Rôm 2:16 - Kálar Nzyɛ̌m : Ejwán é Sáá

¹⁶ Sá mé dí elwib wâʼ yɨ̂, yé ónyɨ̂n ɨ́ ponó, ɨ́ móhó Nzyɛ̌m ngá tíʼe bʉ̂r milɔ̌b wɨ́. Nye ósâ nó ó, ɨ́ nzɨ̌ mé Yésʉs-Krîst. Bisâ bi dí bʉr baá solá ɨ́ miléme bí, nye ólɛ̂ʼle byé ɨ́ kpɛŋlɛm. Mbɨambɨa Lɔ́ɔ mé dí etúno wɨ́, wé ó nó.

Kálara Zyɛ̌m Edwán é mpʉ̌n

¹⁶ Sa me lé elwib lɔb we wâʼ ɛ, yé ónyin é pono é dobo le etiʼ e mɨlɔb. Mɨlɔb myé ótiʼ ó, é zi mo Yesʉs-Krɨst. Bɨsa ndɨ bʉr baa é mɨmo si ɨ, nye óka lɛʼle bibyɛh é kpɛŋlɛm. Mbɨambɨa Lɔɔ me lé elɛɛ ɛ, wé ó no.

Rôm 2:16 ပူးပေါင်းရင်းမြစ်များ

1 Korɛnt 4:5

Ɨ́ tɨ̂ʼ ɨ́, alɨ̌ tíʼe gá lɔ̌b mé nyʉ́ʉ́ mʉ̂r ɨ́ jɔʼ yé dí apǎ pyâl jɔʼ élab yɨ́. Bónáá gá ó, Tî Yésʉs, nye ntâʼ. Nyé opyêl sá dí lɨ́ edúrʉ́ʉ́ yɨ́, tyen yé ɨ́ myɛ́n. Nyé ogwîh mípahlá mi dí misolá ɨ́ milémé mí bʉ̂r mí. Jɔʼ yaá ó Nzyɛ̌m ódwe mʉ̂r nyɨnyɛ̂h kûm jálá e né nyɨ́ yɨ́.

Mɨlʉmlʉ 17:31

Nó nyé á tyêl dʉ́ó nyé ngá tíʼe bʉ̂r ó sí yɨ̂ʼ bɨ́bɛ̂h milɔ̌b myɔ́ɔ́ lɨ́ otîtyěl lɨ́. Nye ntémé, nyɨ́ pɛ̂h mʉ̂r ngá tíʼe mílɔ̌b myɔ́ɔ́ myaá nyá. Nyɨ́ lɛ̂ʼle bʉ̂r bɨ́bɛ̂h jwɨʼ ɨ́ syɛ́ɛla yɨ̂: epɛh nyé, dwih nyé lɨ́ odwe!»

Mɨlʉmlʉ 10:42

Nye á si lɛ́ɛ e bɨ̌h ó, bɨ̌h tôʼ le etúnǒ Mbɨambɨa Lɔ́ɔ́ wé, ó: Yésʉs ó dí mʉ̌r Nzyɛ̌m á tyêl ɨ́ dǐ tîʼ milɔ̌b, waá ngá tíʼe míkublakúbla le odwe milɔ̌b nyá.

Lʉkas 8:17

Yé abe e sá dí solá yɨ́, ngá be, agwíha kʉ̌l. Yé abe e sá dí ɨ́ mesǒ yɨ́, ngá be, agʉ́ŋɔɔ, ntɔ̂ʼ nyɨ̂n ɨ́ bʉr ɨ́ kpɛŋlɛm.

1 Pyɛr 4:5

Bé ókar mílɔ̌b myɔ́ɔ́ ɨ́ mpǒm mé Nzyɛ̌m. Nye mû ó ɨ́ cǎr ó, nye tíʼaa mikublakúbla le odwe milɔ̌b.

Rôm 3:6

Heʼé, yé abá be nó. Yé bé Nzyɛ̌m, nye ó ontúl óntúl nó, nye á gwa tíʼe bʉr milɔ̌b nyá?

2 Pyɛr 2:9

Yé bé Dâ Nzyɛ̌m á si nyɛɛ sâ bʉr baá nó wá, nó ntémé, nye ókʉ́ gʉ́ǎ mpʉ nyé ósyɛb bʉ̂r o dí egúmo e né bá ɨ́ mebʉ́blá yɨ́. Nye lɨ́ egʉ́a ntémé mpʉ nyé ókab ónzyɛ́h ó bʉ̂r bintɨ́ʼá, le egbâ bé ɨ́ mpila, lɨ́ ebónǒ móhó étíʼ é mílɔ̌b yɨ́.

