Rôm 2:15 - Kálar Nzyɛ̌m : Ejwán é Sáá

¹⁵ Jɔʼ bé dí esâ nó yɨ́, bé lɛ́ʼlé ó, sá métié dí etɨ́e yɨ́, yé ó cɛmá ɨ́ milémé myɔ́ɔ́. Mipahlá mílémé myɔ́ɔ́, myé lɨ́ eboʼlo ntémé nó. Myé nwáhlé ɨ́ bîʼ bíjɔʼ ó, bé á si jéʼe esâ. Ɨ́ byúú bíjɔʼ, myé lɛ́ʼlé bé ó, bé á si gʉ́a esâ.

Kálara Zyɛ̌m Edwán é mpʉ̌n

¹⁵ É jɔʼ bé lé esa no e, bé ekʉ lɛʼle ó, sa motie lé etɨe e, yé ó tila é mɨleme myɔɔ. Mɨpɛhla mɨleme myɔɔ, myé eboʼlo nteme no. Myé enwahle é biʼ bɨjɔʼ ó, bé a si jeʼe esa. É byʉʉ bɨjɔʼ, myé elɛʼle be ó, bé a be ó si gʉa esa.

Rôm 2:15 ပူးပေါင်းရင်းမြစ်များ

2 Korɛnt 5:11

Bɨ̌h bɨ́ gʉ́ǎ sá dí esâ ó, mʉr jóʼaa Nzyɛ̌m bʉ́á yɨ́. Sá tɨ̂ʼ ó bɨ́h dí etô le edulo bʉ̂r yɨ́. Nzyɛ̌m, nyɨ́ kʉ́ gʉ́ǎ mpʉ bɨ́h dí yɨ́. Mpûʼla, nye me ɨ́ léme ó, mipahlá mílémé mín, mí gʉ́a bɨ́h ntémé nó.

Títos 1:15

Sá yɨ́yɛ̂h, yé mû ó pubá lɨ́ esú é bʉ̂r mû mipubá bá. Sâ gwár, bʉr o b'á lœʼ menyʉ́l mɔ́ɔ́, baá dína apǎ dyɛ̂ʼwo e Nzyɛ̌m bá, yé abe e sâ gwár dí pubá ɨ́ wɔ́ɔ́ pâʼ. Bisá bíbyɛ̂h, byê bé ó, ɨ́ lwaʼwo lwaʼwo, ebě, bé á si lœʼ ocwóó wɔ́ɔ́ le milémé myɔ́ɔ́.

2 Korɛnt 1:12

Sá bɨ́h dí enkʉ́na tɨ̂ʼ yɨ́, yé ó yɨ̂: kʉ̌ tyen dí tîtyěl, waá bɨ́h dí edû e milémé míh mímyɛ̂h ɨ́ míh mé Nzyɛ̌m wɨ́. Mipahlá mílémé míh, myé boʼlo ó, bɨ̌h bé e mbɨambɨa kʉ̌ tyen. Ɨ́ kʉ̌ tyen waá, bɨ̌h jaá sâ ó, njɨ bím mpâm mé Nzyɛ̌m dí ekpɛl ó, bɨ̌h sâʼ yɨ́. Kʉ̌ tyen ngwár waá ó bɨ́h á bu dû kwá nyɨ́n, le ɨ́ sí yɨ̂ʼ yɨ́yɛ̂h wɨ́. Wé abɔma e milɛ́ʼlá bʉ̂r ó sí yɨ̂ʼ dí edwe bʉ̂r mí.

1 Timotɛ 4:2

Bé óbe ó baányâ-mikóo, le olɛ́a o bíbɛr. Syóm dí ejwɨ́ɨ bé wɨ́, wé óndɨndáma milémé myɔ́ɔ́ ó, tó pyâl ɨ́ jɔʼ bé óbe, bé mû akǎ tʉ sôn yɨ́.

Rôm 9:1

Mě lɛ́ɛ́ ó, otyeetye, abe bíbɛr. Mě lɛ́ɛ́ ó, ɨ́ mpúhlá nyɨ́h e Yésʉs-Krîst. Mipahlá mí lémé wâm, myé lɨ́ ekʉ́ boʼlǒ lɔ́ɔ waá e nzɨ̌ Sísǐm mé Nzyɛ̌m.

Mɨlʉmlʉ 24:16

Sá tɨ̂ʼ ó mé dí egbâ nkûl lɨ́ etiʼe ɨ́ míh mé Nzyɛ̌m le maá me bʉ̂r, e mipahlá mí léme mi dí ɨ́ pyɛɛɛ mí yɨ́.

Mɨlʉmlʉ 23:1

Nó ó, Pɔ̂l á bɨʼ bʉr ó bʉm mejwôʼlʉ. Nye ó: «Bɨ́ɔɔ́ bâm, mě séá Nzyɛ̌m syɛ́ɛ́ ó e léme ɨ́ sɔ́ɔ́ɔ́, pyâl ɨ́ dʉ́ó lɨ̂ʼ mûh.»

Yʉanes 8:9

Jɔʼ bé á jóʼo ekǎn énɨ̌ yɨ́, bê nzě gɔ́na le esɔlwa ngúngwár, líʼɔɔ nyé tɨ̂ʼ nye omér, bé e mʉmá nɨ̌, nyɨɛ náǎ tîtyěl téme ebɛhɛɛ. Otɔ́má bʉ̂r o b'á nyɛɛ sɔlwa esôʼ, ontwǒm bɔma.

Rôm 2:14

Ɨ́ nkǒ páʼ bʉ̂r o dí abe óYúden, baá o dí agʉ́a métié mé Moyɨ̂z bá, bɨ́ɛ bé ósâ mpʉ métié maá dí etɨ́e yɨ́ nó, yé óbe bé ó, mpʉ̌ sá lɛ́ɛ́, bé e metié maá micɛmá ɨ́ milémé myɔ́ɔ́ tʉ́ŋlʉ̌.

Rôm 2:27

Mʉr bikûl dí abě tíʼá mpʉ́n ɨ́ nkǒ páʼ nyʉ̂l nyá, nyé báʼlé yɨ́ɛ metié nó, nye ódwe gó mebě, gua Yúden. Go á si ntɨhɔɔ mekaná métié. Go ntémé tíʼɔɔ mpʉ́n. Píe tɨ̂, go nzě gbah métié maá.