mí bʉ̂r. Bɨ̌h bé lɨ́ epyéhɔɔ; bɨ̌n bɨɛ, bé lɨ́ edweŋɔɔ̌ dúu.

Yʉanes 9:34

Bé e né ó: «Gbaa gó á byɛ̂l, go ó njɨ témé misyóm. Gǒ lɛ́ɛ́ ó, gǒ lɛ́ʼlé ó, bɨ̌h ɨ́?» Ntɔ̂ʼ soŋɔɔ nyé ɨ́ mpáh minjɨʼla nyɔ́ɔ́.

Mataos 15:14

Bírɨ́ɨ́ gá bê: bé ó baántím dí elɛ̂ʼle bʉ́ʉ́ báántím nzɨ̌ bá! Ántím ólɛ̂ʼle nyʉ́ʉ́ ántím nzɨ̌ nó, bɨ́bɛ̂h obá, bé ólʉ́ŋa ɨ́ bɨ́.»

Mataos 6:23

Díh lô, lé óbe, abě mbɨ̂mbɨá nó, nyʉ̂l nyǒ nyɨnyɛ̂h óbe ó lɨ́ edúrʉ́ʉ́. Yé sí kǎ be ó, dwé dí ɨ́ nyʉ̂l nyǒ yɨ́, sí liŋa édúrʉ́ʉ́ nó, edúrʉ́ʉ́ laá, lé óbe ó ɨ́ ntime ntime!»

Mataos 5:14

«Bɨ̌n ó dí njʉl sí yɨ̂. Nkana dí sumá ɨ́ nkɛ̌l ecwɨ̂ʼ yɨ́, yé abe lɨ́ eswab.

Filipi 2:15

Sá tɨ̂ʼ ó bɨ́n óbe, abe e mebě yɨ́. Bɨ̌n bé óbe ó e miléme ɨ́ sɔ́ɔ́ɔ́, kwahaá bwán mé Nzyɛ̌m. Bɨ̌n bé ábe e sá ébébe bé ónwâhle bɨ́n e tɨ̂. Témé memɔ́ʼ mé ónzyɛ́h ó bʉ̂r o b'á dîm bá, bɨ̌n bé óbuú pǎn myɛ́n mpʉ ócwícwén ɨ́ jʉ́o kʉ́.

1 Korɛnt 3:18

Mʉ̌r sá alêh. Mʉ̂r ɨ́ sɔ́má yɨ́n sí láa ó, nye ó twóó ɨ́ nkǒ páʼ bísá bí jɔʼ yɨ̂ʼ nó, nye nyɛ́ɛ dǐ gʉ̌. Nyé okǎ bi ócwóó ómpâ ɨ́ jɔʼ yaá.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Lʉkas 1:79

Nye ókʉn ntémé menzɨ̌ me bʉ̂r o b'á bɨbe lɨ́ edúrʉ́ʉ́ bá. Baá bé á bɨbe ɨ́ ka sóo bá, bé mû ó, sí tiʼe. Nye ólɛ̂ʼle mɨ́ná gá mpʉ mɨ́ná jálá le edûdu gá kʉ̌ tyen mpâ, mɨ́ná gá le onɔ́ɔ́ nkʉ̂ didi ɨ́ mepyɛbla yɨ́.»

Markus 10:15

Mě lɛ́ɛ́ bɨ́n lɨ́ otyeetye ó, mʉr nyɨnyɛ̂h dí anî ɨ́ Mpóʼo mé Nzyɛ̌m mpʉ mâ ntwǒm nyá, nye ákóʼó nî tɨ̂.»

Mataos 4:16

Kúl bʉ̂r yé á be lɨ́ entima lɨ́ edúrʉ́ʉ́ yɨ́, yɨ́ beě myɛ́n ɨ́ bwaʼbwaʼ. Bʉr bé á be lɨ́ edi ɨ́ nkom nkom bá, bɨ́ beě myɛ́n lɨ́ epan ɨ́ sí yɔ́ɔ́!”

Rôm 2:18

Guá lɨ́lɛ́ɛ́ ó mpʉ métié maá, mé á bu tɨ́e go yɨ́, go mû ó lɨ́ ekʉ́ gʉ́ǎ sá Nzyɛ̌m dí egwɨ̂m ó, go sâʼ yɨ́. Yé lɨ́ edwe gó nzɨ̌ epɛ̂h sá yɨ́yɛ̂h dí ɨ́ mbɨa yɨ́.

Rôm 2:20

Gǒ lɛ́ɛ́ ntémé ó, go ó jálá le etwîn bígʉ́ʼ milʉ̂, le elɛ̂ʼle bwá ó ntwǒm. Gǒ lɨ́lɛ́ɛ́ ó, ngwɨ́á métié maá, wɨ́ dwe gó ocwóó le otyeetye wɨ́wɛ̂h.