2 Timotɛ 4:1

Me lɨ́ edî gó ɨ́ hwɨ́m ɨ́ míh mé Nzyɛ̌m Sɔ́ŋ, bé e Yésʉs-Krîst: (Yésʉs waá ó múo nzě tíʼe míkublakúbla le odwe milɔ̌b nyá.) Myúú mímboʼlá mimbá, myé ó: nzéá nyé óbáʼǎ nze wɨ́, le Mpóʼo nyé ójwɨ́ɨ nyɨ́. Mě tyél gó etié ó, ɨ́ míé mé óboʼlo onâ baá ó:

2 Timotɛ 2:8

Sísímsáá Yésʉs-Krîst, nta mé David, á pah nyá, mpʉ̌ Mbɨambɨa Lɔ́ɔ́ wâm dí elɛ́ɛ yɨ́.

1 Timotɛ 1:11

Lɛ́ʼlá mpâ waá, wé ó waá dí eduho ɨ́ Mbɨambɨa Lɔ́ɔ dí e kûm wɨ́. Nzyɛ̌m mɨ́ná dí esêʼle nyá, mʉr tɨ̂ʼ ó b'á tímle me lɔ́ɔ waá ó, me túnaa wê.

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

Yʉanes 12:48

Mʉr nyɨnyɛ̂h dí eso mê, akǎm lɛ́ʼlá wâm nyá, nyě e mʉr ngá tíʼě lɔ̌b wé nyá. Milɛ́ʼlá mé mû sí dwe bɨ́n mî, myé ó ngá tíʼě lɔ̌b wé ɨ́ móhó ésúʼlá é sí yɨ̂.

Ebrœ̂ 9:27

Sâ Nzyɛ̌m á komo lɨ́ esú é mʉ̂r nyɨnyɛ̂h yɨ́, yé ó, nye dwêʼ jɔʼ gwár. Píe tɨ̂, mʉr waá ótô kwá mé Nzyɛ̌m, ó nye tôʼ pahlɔɔ.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

2 Korɛnt 5:10

Ebě, yê mɨná gá bɨ́bɛ̂h bi ó, mɨná pyálaa gá ɨ́ mpǒm mé Krîst lɨ́ esú é tíʼá mílɔ̌b gá wɨ́ná. Mʉr nyɨnyɛ̂h óbi myɛ́na ó, dû mpʉ bísyɛ́ɛla byé, byé á be ɨ́ jɔʼ nyé á be ɨ́ twiʼ yɨ́: nkʉ̂ byé á be ó, ɨ́ mbɨa, nkʉ̂ ó, byé á be ó, ɨ́ bébe.

Rôm 2:5

Jɔʼ yɨ́yɛ̂h gó dí esâ élele é léme, nkʉ̂ bene édwirǎ léme yɨ́, go náǎ ó, lɨ́ ebul bíbaa bí ébébě Nzyɛ̌m ngá niniʼe gó bí. Byé ókǎ láŋɔɔ ó, ɨ́ móhó Nzyɛ̌m ólɛ̂ʼle bʉ̂r ɨ́ buo buo nkpaa nyé wɨ́. Dʉ́o laá ntémé ó nyé ngá lɛ̂ʼle mʉ̂r nyɨnyɛ̂h mpʉ nyé dí etíʼe bʉ̂r milɔ̌b lɨ́ otîtyěl yɨ́.

Mataos 16:27

Ebě, Mwân mé Mʉr múo nzě pyâl ɨ́ mentyɛnwa me Sɔ́ŋ wé, bé e bééngeles bé. Jɔʼ yaá ó nyé ngá tíʼe bʉ̂r milɔ̌b, dû mpʉ bísyɛ́ɛla byɔ́ɔ́, byé á be yɨ́.

Galásia 1:11

Bɨ́ɔɔ́ bâm! Okɛ́l bâm! Me lɨ́ ekpɛl élɛ́ɛ bɨ́n, ó bɨ̌n gʉ́ŋaa ó, Mbɨambɨa Lɔ́ɔ mé dí etúno bɨ́n wɨ́, wé á bé aduho ɨ́ pɨʼ bʉr.

1 Korɛnt 15:1

Bɨ́ɔɔ́ bâm! Okɛ́l bâm! Me múo nzě jɨm bín bitɔŋlá ɨ́ Mbɨambɨa Lɔ́ɔ́ mé á túno bɨ̌n, waá bɨ́n á jóʼo wɨ́. Wé ntémé, wé ó waá dí bɨ̌n simá ɨ́ miléme wɨ́.